ກາງເດືອນມິຖຸນາ ຜ່ານນີ້ ຢູ່ຕາມຈຸດເຈາະອຸມົງ ຂອງ ໂຄງການສ້າງທາງລົດໄຟລາວ-ຈີນ ທີ່ເມືອງວັງວຽງ ແຂວງວຽງຈັນ. ໄດ້ມີການນຳເມືອງວັງວຽງ ລົງຕິດຕາມໂຄງການສ້າງທາງລົດໄຟລາວ-ຈີນ. ໂດຍການນຳພາຂອງ ທ່ານ ຄຳຜອງ ດວງວິໄລ ກຳມະການພັກແຂວງ ເລຂາພັກເມືອງເຈົ້າເມືອງ ເມືອງວັງວຽງ. ມີບັນທ່ານຄະນະປະຈຳ, ກຳມະການພັກເມືອງ ແລະ ຫົວໜ້າຫ້ອງການທີ່ກ້ຽວຂ້ອງເຂົ້າຮ່ວມ.

ທ່ານ ບຸນຈັນ ມາລາວົງ ຮອງເຈົ້າເມືອງໆວັງວຽງ ໃນນາມຄະນະປະສານງານ ຫົວໜ້າແກ້ໄຂສິ່ງກີດຂວາງຂອງໂຄງການສ້າງທາງລົດໄຟລາວ-ຈີນຂັ້ນເມືອງ ໄດ້ໃຫ້ສຳພາດວ່າ : ສະເພາະເມືອງວັງວຽງ ໂຄງການສ້າງທາງລົດໄຟລາວ-ຈີນ ມີຄວາມຍາວ 44,5 ກິໂລແມັດ, ມີອຸມົງຢູ່ 6 ແຫ່ງ ແລະ ມີ 2 ບໍລິສັດໃນການຈັດຕັ້ງປະຕິບັດ ໄລຍະທີ່ 4-5 ຂອງໂຄງການ ປະຈຸບັນ, ບາງບໍລິສັດສາມາດເຈາະອຸມົງໄດ້ 50 – 300 ແມັດ, ໃນການລົງມາຕິມຕາມໃນຄັ້ງນີ້ ກໍ່ເພື່ອຈະໄດ້ປະສານກັບທາງບໍລິສັດ ກ່ຽວກັບບັນຫາຕ່າງໆ ຂອງສິ່ງກີດຂວາງ ທີ່ສົ່ງຜົນກະທົບໃຫ້ກັບພໍ່ແມ່ປະຊາຊົນ ລະບົບຄອງເໝືອງ ລະບົບຊົນລະປະທານ ແລະ ສິ່ງປຸກສ້າງ ອາຄານຂອງປະຊາຊົນ ເພື່ອ ເປັນຂໍ້ມູນພື້ນຖານໃຫ້ແກ່ການແກ້ໄຂບັນຫາຕ່າງໆໃນຕໍ່ໜ້າໃຫ້ໄປຕາມແຜນການເປົ້າ ໝາຍທີ່ວາງໄວ້.

Editor: ກຳປານາດ ລັດຖະເຮົ້າ