ໃນວັນທີ 26 ມີຖຸນາ 2017 ຜ່ານມານີ້ ແຂວງບໍ່ແກ້ວ ໄດ້ທຳລາຍຢາເສບຕິດ 827 ກິໂລກຣາມ, ເຊີ່ງພິທີທຳລາຍໄດ້ຈັດຂື້ນຢູ່ທີ່ເດີມກິລາ ປ່າອ້ອຍ ເມືອງຫ້ວຍຊາຍ, ແຂວງບໍ່ແກ້ວ ໄດ້ມີພິທີທຳລາຍຢາເສບຕິດທີ່ຢຶດໄດ້ ປະກອບມີ: ຢາບ້າ ຈຳນວນ 428.000 ແມັດ, ນ້ຳໜັກ 42 ກິໂລກຣາມ; ຝຸ້ນແປ້ງສີຂາວ ຈຳນວນ 20 ເປົ໋າ, ນ້ຳໜັກ 500 ກິໂລກຣາມ, ຢາໄອສ໌ 02 ຖົງນ້ອຍ, ນໍ້າໜັກ 9.05 ກຣາມ; ເຮໂຣອິນ ຈຳນວນ 20 ແທ່ງ, ໜັກ 7.719 ກິໂລກຣາມ.
ທ່ານ ລຳໄພ ຍົກຕະໄພ ຫົວໜ້າກອງບັນຊາການ ປກສ ແຂວງບໍ່ແກ້ວ ໄດ້ງານໃຫ້ຮູ້ວ່າ: ອີງຕາມຂໍ້ຕົກລົງຂອງເຈົ້າແຂວງໆບໍ່ແກ້ວ ເລກທີ 584/ຈຂ-ບກ ລົງວັນທີ 08 ມີຖຸນາ 2017 ວ່າດ້ວຍ ການອານຸຍາດໃຫ້ທຳລາຍຢາເສບຕິດທີ່ຢຶດໄດ້ ເຊິ່ງເຈົ້າໜ້າທີ່ສາມາດຢຶດໄດ້ຢາເສບຕິດ ປະເພດຕ່າງໆໃນ 1 ປີຜ່ານມາ ມີຄື: ຢາບ້າ ຈຳນວນ 428.000 ແມັດ, ນ້ຳໜັກ 42 ກິໂລກຣາມ; ຝຸ້ນແປ້ງສີຂາວ ຈຳນວນ 20 ເປົ໋າ, ນ້ຳໜັກ 500 ກິໂລກຣາມ, ຢາໄອສ໌ 02 ຖົງນ້ອຍ, ນໍ້າໜັກ 9.05 ກຣາມ; ເຮໂຣອິນ ຈຳນວນ 20 ແທ່ງ, ໜັກ 7.719 ກິໂລກຣາມ.
ນອກນັ້ນ, ຍັງມີມີຄະດີເກີດຂື້ນຍ້ອນຢາເສບຕິດ ທັງໝົດ 83 ລາຍ, ຈັບຜູ້ຕ້ອງຫາໄດ້ 95 ຄົນ, ຍິງ 7 ຄົນ, ເປັນຄົນຕ່າງປະເທດ 8 ຄົນ, ໃນພິທີໃຫ້ກຽດເຂົ້າຮ່ວມເປັນສັກຂີພິຍານຂອງ ທ່ານ ຈອມສີ ລັດຕະນະປັນ, ຄະນະປະຈຳພັກແຂວງຮອງເຈົ້າແຂວງໆບໍ່ແກ້ວ, ມີການນຳຂັ້ນແຂວງ, ການນຳເມືອງ, ຫ້ອງກອງບັນຊາການປກຊ-ປກສ ຕະຫຼອດຮອດແຂກຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
Editor: ກຳປານາດ ລັດຖະເຮົ້າ
