ບໍລິສັດ ຫົວເວີຍ ປະຈໍາປະເທດລາວ ໄດ້ເປີດສໍານັກງານຫ້ອງການໃຫມ່ ຕັ້ງຢູ່ ( Vientiane New World ) ນະຄອນຫຼວງວຽງຈັນ. ໃນວັນທີ 28 ມິຖຸນາ 2017 ໂດຍການເຂົ້າຮ່ວມຂອງ ທ່ານ ປະລິນຍາເອກ ສີນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ.ມີ ທ່ານ ທັນສະໄໝ ກົມມະສິດ ລັດຖະມົນຕີກະຊວງ ໄປສະນີ ໂທລະຄົມ ມະນາຄົມ ແລະ ການສື່ສານ, ມີທ່ານ ຊາວແຊງເກັງ ( Zhao Cheng gang ) ອຸປະທູດ ສປ. ຈີນ ປະຈໍາ ສປປ ລາວ, ທ່ານ ເຊັງລີນ ( Zhang lin) ປະທານ ບໍລິສັດ ຫົວເຫວີຍ ປະຈໍາ ອາຊີຕາເວັນອອກສຽງໃຕ້, ພ້ອມດ້ວຍບັນດາແຂກທັງພາກລັດ ແລະ ເອກກະຊົນເຊົ້າຮ່ວມ.
ທ່ານ ປາດຕຣິກ ເຊັງ Patrick Zhang ຫົວຫນ້າ ບໍລິສັດຫົວເວີຍ ປະຈໍາລາວ ໄດ້ກ່າວວ່າ: ອາຄານຫ້ອງການໃຫມ່ຂອງ ບໍລິສັດ ຫົວເຫວີຍ ມີ 3 ຊັ້ນ ສະຖານທີ່ກ້ວາງຂວາງ ສະດວກສະບາຍ ຕັ້ງຢູ່ໃຈກາງເມືອງ ຢູ່ ບ້ານເພຍວັດ ເມືອງສີສັດຕະນາກ ນະຄອນຫຼວງວຽງຈັນ. ບໍລິສັດຫົວເຫວີຍ ເປັນຜູ້ສະໜອງ ເຕັກໂນໂລຊີຂໍ້ມູນຂ່າວສານ (ICT) ຊັ້ນນໍາຂອງໂລກ. ມີພະນັກງານ 180.000 ຄົນ ໃນທົ່ວໂລກ ແລະ ບໍລິສັດຫົວເຫວີຍ ເປັນໜອງເຄື່ອງອຸປະກອນ ເຕັກໂນໂລຊີ ໃຫ້ 170 ກ່ວາປະເທດ, ບໍລະສັດດັ່ງກ່າວເຂົ້າມາສ້າງຕັ້ງໃນ ສປປລາວ ແຕ່ປີ 1998 ປະຈຸບັນມີພະນັກງານ 200 ກວ່າຄົນ. ບໍລິສັດຫົວເຫວີຍ ຍັງເປັນຜູ້ສ້າງເຄື່ອຂ່າຍ 3G ແລະ 4G ໃນລາວ ແລະ ສະໜອງເຄື່ອງອຸປະກອນເຕັກໂນໂລຊີ ໃຫ້ລັດຖະບານລາວ ແລະ ບັນດາບໍລິສັດໃນລາວ ນອກນັ້ນຍັງເປັນຜູ້ຈໍາໜ່າຍ ສະມາດໂຟນ ຍີ່ຫໍ້ ຫົວເຫວີຍ ທີ່ໄດ້ຮັບຄວາມນິຍົມ ຢູ່ໃນສັງຄົມລາວໃນປະຈຸບັນ ອີກດ້ວຍ.
Editor: ກຳປານາດ ລັດຖະເຮົ້າ
