ຕາມການໃຫ້ຂໍ້ມູນຂອງ ຜູ້ຮັບຜິດຊອບສາຍກວດເຄື່ອນທີ່ ຄະນະແກ້ໄຂຄວາມບໍ່ສະຫງົບຊາຍແດນ ໄດ້ແຈ້ງໃຫ້ຮູ້ວ່າ ໃນວັນທີ 28 ມິຖຸນາ 2017 ໄດ້ມີພົນລະເມືອງດີແຈ້ງມາຍັງສາຍກວດ ວ່າ: ຈະມີການເຄື່ອນຍ້າຍໄມ້ຜິດກົດໝາຍ ຈາກເມືອງຊານໄຊ ຫາ ເມືອງໄຊເສດຖາ ດັ່ງນັ້ນ ຄະນະຮັບຜິດຊອບສາຍກວດ ຈື່ງໄດ້ແຕ່ງຕັ້ງ ວິຊາການສົມທົບກັບພາກສ່ວນກ່ຽວຂ້ອງ ລົງເຄື່ອນໄຫວສະກັດເສັ້ນທາງດັ່ງກ່າວ ແລະ ມາຮອດເວລາ 21 ໂມງ 30ນາທີ ໄດ້ພົບເຫັນລົດເປົ້າໝາຍ ເຊິ່ງເປັນ ລົດຮຸນໄດ ສີຂາວ ທະບຽນ ກກ 3433 ແລ່ນມາຈາກ ເມືອງຊານໄຊ ມຸ້ງໜ້າໄປບ້ານຫາດຊາຍຂາວ, ເມືອງໄຊເສດຖາ, ທາງເຈົ້າໜ້າທີ່ຈື້ງໄດ້ສັ່ງຢຸດລົດຄັນດັ່ງກ່າວ ບໍລິເວນບ້ານນາໂພນຕານ ແລະ ໄດ້ພ້ອມກັນກວດກາ ໂດຍພົບເຫັນຂອງກາງ ເປັນໄມ້ຕັບ ຄ້າຍຄືໄມ້ດູ ແລະ ໄມ້ປ່າດົງ ຈຳນວນປະມານ 2.000 kg (ບໍ່ມີເອກະສານ) ທາງເຈົ້າໜ້າທີ່ຈື່ງໄດ້ນໍາເອົາລົດຄັນດັ່ງກ່າວ ພ້ອມໄມ້ ໄປໄວ້ທີ່ກອງກວດກາປ່າໄມ້ແຂວງອັດຕະປື ພ້ອມທັງສ້າງບົດບັນທືກ ແລະ ຈະດຳເນີນຄະດີຕາມລະບຽກົດໝາຍ.
ຂອບໃຈຂໍ້ມູນຈາກແຂວງອັດຕະປື
Editor: ຕະວັນ ແສງສະຫວັນ
