ເມື່ອບໍ່ດົນຜ່ານມານີ້, ກົມການຄ້າພາຍໃນ, ກະຊວງພານິດ ແຫ່ງຣາຊະອານາຈັກໄທ ຮ່ວມກັບ ອຳນາດການປົກຄອງແຂວງອຸດອນທານີ ໄດ້ຈັດງານຕະຫລາດນັດ ຜັກ ແລະ ຫນາກໄມ້ທຸກຊະນິດ ເກືອບ 3 ເດືອນ ໄປຈົນເຖິງ ວັນທີ 15 ກັນຍາ 2017 ທີ່ຕະຫລາດອຸດອນ ເມືອງທອງ. ເພື່ອໃຫ້ແຂກທີ່ມາຮຈາກຝັ່ງ ສປປ ລາວ ແລະ ບັນດາແຂວງໃກ້ຄຽງ ໄດ້ເລືອກຊື້ ແລະ ຊີມລົດຊາດ ທີ່ຫລາກຫລາຍຕາມລະດູການ, ພິເສດ ແມ່ນຫມາກຖົ່ວລຽນ ເຊີ່ງເປັນລາຊາແຫ່ງຫມາກໄມ້. ຄະນະດຽວກັນ ສິນຄ້າທີ່ນຳເຂົ້າມາລາວ ແມ່ນປະເພດກະສິກຳປອດສານພິດ ທັງນີ້ກໍ່່ເພື່ອເປັນການສົ່ງເສີມສິນຄ້າ ລະຫວ່າງລາວ-ໄທ ໃຫ້ມີຄວາມຄຶກຄື້ນຫລາຍຂື້ນ.
ທ່ານ ສິຣີໄຊ ຈິນດາຫລວງ ຮອງຜູ້ວ່າການແຂວງອຸດອນທານີ ເປີດເຜີຍວ່າ: ໄລຍະຜ່ານມາ ແຕ່ລະວັນ ປະຊາຊົນລາວ ໄດ້ເດີນທາງເຂົ້າມາຍັງຝັ່ງໄທ ຂ້າມຂົວມິດຕະພາບ ລາວ-ໄທ 1 ( ວຽງຈັນ-ຫນອງຄາຍ) ເພື່ອຈັບຈ່າຍຊື້ສິນຄ້າ ທີ່ແຂວງຫນອງຄາຍ ແລະ ແຂວງອຸດອນ ເປັນຈຳນວນຫລວງຫລາຍ, ໂດຍສະເພາະ ໃນວັນເສົາ-ອາທິດ ຄິດສະເລ່ຍ 1 ພັນ ເຖິງ 2 ພັນຄົນ.
ທ່ານນາງ ນັນທະວັດ ສະກຸນຕະນາດ ອະທີການບໍດີກົມການຄ້າພາຍໃນ, ກະຊວງພານິດໄທ ໄດ້ກ່າວໃນງານວ່າ: ການຈັດງານຕະຫລາດນັດ ຜັກ ແລະ ຫມາກໄມ້ ຂື້ນ ເພື່ອເປັນການສົ່ງເສີມການຄ້າ ຂອງປະຊາຊົນ ແລະ ຍັງເປັນການສົ່ງເສີມການທ່ອງທ່ຽວ ພາຍໃນແຂວງອຸດອນ, ບັນດາແຂວງໃກ້ຄຽງ ແລະ ແຂກຄົນລາວ ໄດ້ເດີນທາງມາໃນງານ. ເຊີ່ງພາຍໃນງານ ມີຫລາຍກີດຈະກຳທີ່ສົ່ງເສີມການບໍລິໂພກຜັກ ແລະ ຫມາກໄມ້ ເປັນຕົ້ນແມ່ນ: ຫມາກຖົ່ວລຽນ, ຫມາກເງາະ, ລຳໃຍ, ຫມາກມ່ວງ, ຫມາກແຕ່ງ, ລອງກອງ, ມັງຄຸດ ແລະ ອື່ນໆ.
ພ້ອມດຽວກັນນີ້ ທ່ານ ສົນທີຣັດ ສົນທີຈິຣະວົງ ຮອງລັດຖະມົນຕີ ກະຊວງພານິດ ຂອງໄທ ກ່າວວ່າ: ປະຈູບັນສິນຄ້າກະສິກຳ ຂອງ ໄທ ແລະ ສປປ ລາວ ຖືວ່າເປັນຕະຫລາດດຽວກັນ, ຈ່າງແຕ່ວ່າມີສິນຄ້າຂອງໄທ ສົ່ງໄປຍັງ ສປປ ລາວ ກວມເອົາອັດຕາທີ່ຫລາຍກວ່າ, ສຳລັບສິນຄ້າຈາກ ສປປ ລາວ ທີ່ສົ່ງມາຍັງໄທ ໂດຍສະເພາະ ແຂວງຫນອງຄາຍ ແລະ ແຂວງອຸດອນ ປະກອບມີ ກະສິກຳອິນຊີ, ຜັກປອດສານພິດ, ເຄື່ອງຫັດຖະກຳ-ຕຳແຜ່ນ ແລະ ເຄື່ອງຈັກສານອື່ນໆ. ທີ່ຜູ້ປະກອບການໄທ ໄດ້ນຳເຂົ້າມາຈຳຫນ່າຍ. ສຳລັບງານຕະຫລາດນັດຜັກ ແລະ ຫມາກໄມ້ ຄັ້ງນີ້ ຈັດຂື້ນເກືອບເປັນເວລາ 3 ເດືອນ ນັບແຕ່ຕົນເດືອນ ກໍລະກົດ ໄປຈົນເຖິງກາງເດືອນກັນຍາ 2017 ຄາດວ່າຈະມີມູນຄ່າການຊື້ຂາຍ ໃນແຕ່ລະວັນ ແລະ ທືນຫມູນວຽນ ໃນແຕ່ລະທິດ ບໍ່ຫລຸດ 250 ລ້ານກີບ ຫລື 1 ລ້ານກີບ.
ພິເສດ ໃນງານ ຕະຫລາດ ເກືອບ 3 ເດຶອນ ມີແຕ່ລະມື້ແມ່ນຈະມີບຸບເຟ ຫມາກໄມ້ສົດ ມື້ຫນຶ່ງ 3 ຮອບ
- ຮອບທີ 1 ເວລາ 12 ໂມງ ເຖີງ 13:30
- ຮອບທີ 2 ເວລາ 15 ໂມງ ເຖິງ 16:30
- ຮອບທີ 3 ເວລາ 17:30 ເຖິງ 19 ໂມງ.
ລາຄາພຽງຜູ້ລະ 85 ພັນກີບ ຫລື 399 ບາດ.
Editor: ກຳປານາດ ລັດຖະເຮົ້າ
