ສະພາວິຊາຊີບນັກບັນຊີ ແລະ ນັກກວດສອບລາວ ຮ່ວມກັບ ສະພາວິຊາຊີບນັກບັນຊີ ແລະ ນັກກວດສອບ ຈາກ ອົດສະຕາລີ ໄດ້ຈັດກອງປະຊຸມສຳມະນາ ເພື່ອແລກປ່ຽນຄວາມຮູ້ ແລະ ປະສົບການ ກ່ຽວກັບມາດຕະຖານສາກົນ ດ້ານການລາຍງານການເງິນ ໄອເອັຟ ອາ ເອັສ ( IFRS) ໃຫ້ແກ່ນັກວິຊາຊີບ ແລະ ນຂັກກວດສອບ ຢູ່ ສປປ ລາວ. ກອງປະຊຸມດັ່ງກ່າວ ໄດ້ຈັດຂື້ນໃນວັນທີ 5 ກໍລະກົດ 2017 ທີ່ຜ່ານມາ ທີ່ໂຮງແຮມ ຄຣາວພາຊາ, ໂດຍການເຂົ້າຮ່ວມ ມີ ທ່ານນາງ ພິລານີ ພິດສະໄຫມ ຮອງຫົວຫນ້າກົມບັນຊີ, ກະຊວງການເງີນ, ທັງເປັນປະທານສະພາວິຊາຊີບ ນັກບັນຊີ ແລະ ນັກກວດສອບລາວ, ທ່ານ ສອນໄຊ ສີລາເພັດ ປະທານສະຫະພັນນັກບັນຊີອາຊຽນ, ທ່ານນາງ ຕຣານ ເທັນ ຮວງ ( Tran Thien Huong ) ຜູ້ຕາງຫນ້າ ຊີພີເອ ອົດສະຕາລີ, ມີບັນດາແຂກ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານນາງ ພິລານີ ພິດສະໄຫມ ຮອງຫົວຫນ້າກົມບັນຊີ, ກະຊວງການເງີນ, ທັງເປັນປະທານສະພາວິຊາຊີບ ນັກບັນຊີ ແລະ ນັກກວດສອບລາວ ກ່າວວ່າ: ການຮ່ວມມືກັບບັນດາອົງການຈັດຕັ້ງວິຊາຊີບ ໃນພາກພື້ນ ແລະ ສາກົນ ໃນການແລກປ່ຽນຄວາມຮູ້ ແລະ ປະສົບການດ້ານວິຊາຊີບການບັນຊີ ແລະ ກວດສອບເປັນຕົ້ນ: ຮ່ວມກັບ ຊີພີເອ ອົດສະຕາລີ ແມ່ນເປັນການເສີມສ້າງຄວາມຮູ້ຄວາມສາມາດໃຫ້ນັກວິຊາຊີບການບັນຊີ ແລະ ກວດສອບລາວ ສາມາດຍົກລະດັບຄວາມຮູ້ວິຊາສະເພາະຂອງຕົນ ເພື່ອໃຫ້ເທົ່າກັບພາກພື້ນ ແລະ ສາກົນ ເທື່ອລະກ້າວ.

Editor: ກຳປານາດ ລັດຖະເຮົ້າ