ເມືອງສາລະວັນ ໄດ້ຈັດງານສະເຫລີມສະຫລອງວັນສິ່ງແວດລ້ອມໂລກ 5 ມີຖູນາ ຄົບຮອບ 46 ປີ, ພາຍໃນງານ ເຂົ້າຮ່ວມ ມີທ່ານ ຮອງເຈົ້າແຂວງສາລະວັນ, ມີທ່ານ ເຈົ້າເມືອງ, ຮອງເຈົ້າເມືອງ, ບັນດາຫົວຫນ້າພະແນກ-ຮອງພະແນກ ອ້ອມຊ້າງແຂວງ ເຂົ້າຮ່ວມ ຢ່າງພ້ອມພຽງ.

ໃນພິທີ ທ່ານ ວຽງສະໄຫມ ສໍອ້ອຍທິບ ຮອງເຈົ້າເມືອງສາລະວັນ ກ່າວວ່າ: ວັນສິ່ງແວດລ້ອມໂລກ ເປັນອີກວັນທີ່ມີຄວາມສໍາຄັນຕໍ່ຄົນໃນທົ່ວໂລກ ເພາະສິ່ງແວດລ້ອມ ເປັນທຸກສິ່ງ-ທຸກຢ່າງ ທີ່ຢູ່ອ້ອມຂ້າງຄົນເຮົາ ລວມທັງສິ່ງທີ່ມີຊີວິດ ແລະ ບໍ່ມີຊີວິດ, ມີສາຍກ່ຽວພັນ ແລະ ມີຜົນສະທ້ອນ ເຊີ່ງກັນ ແລະ ກັນ ທາງກົງ ແລະ ທາງອ້ອມ. ຕໍ່ການດໍາລົງຊີວິດຂອງມະນຸດເຮົາ, ສະນັ້ນ ວັນທີ 5 ມີຖຸນາ ຂອງທຸກໆປີ ຈິ່ງໄດ້ຈັດງານສະເຫລີມສະຫລອງວັນສິ່ງແວດລ້ອມຂື້ນ ເພື່ອເປັນການປູກຈິດສໍານຶກ ທຸກຄົນທົ່ວສັງຄົມ ໄດ້ມີສ່ວນຮ່ວມ ໃນການຮັກສາສິ່ງແວດລ້ອມ 5 ມີຖຸນາ ຍັງເປັນວັນສິ່ງແວດລ້ອມແຫ່ງຊາດ ອີກດ້ວຍ. ທັງນີ້ກໍ່ເພື່ອເປັນການປຸກລະດົມ ແລະ ປູກຈິດສໍານຶກໃຫ້ປະຊາຊົນ ໃນທົ່ວໂລກ, ລວມທັງ ປະຊາຊົນລາວໃນທົ່ວປະເທດ ໄດ້ຮ່ວມແຮງຮ່ວມໃຈ ດໍາເນີນການຢ່າງເອົາຈິງ-ເອົາຈັງ ໃນການແກ້ໄຂບັນຫາສິ່ງແວດລ້ອມ ໂດຍສະເພາະການຫລຸດຜ່ອນການນໍາໃຊ້ ຖົງຢາງ ປາລາສະຕິກ, ພ້ອມກັນນັ້ນ ຍັງເຮັດໃຫ້ການເພີ່ມທະວີການຄຸ້ມຄອງຊັບພະຍາກອນທໍາມະຊາດ ແລະ ປົກປັກຮັກສາສິ່ງແວດລ້ອມ ຕາມທິດສິຂຽວແບບຍືນຢົງ ໄປຕາມລະບຽບການ ແລະ ກົດຫມາຍ ຢ່າງເຂັ້ມງວດ ໃຫ້ບັນລຸໄປຕາມວິໄສທັດ ຕາມຍຸດທະສາດ ແລະ ແຜນງານ 5 ປີຂອງຂະແຫນງການ, ປະກອບສ່ວນແກ່ແຜນພັດທະນາເສດຖະກິດ-ສັງຄົມ ໃຫ້ມີຄວາມຍືນຢົງ.

ໃນພິທີທີຄະນະປະທານ ແລະ ຜູ້ເຂົ້າຮ່ວມ ຍັງໄດ້ຮັບຟັງສານຂອງທ່ານນາຍົກລັດຖະມົນຕີ ເນື່ອງໃນວັນສິ່ງແວດລ້ອມໂລກ 5 ມີຖຸນາ ຫລັງຈາກນັ້ນ ໄດ້ຮ່ວມກັນປູກຕົ້ນໄມ້ ຢ່າງເປັນຂະບວນຟົດຟື້ນ.

Editor: ກຳປານາດ ລັດຖະເຮົ້າ