ໃນວັນທີ 8 ມີຖຸນາ 2018 ທີ່ຜ່ານນີ້ ຄະນະກໍາມະການໄພພິບັດຂັ້ນເມືອງ ນໍາໂດຍ ທ່ານ ສົມເບັງ ໄຊຍະວົງ ຄະນະປະຈໍາພັກເມືອງ ຮອງເຈົ້າເມືອງໆປະທຸມພອນ ພ້ອມບັນດາຫ້ອງການທີ່ກ່ຽວຂ້ອງ ແລະ ຄະນະພັກຮາກຖານກຸ່ມ 4 ປະທຸມພອນ ໄດ້ນໍາເອົາສັງກະສີ ຈໍານວນ 40 ແຜ່ນ ແລະ ເຄື່ອງອຸປະໂພກ-ບໍລິໂພກ ມູນຄ່າ 1,747,000 ກີບ ໄປມອບໃຫ້ຄອບຄົວຂອງ ທ້າວ ທີ ຢູ່ບ້ານແຊງ ທີ່ໄດ້ຮັບຜົນກະທົບຈາກອັກຄີໄຟ (ໄຟໄໝ້ເຮືອນ) ຈາກນັ້ນ: ຍັງໄດ້ມີເຄື່ອງຂອງໄຊ້ຂອງສອຍ ແລະ ເງິນສົດ ອີກຈໍານວນໜຶ່ງ ທີ່ມີການປະກອບສ່ວນຊ່ວຍເຫຼືອຈາກບັນດາພໍ່ແມ່ປະຊາຊົນອ້ອມຂ້ອງ, ຕ່າງເມືອງ ລວມມູນຄ່າທັງໝົດ 5,790,000 ກີບ ນໍາມາມອບໃຫ້ອີກດ້ວຍ.
ຂ່າວ-ພາບ ຖວທ ເມືອງປະທຸມພອນ
Editor: ກຳປານາດ ລັດຖະເຮົ້າ
