ເມື່ອບໍ່ດົນຜ່ານມາ, ເມືອງກັວນ, ແຂວງຫົວພັນ ໄດ້ນໍເອົາເຄື່ອງມາມອບຊ່ວຍເຫລືອ ໃຫ້ແກ່ຄອບຄົວນາງ ບຸນເພັດ ປະຊາຊົນບ້ານມ້າ ເມືອງກັວນ, ແຂວງຫົວພັນ ໄດ້ຮັບເຄາະຮ້າຍ ຈາກການຮັບປະທານເຫັດເບື່ອ ຈົນເຮັດໃຫ້ເສຍຊີວິດ ເມືອເດືອນເມສາ 2018 ທີ່ຜ່ານມາ, ເຊີ່ງໃຜກໍ່ບໍ່ຍາກໃຫ້ເກີດ. ສໍາລັບເຄື່ອງທີ່ນໍາມາມອບຊ່ວຍເຫລືອຄັ້ງນີ້ ເປັນເງິນສົດ ຈາກການປະກອບສວ່ນຊ່ວຍເຫລືອ ຂອງພະນັກງານລັດຖະກອນ, ທະຫານ-ຕໍາຫລວດ ແລະ ຄະນະນໍາເມືອງກັວນ ຈໍານວນ 7 ລ້ານກີບ, ພ້ອມກັນນັ້ນ ຍັງມີຜ່າຮົ່ມ ຈໍານວນ 3 ຜືນ, ແລະ ເຄື່ອງນຸ່ງຈໍານວນຫນຶ່ງ ລວມມູນຄ່າ 2 ແສນກີບ. ລວມທັງເຄື່ອງ ແລະ ເງິນສົດ ທັງໝົດ ມູນຄ່າ 7 ລ້ານ 2 ແສນກີບ.
ກ່າວມອຍໂດຍ ທ້ານ ສົມຈິດ ສີວຽງຄໍາ ຮອງເລຂາພັກເມືອງ ຮອງເຈົ້າເມືອງ-ເມືອງກັວນ ແລະ ກ່າວຮັບໂດຍ ນາງ ບຸນເພັດ ຜູ້ເປັນເມຍ ແລະ ເປັນແມ່ຂອງລູກໆທີ່ເສຍຊີວິດ ໂດຍມີບັນດາພາກສ່ວນກ່ຽວຂ້ອງ ຮ່ວມເປັນສັກຂີພິຍານ.
ແຫລ່ງຂ່າວ ຍັງກ່າວຕື່ມອີກວ່າ ສະມາຊິກສະພາປະຊາຊົນແຂວງຫົວພັນ ປະຈໍາເຂດເລຶອກຕັ້ງເມືອງກັວນ ຍັງໄດ້ມອບເງິນໃຫ້ຄອບຄົວດັ່ງກ່າວ ຕື່ມອີກ ຈໍານວນ 1 ລ້ານກີບ.
ພາບຂ່າວ ຈາກທີມຂ່າວເມືອງກັວນ, ແຂວງຫົວພັນ
Editor: ກຳປານາດ ລັດຖະເຮົ້າ
