ໃນລະຫວ່າງວັນທີ 7-8 ມີຖຸນາປີ 2018 ນີ້ທີສະໂມສອນບ້ານຫ້ວຍເຮ້ຍ ແລະ ບ້ານເມືອງຮຶບ, ເມືອງໂພນທອງ, ແຂວງຫລວງພະບາງ ໄດ້ຈັດກອງປະຊຸມເຜີຍແຜ່ດໍາລັດ 315 /ລບ ວ່າດ້ວຍການຄຸ້ມຄອງ ແລະ ປົກປ້ອງການເຄື່ອນໄຫວສາສະໜາ ຢູ່ ສປປລາວ. ໂດຍເປັນປະທານຂອງທ່ານ ຄຳຜາຍ ແກ້ວລາວັນ ຮອງເລຂາພັກເມືອງ, ພ້ອມດ້ວຍພາກສ່ວນກ່ຽວຂ້ອງຂອງແຂວງ, ເມືອງ, ພະນັກງານຫ້ອງການພາຍໃນເມືອງ ຕະຫລອດຮອດປະຊາຊົນເຂົ້າຮ່ວມ.
ໃນກອງປະຊຸມໄດ້ຜ່ານບົດສະຫລຸບຂອງບ້ານໂດຍຫຍໍ້ ແລະ ເຜີຍແຜ່ດຳລັດ 315 /ລບ ວ່າດ້ວຍການຄຸ້ມຄອງ ການປົກປ້ອງສາສະໜາ. ວຽກງານສາສະໜາເປັນວຽກງານທາງດ້ານຈິດຕະສາດ ທີ່ລະອຽດອ່ອນ ການເຊື່ອຖືສາສິໜາໃດໜື່ງແມ່ນຄວາມຮຽກຮ້ອງຕ້ອງທາງດ້ານຈິດໃຈຂອງປະຊາຊົນລາວບັນດາເຜົ່າ, ທັງສອງບ້ານດັ່ງກ່າວເປັນບ້ານຊົນເຜົ່າປະສົມ, ມີເຜົ່າລາວ 61 ຄອບ, ເຜົ່າກຶມມຸ 61 ຄອບຄົວ, ເຜົ່າມົ້ງ 39 ຄອບຄົວ, ມີພົນລະເມືອງທັງໝົດ 1.033 ຄົນ, ຍິງ 505 ຄົນ ອາຊີບສ່ວນໃຫຍ່ແມ່ນການປູກຟັງ-ລ້ຽງສັດ, ການບໍລິການຄ້າຂາຍເປັນສຳຮອງ. ຊຶ່ງເຮັດໃຫ້ຊີວິດການເປັນຢູ່ຂອງປະຊາຊົນນັບມື້ນັບດີຂື້ນເປັນກ້າວໆ.
ຕອນທ້າຍກອງປະຊູມໄດ້ຮັບຟັງການໂອລົມຂອງທ່ານ ຄຳຜາຍ ແກ້ວລາວັນ ທ່ານໄດ້ເນັນໜັກກ່ຽວກັບ ການເຊື້ອຖືສາສະໜາລະຫວ່າງສາສະໜາເຍຊູ ກັບ ສາສະໜາພຸດ ລ້ວນແລ້ວແຕ່ແມ່ນສິດ ແລະ ພັນທະຂອງປະຊາຊົນລາວບັນດາເຜົ່າ ຕາມລັດຖະທຳມະນູນກຳນົດໄວ້, ແຕ່ບັນຫາທີ່ຄວນເອົາໃຈໃສ່ແມ່ນການເຄື່ອນໄຫວ ຂອງປະຊາຊົນ ຕ້ອງໃຫ້ຢູ່ພາຍໃຕ້ລະບຽບກົດໝາຍຂອງ ສປປ ລາວ ກໍານົດໄວ້. ທ່ານໄດ້ເນັ້ນຕື່ມວ່າ ໃຫ້ປະຊາຊົນບັນດາເຜົ່າສືບຕໍ່ຮັກສາຮີດສີບສອງຄອງສີບສີ່ ອັນເປັນປະເພນີອັນດີງາມຂອງຊາດລາວ ກໍ່ຄືຂອງແຕ່ລະເຜົ່າໃຫ້ໝັ້ນຄົງຕະຫລອດໄປ.
Editor: ນັກຂ່າວເມືອງພູຄູນ
