ວັນທີ 12 ມີຖຸນາ 2018 ໄດ້ຈັດພິທີທຳລາຍ ສີນຄ້າໝົດອາຍຸ, ສີນຄ້າເສື່ອມຄຸນນະພາບ, ສີນຄ້າປອມແປງລອກແບບ ແລະ ສີນຄ້າທີ່ນຳເຂົ້າບໍ່ຖືກຕ້ອງ ໂດຍ: ອົງການປົກຄອງເມືອງຜົ້ງສາລີ.
- ອີງຕາມ ກົດໝາຍວ່າດ້ວຍການປົກປ້ອງຜູ້ຊົມໃຊ້ ສະບັບເລກທີ 02ສພຊ, ລົງວັນທີ 30 ມີຖຸນາ 2018.
- ອີງຕາມ ຂໍ້ຕົກລົງຂອງທ່ານເຈົ້າເມືອງ ສະບັບເລກທີ 151/ຈມ, ລົງວັນທີ 21 ພືດສະພາ 2018 ວ່າດ້ວຍການແຕ່ງຕັ້ງຄະນະຮັບຜິດຊອບ ແລະ ພະນັກງານວີຊາການລົງກວດກາສີນຄ້າໝົດຄຸນນະພາບອາຍຸການນຳໃຊ້ ຢູ່ບັນດາຮ້ານຂາຍເຄື່ອງ, ຮ້ານອາຫານ ແລະ ຮ້ານຂາຍຢາຢູ່ຕະຫຼາດເທດສະບານເມືອງຜົ້ງສາລີ.
ເພື່ອເຮັດໃຫ້ຂອດການບໍລິໂພກ, ການກີນຢູ່ຕ່າງໆຂອງສັງຄົມມີຄວາມປອດໄພ, ມີຄຸນນະພາບຊີວິດທີ່ດີ, ຫຼີກເວັ້ນການເອົາລັດເອົາປຽບ ລະຫວ່າງ ຜູ້ຂາຍ ກັບ ຜູ້ຊົມໃຊ້, ໄດ້ລົງກວດກາຕົວຈີງຢູ່ເທດສະບານເມືອງຜົ້ງສາລີ ແລະ ເຂດກຸ່ມຫຼັກ 18 ເລີ່ມແຕ່ວັນທີ່ 29 ພືດສະພາ 2018 ເຖິງວັນທີ່ 09 ມີຖຸນາ 2018 ພ້ອມທັງເຜີຍແຜ່ລະບຽບກົດໝາຍໃຫ້ບັນດາຫົວໜ່ວຍທຸລະກິດຮັບຮູ້ - ເຂົ້າໃຈຢ່າງເລີກເຊີງ.
ໄດ້ລົງກວດກາຮ້າງຮ້ານລວມທັງໝົດ 105 ຮ້ານເຊັ່ນ:
ຮ້ານຂາຍເຄື່ອງຍົກ ຈຳນວນ 03 ຮ້ານ.
ຮ້ານອາຫານ ຈຳນວນ 10 ຮ້ານ.
ຮ້ານເຟີ ຈຳນວນ 10 ຮ້ານ.
ຮ້ານຂາຍເຄື່ອງແຫ້ງ ຈຳນວນ 15 ຮ້ານ.
ຮ້ານອາຫານທະເລ ຈຳນວນ 6 ຮ້ານ.
ຮ້ານຂາຍເຄື່ອງທົ່ວໄປ ຈຳນວນ 42 ຮ້ານ.
ສາມາດກວດພົບເຫັນສີນຄ້າປະເພດຕ່າງໆມີ 33 ຮ້ານ, ມີ 8 ປະເພດ, ລວມທັງໝົດມີ 1,244 ລາຍການ, ໃນນັ້ນສີນຄ້າໝົດອາຍຸການນຳໃຊ້ມີມູນຄ່າ 11,010,000 ກີບ, ສີນຄ້ານຳເຂົ້າບໍ່ຖືກຕ້ອງ ແລະ ສີນຄ້າລອກຮຽນແບບ 5,032,000 ກີບ.
- ສີນຄ້າໝົດອາຍຸ.
1. ປະເພດເຄື່ອງສຳອາງ 69 ກ່ອງ ມູນຄ່າ 370,000 ກີບ.
2. ຢາປົວພະຍາດຄົນ 136 ກັບ ມູນຄ່າ 1,249,000 ກີບ.
3. ຢາປົວພະຍາດສັດ 2 ປ່ອງ ມູນຄ່າ 120,000.
4. ປະເພດເຄື່ອງດື່ມ, ເຫຼົ້າ 299 ປ່ອງ ມູນຄ່າ 6,863,000 ກີບ.
5.ປະເພດເຄື່ອງແຫ້ງ 496 ຖົງ ມູນຄ່າ 1,866,000 ກີບ
6. ອາຫານທະເລ 26 ຖົງ ມູນຄ່າ 542,000 ກີບ.
- ສີນຄ້າປະເພດເກືອດຫ້າມ, ລັກລອບນຳເຂົ້າ
1. ເບຍຈີນ, ເບຍຫວຽດ 46 ແພັກ ມູນຄ່າ 1,840,000 ກີບ.
2. ຢາສູບ 169 ກັບ ມູນຄ່າ 3,012,000 ກີບ.
- ສີນຄ້າລອກແບບ.
1. ເບຍຫວຽດ (ໄຮນີເກນ) 1 ແພັກ ມູນຄ່າ 180,000 ກີບ.
ພາຍຫຼັງກວດກາແຕ່ລະຮ້າງຮ້ານສຳເລັດແລ້ວທາງທີມງານໄດ້ແນະນຳຂອດການຊື້ - ຂາຍຕ້ອງພະຍາຍາມກວດເບີ່ງວັນເດືອນປີຜະລິດຂອງສີນຄ້າທຸກປະເພດ, ການຕິດສະຫຼາກສີນຄ້າເປັນພາສາລາວ ພ້ອມທັງສ້າງບົດບັນທືກກັບບັນດາຮ້ານຄ້າທີ່ກວດພົບສີນຄ້າໝົດອາຍຸ, ສີນຄ້າລອກຮຽນແບບ ແລະ ສີນຄ້ານຳເຂົ້າບໍ່ຖືກຕ້ອງຕາມລະບຽບ
Editor: ກຳປານາດ ລັດຖະເຮົ້າ
