ວັນທີ 14 ມິຖຸນາ 2018 ທີ່ຫ້ອງປະຊຸມສະພາເຂດ 6 ນະຄອນຫຼວງພະບາງ, ກົມນະໂຍບາຍການຄ້າຕ່າງປະເທດ ກະຊວງອຸສາຫະກໍາ ແລະ ການຄ້າ, ໄດ້ເປັນເຈົ້າພາບຈັດກອງປະຊຸມເຜີຍແຜ່ວຽກງານເຊື່ອມໂຍງພາກພື້ນ ແລະ ສາກົນ ແລະ ເຜີຍແຜ່ວຽກງານສູນຂໍ້ມູນຂ່າວສານທາງດ້ານການຄ້າ-ການບໍລິການ ໂດຍໃຫ້ກຽດເປັນປະທານຂອງ ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸສາຫະກໍາ ແລະ ການຄ້າ, ມີການນໍາຂອງແຂວງຫຼວງພະບາງ, ພ້ອມດ້ວຍພະນັກງານຈາກກະຊວງອຸສາຫະກໍາ-ການຄ້າ ແລະ ນັກທຸລະກິດ 9 ແຂວງພາກກາງ ແລະ ພາກເໜືອ ຄື: ແຂວງວຽງຈັນ, ຊຽງຂວາງ, ໄຊຍະບູລີ, ຫົວພັນ, ຫຼວງພະບາງ, ບໍ່ແກ້ວ, ອຸດົມໄຊ, ຫຼວງນໍ້າທາ ແລະ ຜົ້ງສາລີ ເຂົ້າຮ່ວມ 100 ກວ່າທ່ານ.

ຈຸດປະສົງຂອງກອງປະຊຸມເຜີຍແຜ່ຄັ້ງນີ້ ແມ່ນຈະເໜັ້ນໃສ່ສ້າງຄວາມເຂົ້າໃຈ ໃຫ້ພາກລັດ ແລະ ພາກທຸລະກິດ ກ່ຽວກັບການເຊື່ອມໂຍງເສດຖະກິດພາກພື້ນ ແລະ ສາກົນຂອງປະເທດ ສປປ ລາວ ໂດຍນໍາໃຊ້ປື້ມຄູ່ມື,ສໍາລັບວຽກງານເຜີຍແຜ່ວຽກງາານເຊື່ອມໂຍງເສດຖະກິດພາກພື້ນ ແລະ ສາກົນຂອງ ສປປ ລາວ ແລະ ວິທີການເຂົ້າເຖິງ ສູນຂໍ້ມູນຂ່າວສານ ທາງດ້ານການຄ້າ, ດ້ານການບໍລິການ ທີ່ໄດ້ເປີດໃນທ້າຍປີ 2017.

ກອງປະຊຸມຄັ້ງນີ້ຜູ້ຕາງໜ້າຈາກຂະແໜງການກ່ຽວຂ້ອງທັງພາກລັດ ແລະ ທຸລະກິດຈາກ 8 ແຂວງພາກກາງ ແລະ ພາກເໜືອ, ຍັງໄດ້ມີໂອກາດແລກປ່ຽນຄໍາຄິດເຫັນ ຖາມ-ຕອບ, ແກ້ຂໍ້ຂ້ອງໃຈ ເພື່ອມີຄວາມຮັບຮູ້ ແລະ ເຂົ້າໃຈຢ່າງຈະແຈ້ງກ່ຽວກັບຄວາມຮູ້ພື້ນຖານຂອງວຽກງານເຊື່ອມໂຍງເສດຖະກິດ ແລະ ວິທີການເຂົ້າເຖິງ ຂໍ້ມູນທາງດ້ານການຄ້າ ທີ່ຈໍາເປັນ ໂດຍຜ່ານສູນຂໍ້ມູນຂ່າວສານ ທາງດ້ານການຄ້າ ດ້ານບໍລິການ, ເພື່ອນໍາໄປຈັດຕັ້ງປະຕິບັດ ໃຫ້ເກີດຜົນປະໂຫຍດສູງສຸດ

Editor: ກຳປານາດ ລັດຖະເຮົ້າ