ໃນທ້າຍອາທິດຜ່ານມານີ້, ທ່ານນາງ. ນາລີ ສີສຸລິດ ພ້ອມທິມງານ ໄດ້ລົງເຄື່ອນໄຫວມອບເຄື່ອງໃຫ້ປະຊາຊົນຢູ່ເມືອງລະມາມ ແຂວງເຊກອງ, ໂດຍການຕ້ອນຂອງ ທ່ານ ປອ ແພງສີ ສີລາວີ ກຳມະການພັກ, ເລຂາພັກເມືອງເຈົ້າເມືອງລະມາມ.
ການເຄື່ອນໄຫວມອບເຄື່ອງຂອງ ທ່ານນາງ. ນາລີ ສີສຸລິດ ຢູ່ທີ່ເມືອງລະມາມຄັ້ງນີ້ ມີບ້ານນໍ້າຫຽງ, ບ້ານຈະວີກ, ບ້ານນາວາ, ບ້ານເພຍໃໝ່ (ຟາກເຊ) ແລະ ບ້ານປະອໍ ມີທັງໝົດ 90 ຄອບຄົວ ເຊິ່ງເຄື່ອງທີ່ມາມອບປະກອບ 90 ຊຸດ ໃນ 1 ຊຸດ ມີ: ( ສາດ 1 ຜືນ, ເກືອ 1 ຖົງ, ຜ້າຫົ່ມ 1 ຜືນ, ປາປ໋ອງ1 ແຟັກ ແລະ ໝີ່ສໍາເລັດຮູບ 1 ແກັດຕໍ່ຄອບຄົວ.) ລວມມູນຄ່າທັງໝົດປະມານ 24 ລ້ານກວ່າກີບ.
ໂອກາດນີ້, ທ່ານ ປອ ແພງສີ ເຈົ້າເມືອງລະມາມ ກໍ່ໄດ້ສະແດງຄວາມຂອບອົກຂອບໃຈເປັນຢ່າງສູງທີ່ໄດ້ມອບເຄື່ອງຊ່ວຍເຫຼື່ອ ໃຫ້ປະຊາຊົນເມືອງລະມາມຄັ້ງນີ້, ພ້ອມທັງອວຍພອນໃຫ້ທ່ານຈົ່ງມີສຸຂະພາບແຂງແຮງ ມີພະລາໄມສົມບູນ ແລະ ສຳເລັດໃນໜ້າທີ່ການງານຂອງທ່ານ
Editor: ກຳປານາດ ລັດຖະເຮົ້າ
