ໃນວັນທີ 19 ມີຖຸນາ 2018 ຫ້ອງການອຸດສາຫະກໍາ ການຄ້າເມືອງນໍ້າບາກ, ຮ່ວມກັບອໍານາດການປົກຄອງເມືອງນໍ້າບາກ, ແຂວງຫລວງພະບາງ ໄດ້ຈັດພິທີທໍາລາຍສິນຄ້າໝົດອາຍຸ ແລະ ເຊືອມຄຸນນະພາບ ຈຳນວນ 26 ລາຍການ, ສິນຄ້າເຊືອມຄຸນສ່ວນຫຼາຍເຂົ້າໜົມຈີນ, ນໍ້າຫວານ, ນໍ້າຫມາກໄມ້ສໍາເລັດຮູບ, ເຄືອງດື່ມ ຊອດໝາກເລັນ, ນໍ້າມັນພືດ ລວມມູນຄ່າ 5 ລ້ານ 3 ແສນກວ່າກີບ
ພາຍຫລັງເຈົ້າຫນ້າທີ່ກ່ຽວຂ້ອງລົງກວດພົບ ຕາມຮ້ານຄ້າຕ່າງໆ ພາຍໃນເມືອງ ແມ່ນໄດ້ພົບເຫັນສິນຄ້າເຊື່ອມຄຸນນະພາບ, ຫມົດອາຍຸ ຫລາກຫລາຍລາຍການ ດັ່ງນັ້ນເຈົ້າຫນ້າທີ່ ຈິ່ງໄດ້ຍຶດໄວ້ ເພື່ອມາທໍາລາຍຖິ້ມ. ພ້ອມທັງຕັກເຕືອນແກ່ແມ່ຄ້າ ບໍ່ໃຫ້ເຮັດແບບນີ້ ຕ້ອງຄໍານຶງເຖິງສຸຂະພາບຂອງຜູ້ບໍລິໂພກ ເປັນສິ່ງສໍາຄັນ
Editor: ກຳປານາດ ລັດຖະເຮົ້າ
