ກອງປະຊຸມປະຈໍາ 6 ເດືອນຕົ້ນປີ ຂອງຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ເພື່ອສະຫຼຸບຖອດຖອນບົດຮຽນວຽກງານປ້ອງກັນ ແລະ ຄວບຄຸມໄພພິບັດ ແລະ ທິດທາງແຜນການຕໍ່ໜ້າ ໄດ້ຈັດຂື້ນ ຢູ່ທີ່ສະໂມສອນໃຫຍ່ຂອງເມືອງ ໂດຍການເປັນປະທານ ຂອງ ທ່ານນາງ ດາວ ວິນລາດຊະກິດ ຮອງເຈົ້າເມືອງຫົງສາ ປະທານຄະນະກໍາມະການ ແລະ ຄວບຄຸມໄພພິບັດ, ມີທ່ານ ສຸກມາໄລ ວະນິສະເວດ ຜູ່ຮັບຊອບວຽງານຊ່ວຍເຫຼືອເດັກສາກົນປະຈໍາແຂວງໄຊຍະບູລີ, ມີຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນແຂວງ,ຂັ້ນເມຶອງເຂົ້າຮວ່ມຢ່າງພ້ອມພຽງ.
ກອງປະຊຸມຄັ້ງນີ້: ຜູ່ເຂົ້າຮ່ວມໄດ້ຮັບຟັງຜ່ານບົດສະຫຼຸບການຈັດຕັ້ງປະຕິບັດ ວຽກງານປ້ອງກັນ ແລະ ຄວບຄຸມໄພພິບັດຂັ້ນເມືອງ 6 ເດືອນຕົ້ນປີ 2018 ແລະ ທິດທາງແຜນການ 6 ເດືອນທ້າຍປີ 2018 ຮ່າງແຜນເຊື່ອມສານວຽກງານໄພພິບັດ ເຂົ້າແຜນພັດທະນາເສດຖະກິດສັງຄົມຂອງເມືອງ ຈາກ ທ່ານ ບຸນມີ ສີເມືອງ ຫົວໜ້າຫ້ອງການ ແຮງານ ແລະ ສະຫັວັດດີການສັງຄົມຂອງເມືອງ, ຜ່ານມາທົ່ວເມືອງ ໄດ້ມີໄພພິບັດເກີດຂື້ນທັງໝົດ 5 ຄັ້ງ, ມີ 9 ບ້ານ ມີ 442 ຄອບຄົວ, ຈໍານວນຄົນ 2,684 ຄົນ, ຍິງ 1,280 ຄົນ, ລວມມູນຄ່າການເສຍຫາຍທັງໝົດ 1 ຕື້ 3 ຮ້ອຍລ້ານກວ່າກີບ ເຊັ່ນ: ອັກຄີໄພ (ໄຟໄໝ້ເຮືອນ) ມີ 2 ຄັ້ງ,ລວມມູນຄ່າການເສຍຫາຍທັງໝົດ 223 ກວ່າກິບ, ລົມພະຍຸພັດເຮືອນເປ່ເພ 2 ຄັ້ງ, ລວມມີ 4 ບ້ານ, ມູນຄ່າເສຍຫາຍທັງໝົດເກືອບ 40 ລ້ານກິບ,ສັດຕູພຶດທໍາລາຍຜົນພະລິດລວມມີ 3 ບ້ານ, ລວມມູນຄ່າການເສຍຫາຍ 1 ຕື້ ກ່ວາກິບ, ໃນໄລຍະ 6 ເດືອນຜ່ານມາ ຄະນະກໍາມະການປ້ອງກັນຄວບຄຸມໄພພິບັດຂັ້ນເມືອງ ກໍ່ໄດ້ຊ່ວຍເຫຼືອຄອບຄົວ ທີ່ປະສົບກັບໄພພິບັດໄດ້ຢ່າງທັນ,ໃນໂອກາດດັ່ງກ່າວຍັງໄດ້ພ້ອມກັນປະກອບຄໍາຄິດ ຄໍາເຫັນເພື່ອປັບປຸງວຽກງານດັ່ງກ່າວນີ້ໃຫ້ດີຂື້ນໃນຕໍ່ໜ້າ,ພ້ອມດຽວກັນນັ້ນຍັງໄດ້ປະເມີນຜົນການຈັດຕັ້ງປະຕິບັດວຽກງານຂອງຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນເມືອງຕື່ມອີກ.
ໃນຕອນທ້າຍກອງປະຊຸມ ທ່ານນາງ ດາວ ວິນລາດຊະກິດ ປະທານກອງປະຊຸມ ກໍ່ໄດ້ໃຫ້ກຽດໂອລົມ ແລະ ໃຫ້ທິດຊີ້ນໍາຕໍ່ຄະນະກໍາມະການປ້ອງກັນ ແລະ ຄວບຄຸມໄພພິບັດຂັ້ນເມືອງ ເອົາໃຈໃສ່ພ້ອມກັນສຶບຕໍ່ປະຕິບັດວຽກງານຕໍ່ໜ້າໃຫ້ດີຂື້ນ
Editor: ກຳປານາດ ລັດຖະເຮົ້າ
