ເມື່ອບໍ່ດົນມານີ້, ຢູ່ທີ່ສະໂມສອນສໍານັກງານປົກຄອງເມືອງໄຊບົວທອງ ແຂວງຄໍາມ່ວນ ໄດ້ມີພິທີມອບ-ຮັບເຄື່ອງຊວຍ່ເຫຼືອປະເພດເຂົ້າສານ ຈຳນວນ 10 ໂຕນ, ເພື່ອນໍາໄປມອບຕໍ່ໃຫ້ພໍ່ແມ່ປະຊາຊົນທີ່ໄດ້ຮັບຜົນກະທົບຈາກລົມພະຍຸ ສົງກາ ແລະ ພະຍຸດອກສຸລິພັດຜ່ານ ໃນປີ 2017 ຜ່ານມາ, ພິທີມອບ-ຮັບ ເຄື່ອງຄັ້ງນີ້ໂດຍການເປັນກຽດເຂົ້າຮ່ວມຂອງ ທ່ານ ບຸນທວຍ ສີລິປັນຍາທອງ ຫົວໜ້າພະແນກແຮງງານ ແລະ ສະຫວັດດີການສັງຄົມແຂວງ ຄຳມ່ວນ, ມີ ທ່ານ ນວນຕາ ແກ້ວນະວົງ ຮອງເຈົ້າເມືອງໄຊບົວທອງ ມີບັນດາທ່ານຫົວໜ້າຄະນະຫ້ອງການ, ຄະນະກໍາມະການຮັບຜິດຊອບແລະຄວບຄຸມໄພພິບັດຂັ້ນເມືອງ ເຂົ້າຮ່ວມ.
ໃນພິທີ ທ່ານ ບຸນທວຍ ສີລິປັນຍາທອງ ຫົວໜ້າພະແນກແຮງງານ ແລະສະຫວັດດີການສັງຄົມແຂວງ ຄຳມ່ວນ, ໄດ້ກ່າວສະເໜີ ຈຸດປະສົງໃນການມອບເຄື່ອງໃນຄັ້ງນີ້ ເຊິ່ງການມອບເຄື່ອງນີ້ກໍ່ເພື່ອເປັນການແບ່ງເບົາ ແລະ ບັນເທົາທຸກພໍ່ແມ່ປະຊາຊົນ ຢູ່ເມືອງໄຊບົວທອງ ໃນຈຳນວນ 13 ບ້ານ , 164 ຄອບຄົວ, ທີ່ໄດ້ຮັບຜົນກະທົບຈາກລົມພະຍຸ ສົງກາ ແລະ ພະຍຸດອກສຸລິ ພັດຜ່ານ ໃນປີ 2017 ຜ່ານມາ, ເຊິ່ງເຂົ້າສານທີ່ນໍາມາມອບຊວ່ຍເຫຼືອໃນຄັ້ງນີ້ ມີຈໍານວນ 10 ໂຕນ, ເຊິ່ງ ມອບໂດຍ ທ່ານ ບຸນທວຍ ສີລິປັນຍາທອງ ຫົວໜ້າພະແນກແຮງງານ ແລະ ສະຫວັດດີການ-ສັງຄົມແຂວງ ຄຳມ່ວນ ແລະ ກ່າວຮັບໂດຍ ທ່ານ ນວນຕາ ແກ້ວນະວົງ ຮອງເຈ້າເມືອງໆ ໄຊບົວທອງ
ໃນໂອກາດດັ່ງກ່າວ ທ່ານ ນວນຕາ ແກ້ວນະວົງ ຮອງເຈົ້າເມືອງໄຊບົວທອງ ກໍ່ໄດ້ກ່າວສະແດງຄວາມຂອບອົກຂອບໃຈຢ່າງສູງ ຕໍ່ຄະນະພັກຂັ້ນເທິງທີ່ມີຄວາມເປັນຫວ່ງເປັນໄຍຕໍ່ພໍ່ແມ່ປະຊາຊົນແລະໄດ້ນຳເອົາເຄື່ອງ ຊ່ວຍເຫຼືອມາມອບໃຫ້ໃນຄັ້ງນີ້.
Editor: ກຳປານາດ ລັດຖະເຮົ້າ
