ທ່ານ ນວນໄຊ ພະໄຊສົມບັດ ຫົວໜ້າກອງຄຸ້ມຄອງພາຫະນະ ແລະ ການຂັບຂີ່ (ກຄພຂ) ນະຄອນຫຼວງວຽງຈັນ ໄດ້ໃຫ້ສຳພາດກັບຫນັງສືພິມວຽງຈັນໃຫມ່ ໃນວັນທີ 22 ມິຖຸນາ 2018 ວ່າ: ຈໍານວນພາຫະນະທີ່ມາຂຶ້ນທະບຽນຢູ່ ກອງຄຸ້ມຄອງພາຫະນະ ແລະ ການຂັບຂີ່ ນະຄອນຫລວງວຽງຈັນ ບໍ່ນັບພາຫະນະກຳລັງ ປກຊ-ປກສ ແຕ່ລະປີເປັນຈຳນວນຫຼວງຫຼາຍສົມຄວນ ສະເລ່ຍໃສ່ພົນລະເມືອງ ໃນນະຄອນຫລວງວຽງຈັນ ເກືອບຜູ້ລະຄັນ ດັ່ງນັ້ນ ຈຶ່ງເຮັດໃຫ້ເກີດມີສະພາບການສັນຈອນແອອັດ ເຊິ່ງມັນສະແດງໃຫ້ເຫັນຈຳນວນພາຫະນະໃໝ່ ບໍ່ລວມພາຫະທີ່ປ່ຽນໂອນໄດ້ມາຂຶ້ນທະບຽນຢູ່ ກອງຄຸ້ມຄອງພາຫະນະ ແລະ ການຂັບຂີ່ ນະຄອນຫລວງວຽງຈັນ ໃນປີ 2017 ມີທັງໝົດ 57.118 ຄັນ ແຕ່ທຽບໃສ່ປີ 2016 ຫຼຸດລົງ 2 ພັນກວ່າຄັນ ໃນນັ້ນ ລົດຈັກ 34.907 ຄັນ ລົດສາມລໍ້ 1 ຄັນ ລົດເກງ 5.743 ຄັນ ລົດກະບະ 10.089 ຄັນ ລົດຈິບ 3.227 ຄັນ ລົດຕູ້ 698 ຄັນ ລົດບັນທຸກ 2.264 ຄັນ ແລະ ລົດໂດຍສານ 189 ຄັນ.
ສະເພາະ 5 ເດືອນຕົ້ນປີ 2018 ມີພາຫະນະມາຂຶ້ນທະບຽນຢູ່ ກອງຄຸ້ມຄອງພາຫະນະ ແລະ ການຂັບຂີ່ ນະຄອນຫລວງວຽງຈັນ ທັງໝົດ 25.566 ຄັນ ໃນນັ້ນ ລົດຈັກ 15.445 ຄັນ ລົດເກງ 2.362 ຄັນ ລົດກະບະ 5.052 ຄັນ ລົດຈິບ 1.421 ຄັນ ລົດຕູ້ 282 ຄັນ ລົດບັນທຸກ 913 ຄັນ ແລະ ລົດໂດຍສານ 81 ຄັນ.
ຖ້າລວມຕົວເລກທັງໝົດນັບແຕ່ປີ 2000-2005 ແລະ 2018 ມີພາຫະນະມາຂຶ້ນທະບຽນຢູ່ ກອງຄຸ້ມຄອງພາຫະນະ ແລະ ການຂັບຂີ່ ນະຄອນຫລວງວຽງຈັນ ທັງໝົດ 875.946 ຄັນ ໃນນັ້ນ ລົດຈັກ 597.167 ຄັນ ລົດສາມລໍ້ 3.405 ຄັນ ລົດເກງ 60.956 ຄັນ ລົດກະບະ 121.548 ຄັນ ລົດຈິບ 27.662 ຄັນ ລົດຕູ້ 30.300 ຄັນ ລົດບັນທຸກ 32.760 ຄັນ ແລະ ລົດໂດຍສານ 2.148 ຄັນ ໃນນັ້ນ ປ້າຍລັດຖະການ 21.230 ຄັນ ປ້າຍເອກະຊົນລາວ 680.047 ຄັນ ປ້າຍເອກະຊົນຕ່າງດ້າວ 3.843 ຄັນ ປ້າຍທຸລະກິດ 1% ຫຼື ຍົກເວັ້ນ 25.694 ຄັນ ປ້າຍທຸລະກິດ 100% 134.201 ຄັນ ປ້າຍ ສທ (ທູດ) 1.345 ຄັນ ປ້າຍ ຂຕ (ຊ່ຽວຊານ) 5.272 ຄັນ ປ້າຍ ສປຊ (ອົງການ) 1.058 ຄັນ ປ້າຍຊົ່ວຄາວ 3.228 ຄັນ ແລະ ປ້າຍ ສງ (ສະຖາບັນການເງິນ) 28 ຄັນ.
Editor: ວຽງຈັນໃຫມ່
