ທ່ານ ພູວອນ ບຸນວິໄລ ກຳມະການພັກເເຂວງ ເລຂາພັກເມືອງ ເຈົ້າເມືອງ - ເມືອງໝື່ນ, ພ້ອມດ້ວຍຄະນະປະຈຳພັກເມືອງ, ກໍາມະການພັັກເມືອງ, ຫົວໜ້າຫ້ອງການ, ຄະນະຫ້ອງການ, ຄະນະກຸ່ມບ້ານ, ອົງການປົກຄອງບ້ານ, ເຈົ້າກົກ, ເຈົ້າເຫຼົ່າ, ຫົວໜ້າຊີງຊາວ ແລະ ພໍ່ແມ່ປະຊາຊົນເຂົ້າຮ່ວມກອງປະຊຸມປ່ອນເລືອກຕັ້ງນາຍບ້ານນຳ້ເພີນ ຊຶ່ງຈັດຂຶ້ນໃນຕອນເຊົ້າຂອງວັນທີ 21 ມີຖຸນາ 2018 ນີ້ ຢູ່ທີ່ສະໂມສອນຫ້ອງການບ້ານນ້ຳເພີນ ເມືອງໝື່ນ ແຂວງວຽງຈັນ.
ກອງປະຊຸມໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານໃນໄລຍະ 5 ຜ່ານມາ (2013 -2018) ແລະ ທິດທາງແຜນການໃນຕໍ່ໜ້າ(2018 - 2023) ປະກອບຄໍາຄິດຄໍາເຫັນໃສ່ບົດສະຫຼຸບດັ່ງກ່າວໃຫ້ມີເນື້ອໃນສົມບູນຄົບຖ້ວນຂຶ້ນຕື່ມ, ຈາກນັ້ນຄະນະບ້ານນຳ້ເພີນຊຸດເກົ່າໄດ້ຂຶ້ນຜ່ານເອກະສານກ່າວລາໜ້າທີ່ຂອງຕົນ,ຜ່ານມາດຖານເງື່ອນໄຂຜູ້ທີ່ຈະຮັບສະໝັກເປັນນາຍບ້ານຊຸດໃໝ່, ກອງປະຊຸມໄດ້ໃຫ້ປະຊາຊົນຊົນພ້ອມກັນໄດ້ໃຊ້ສິດປະຊາທິປະໄຕໃນການປ່ອນບັດເລືອກເອົານາຍບ້ານ ແລະ ຄັດເລືອກເອົາຄະນະບ້ານຊຸດໃໝ່ ບົນພື້ນຖານ ແລະ ມາດຖານທີ່ກຳນົດໄວ້ ເຊິ່ງມີຜູ້ສະໝັກທັງໝົດ 7 ທ່ານ ດັ່ງນີ້ : 1. ທ່ານ ອຸບົນ ບົວເງິນ ,2. ທ່ານ ບຸນລ້ຽງ ໄຊຍະລື, 3. ທ່ານ ຄໍາແກ້ວ ປາລົມ, 4. ທ່ານ ຄໍາໂທ ຕາມອງ, 5. ທ່ານ ບຸນພຽງ ພົດສະພາ, 6. ທ່ານ ຄໍາລິດ ແລະ 7. ທ່ານ ຄຳແດງ, ຜົນການປ່ອນບັດເລືອກໄດ້ 5 ທ່ານຄື: 1. ທ່ານ ອຸບົນ ບົວເງິນ ເປັນນາຍບ້ານ, 2. ທ່ານ ບຸນລ້ຽງ ໄຊຍະລື ເປັນຮອງນາຍບ້ານ, 3. ທ່ານ ຄໍາແກ້ວ ປາລົມ ເປັນຮອງນາຍບ້ານ, 4. ທ່ານ ຄໍາໂທ ຕາມອງ ເປັນຮອງນາຍບ້ານ, 5.ທ່ານ ບຸນພຽງ ພົດສະພາ ເປັນຮອງນາຍບ້ານ.
ໂອກາດນີ້ ກອງປະຊຸມຍັງໄດ້ຜ່ານຂໍ້ຕົກລົງຂອງທ່ານ ເຈົ້າເມືອງ-ເມືອງໝື່ນ ສະບັບເລກທີ 369/ຈມ,ມໝ, ລົງວັນທີ 18 ມີຖຸນາ 2018 ວ່າດ້ວຍ: ການມອບໃບຢັ້ງຢືນຄອບຄົວ, ບ້ານພັດທະນດ້ານສີມືແຮງງານ ແລະ ສະ
ຫວັດດີການສັງຄົມຄົມ ໃຫ້ບ້ານນ້ຳເພີນ ໃຫ້ກຽດຂຶ້ນຮັບໂດຍຄະນະບ້ານນຳເພີນຊຸດໃໝ່ ຕ່າງໜ້າມອບໂດຍທ່ານ ພູວອນ ບຸນວິໄລ ກຳມະການພັກເເຂວງ ເລຂາພັກເມືອງ ເຈົ້າເມືອງ-ເມືອງໝື່ນ ຢ່າງສົມກຽດຕື່ມອີກ.
Editor: ນັກຂ່າວເມືອງຫມື່ນ
