ໃນວັນທີ 27 ມີຖຸຸນາ 2018 ນີ້ ທີ່ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ທ່ານ ສະຫວັນຄອນ ຣາຊມຸນຕີ ຮອງລັດຖະມົນຕີ ກະຊວງ ຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ໄດ້ຖະແຫລງຂ່າວ ລາຍງານຕໍ່ສື່ມວນຊົນ ວ່າ: ໃນລະຫວ່າງວັນທີ 1-3 ກໍລະກົດ 2018 ນີ້ ທີ່ນະຄອນຫລວງວຽງຈັນ ສປປ ລາວ ແມ່ນຈະໄດ້ເປີດກອງປະຊຸມສຸດຍອດສື່ມວນຊົນ ຂອບການຮ່ວມມືແມ່ນນໍ້າຂອງ-ແມ່ນໍ້າລ້ານຊ້າງ ປະຈໍາປີ 2018 ຂື້ນ ໂດຍການເປັນປະທານຮ່ວມ ລະຫວ່າງ ກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ ສປປ ລາວ ແລະ ຫນັງສືພິມ ປະຊາຊົນລາຍວັນ ສປ ຈີນ. ກອງປະຊຸມຄັ້ງນີ ຈະໄດ້ດໍາເນີນພາຍໃຕ້ຫົວຂໍ້ ການຮ່ວມມືປະຊາຄົມ ແມ່ນໍ້າຂອງ-ແມ່ນໍ້າລ້ານຊ້າງ ເພື່ອອະນາຄົດອັນສະຫວ່າງສະໄຫວ. ແລະ ເນື້ອໃນທີ່ຈະນໍາມາປືກສາຫາລືກັນ ແມ່ນເນັ້ນໃສ່ 2 ຫົວຂໍ້ຫລັກ ຄື: ສື່ແບບໃຫມ່ ( New Media ) ແລະ ການສົ່ງເສີມການທ່ອງທ່ຽວ
ກອງປະຊຸມຄັ້ງນີ້ ຈະມີການນໍາ ແລະ ຕົວແທນສື່ມວນຊົນ ຈາກ 6 ປະເທດສາມະຊິກ ຂອບການຮ້ວມມືແມ່ນໍ້າຂອງ-ແມ່ນໍ້າລ້ານຊ້າງ ປະກອບມີ: ລາວ, ກໍາປູເຈຍ, ໄທ, ມຽນມາ, ຫວຽດນາມ ແລະ ຈີນ.
Editor: ກຳປານາດ ລັດຖະເຮົ້າ
