ຕາມການໃຫ້ສໍາພາດຂອງ ທ່ານ ກອງໄຊ ໄຊຍະພູມ ກໍາມະການພັກເມືອງ, ຫົວໜ້າຫ້ອງການຊັບພະຍາກອນ-ທໍາມະຊາດ ແລະ ສີ່ງແວດລ້ອມເມືອງເຊໂປນ ໄດ້ລາຍງານຕໍ່ຜູ້ສື່ຂ່າວໃນວັນທີ 2 ກໍລະກົດ 2018 ນີ້ວ່າ: ຕາມຫາງສຽງວິພາກວິຈານທາງສື່ສັງຄົມອອນໄລ ແລະ ພໍ່ແມ່ປະຊາຊົນບ້ານໃກ້ຄຽງໂດຍສະເພາະປະຊາຊົນບ້ານວົງວິໄລ, ແກ້ງຫົວປາ, ເຂດວິທະໄລເຊໂປນ, ບ້ານອຸດົມສຸກ, ສອນມີໄຊ ແລະ ບ້ານອື່ນໆ ທີ່ໄດ້ຮັບຜົນກະທົບທີ່ສົ່ງກິ່ນຂີ່ວເໝັນປ່ອຍສານເຄມີ ທາງອາກາດ ໃນລະຫວ່າງວັນທີ 5-9 ມີຖຸນາ ຈາກບໍລິສັດ ໂຮງງານຊັນແປເປີ ທີ່ຕັ້ງຢູ່ບ້ານມັນຈີເມືອງເຊໂປນ, ແຂວງສະຫວັນນະເຂດ ຊື່ງບໍລິສັດໄດ້ເຮັດບົດບັນທຶກກັບພະແນກຊັບພະຍາກອນທໍາມະຊາດ ແລະ ສີ່ງແວດລ້ອມແຂວງ, ເມືອງເຊໂປນ ຮ່ວມກັບ ບໍລິສັດ ໃນຄັ້ງວັນທີ 9 ມີຖຸນາ 2018ທີ່ຜ່ານມາ, ຊື່ງພະແນກຊັບພະຍາກອນ-ທໍາມະຊາດ ແລະ ສີ່ງແວດລ້ອມແຂວງ ໄດ້ສະເໜີໃຫ້ທາງບໍລິສັດ ໃຫ້ມີການປັບປຸງບໍ່ໃຫ້ມີກິ່ນຂີວເໜັນ ກໍານົດ 10 ວັນ ແຕ່ວັນທີ 9-19 ມີຖຸນາ ໃຫ້ສໍາເລັດ100 ສ່ວນຮ້ອຍ, ແຕ່ປະຊາຊົນຍັງໄດ້ຮັບຜົນກະທົບກິ່ນຂີວເໝັນຄືເກົ່າ ໃນລະຫວ່າງ ວັນທີ 22-23ມີຖຸນາ ແລະ ວັນທີ 30-31 ມີຖຸນາ ຮອດປະຈຸບັນເຊີ່ງກິ່ນດັ່ງກ່າວແຮງເໝັນກວ່າເກົ່າ,

ດັ່ງນັ້ນໃນວັນທີ 30 ມີຖຸນາ 2018 ນີ້ ທາງຫ້ອງການຊັບພະຍາກອນ-ທໍາມະຊາດ ແລະ ສີ່ງແວດລ້ອມເມືອງເຊໂປນ ຮ່ວມກັບພະນັກງານວີຊາການຂອງຫ້ອງການ ແລະ ພະນັກງານຂອງບໍລິສັດ ຈຶ່ງໄດ້ລົງໄປສໍາຫລວດເບີ່ງສະຖານທີ່ດັ່ງກ່າວເຫັນວ່າ ໃນລະຫວ່າງວັນທີ 22-23 ມີຖຸນາ ຢູ່ໂຮງງານໄຟດັບເຮັດໃຫ້ລະບົບກົນຈັກບໍ່ທໍາງານ ຈຶ່ງມີກິ່ນຂີ່ວ, ມາຮອດປະຈຸບັນກໍ່ໄດ້ມີການປັບປຸງພາຍໃນໂຮງງານແລ້ວໂດຍສະເພາະການປ່ອຍຄວັນເສຍຈາກໂຮງງານ ແລະ ອື່ນໆຈາກນັ້ນທາງຫ້ອງການ ຊພສ ເມືອງ ກໍ່ໄດ້ແນະນໍາບໍລິສັດໃຫ້ປະຕິບັດຕາມບົດບັນທຶກທີ່ໄດ້ເຊັນກັນໃນວັນທີ 20ມີຖຸນາ 2018 ທີ່ຜ່ານມາ ຊື່ງເຫັນດີສະເໜີໃຫ້ທາງບໍລິສັດປະຕິບັດຕາມບົດບັນທຶກກອງປະຊຸມໃນຄັ້ງວັນທີ 9 ມີຖຸນາ ຂອງ ພະແນກຊັບແຂວງ, ,ຫ້ອງການຊັບພະຍາກອນ ທໍາມະຊາດ ແລະ ສິງແວດລ້ອມເມືອງ ຮ່ວມກັບບໍລິສັດ ຊັນແປເປີໂຮນດີງລາວ ຈໍາກັດ, ໃຫ້ສໍາເລັດໂດຍໄວ ແລະ ທາງບໍລິສັດກໍຢືນຢັນວ່າຈະແກ້ໄຂບັນຫາກິ່ນໃຫ້ສໍາເລັດຕາມພັນທະສັນຍາ, ຖ້າຫາກບໍ່ສໍາເລັດກໍ່ຍີນດີປະຕິບັດຕາມການກວດກາແລະຕາມການແນະນໍາຂອງຝ່າຍລັດຖະບານ, ສະເໜີໃຫ້ບໍລິສັດຕອບສະໜອງ ແລະ ແຈກຢາຍອຸປະກອນປ້ອງກັນກິ່ນແລະຝຸ່ນລະອອງ ເຊັ່ນວ່າ: ຜ້າປິດປາກ ແລະ ໜ້າກາກອະນາໄມໃຫ້ພໍ່ແມ່ປະຊາຊົນ ໃນເຂດທີ່ໄດ້ຮັບຜົນກະທົບໄດ້ສວມໃສ່ໃນກໍລະນີເກີດບັນຫາຂື້ນແບບກະທັນຫັນ, ສະເໜີໃຫ້ບໍລິສັດສະໜອງອຸປະກອນປ້ອງກັນຄວາມປອດໄພໃຫ້ກໍາມະກອນໃນໂຮງງານ,ແຂກທີ່ມາເຮັດວຽກແລະຢ້ຽມຢາມ, ໃນການຂົນສົ່ງເສດຕະກອນ ໄປຈູດຝັງກົບແລະຈູດເກັບມ້ຽນຕ້ອງມີຜ້າປົກປິດ ແລະ ບໍ່ໃຫ້ບັນທຸກເກີນຂະໜາດ, ຕົກເຮ່ຍຕາມສາຍທາງເວລາຂົນສົ່ງ, ສະເໜີໃຫ້ບໍລິສັດປະຕິບັດຕາມຄໍາສັ່ງ ຂອງທ່ານເຈົ້າແຂວງສະຫວັນນະເຂດ ຢຸດຕິການເກັບຊື້ໄມ້ທໍາມະຊາດນໍາປະຊາຊົນ, ມອບໃຫ້ຫ້ອງວ່າການປົກຄອງເມືອງເຊໂປນ ເປັນໃຈກາງ ແລະ ປະສານສົມທົບກັບພາກສ່ວນທີ່ກ່ຽວຂ້ອງຂັ້ນເມືອງ ເຮັດໜ້າທີ່ຕິດຕາມກວດກາ, ສົມທົບກັບບໍລິສັດ, ຖ້າຫາກມີບັນຫາຜົນກະທົບຫລືບໍ່ປະຕິບັດຕາມສັນຍາ ແລະ ຄໍາສັ່ງຂອງຂັ້ນເທີງແມ່ນລາຍງານຂໍຄໍາເຫັນຊີ້ນໍາຈາກຂັ້ນເທີງຂອງຕົນເພື່ອພ້ອມກັນແກ້ໄຂໃຫ້ທ່ວງທັນກັບສະພາບການ

ແຫລງຂ່າວ ທີມຂ່າວເມືອງເຊໂປນ

Editor: ກຳປານາດ ລັດຖະເຮົ້າ