ງານເປີດໂຕ ຜະລິດຕະພັນ ລອງການອຍ ໄດ້ມີຂື້ນເມື່ອບໍ່ດົນມານີ້ ທີ່ສູນກິລາລ້ານຊ້າງອິນດໍ, ບ້ານໂພນປ່າເປົ້າ, ເມືອງສີສັດຕະນາກ, ນະຄອນຫລວງວຽງຈັນ ໂດຍມີບັນດາແຂກທີ່ກ່ຽວຂ້ອງເຂົ້າຮ່ວມ ຢ່າງພ້ອມພຽງ

ໃນພິທີ ທ່ານ ພັນທະມິດ ອິນທິລາດ ປະທານທີ່ປຶກສາ ບໍລິສັດ ລ້ານຊ້າງພິຣເມຍ ໄດ້ກ່າວວ່າ: ຜະລິດຕະພັນລອງການອຍ ແມ່ນເປັນຜະລິດຕະພັນທີ່ມີຄົນຊົມໃຊ້ຫລາຍ ໃນປະເທດເພື່ອນບ້ານ ແລະ ມີຜົນດີ ພ້ອມກັນນັ້ນ ຍັງໄດ້ທົດລອງໃຊ້ດ້ວຍຕົນເອງ ແລະ ກໍ່ເຫັນຜົນດີ ເປັນຢານວດຜ່ອນຄາຍກ້າມຊີ້ນ ຄາຍເສັ້ນ ແລະ ຂໍ້ກະດູກ, ເນື່ອງຈາກເປັນຜູ້ຫນຶ່ງທີ່ມັກຮັກໃນການຫລີ້ນກິລາ ແລະ ເຫັນຜົນກັບຜະລິດຕະພັນດັ່ງກ່າວ ຈີ່ງມີຈຸດປະສົງນໍາເຂົ້າມາຈໍາຫນ່າຍ ທີ່ປະເທດລາວ ໂດຍໄດ້ຕົກລົງເປັນຕົວແທນຈໍາຫນ່າຍ ຢ່າງເປັນທາງການ ໃນ ສປປ ລາວ.

ທ່ານ ສາດສະດາຈານ ດຣ, ອຸສະນີ ວິນິດເຂດ ປະທານທີ່ປຶກສາ ບໍລິສັດ ເດີພຣີເມຍ ເອັນເຕີພຣາຍ, ທັງເປັນເຈົ້າຂອງຜະລິດຕະພັນ ລອງການອຍ ໄດ້ກ່າວໃນພິທີວ່າ: ຜະລິດຕະພັນ ລອງການອຍ ເປັນຜະລິດຕະພັນທີ່ໄດ້ຮັບການຍອມຮັບຈາກສັງຄົມໄທ ແລະ ຕ່າງປະເທດໃນຫລາຍໆປະເທດ. ເປັນຜະລິດຕະພັນ ທີ່ໄດ້ຮັບລາງວັນດີເດັ່ນ ໃນຫລາຍໆລາງວັນ ລະດັບທອບອາວອດ ເຖິງ 9 ລາງວັນ. ຜະລິດຕະພັນລອງການອຍ ເປັນຢາທີ່ຊ່ວຍບັນເທົາອາການປວດຕາມເສັ້ນເອັນ, ຂໍ່ຕ່າງໆໃນຮ່າງກາຍ, ສາມາດນໍາກັບຜູ້ສູງອາຍຸ ແລະ ນັກກິລາ, ພະນັກງານທີ່ເຮັດວຽກຕາມຫ້ອງລ້າ-ຫ້ອງການ ທີ່ນັ່ງເຮັດວຽກເປັນເວລາ ຍາວນານ.. ສໍາລັບລາຄາ ແມ່ນມີຫລາຍລາຄາ ຕາມຂະຫນາດ ແລະ ປະລິມານ ຂອງສິນຄ້າ. ພິເສດ ງານເປີດໂຕຕົວແທນຈໍາຫນ່າຍ ຢ່າງເປັນທາງການ ລອງການອຍ ຄັ້ງນີ້, ຍັງໄດ້ເຊີນເອົາສີລະປິນ ແລະ ນັກສະແດງ ທີ່ມີຊື່ສຽງຈາກປະເທດໄທ ມາຮ່ວມງານ ໂດຍສະເພາະ ທ່ານ ກ້ອງ ສະຫາລັດ ສັງຄະປີຊາ.

Editor: ກຳປານາດ ລັດຖະເຮົ້າ