ໃນວັນທີ 3 ກໍລະກົດ 2018 ນີ້, ທີ່ວັດໃຫຍ່ໄຊຍະພູມ ນະຄອນໄກສອນພົມວິຫານ ແຂວງສະຫວັນນະເຂດ, ກໍາມາທິການເຜີຍແຜ່ສີລະທໍາ ແລະ ປະຕິບັດກໍາມະຖານ, ໄດ້ລົງເຄື່ອນໄຫວ ປະຊຸມຊຸກຍູ້ວຽກງານໃຫ້ແກ່ ອພສ.ຂັ້ນແຂວງ ທີ່ແຂວງສະຫວັນນະເຂດ, ກອງປະຊຸມຄັ້ງນີ້ ໄດ້ຮັບຄວາມເມດຕາເປັນປະທານຂອງ ພຣະອາຈານໃຫຍ່ ປອ. ມະຫາເຫວດ ມະເສໄນ ຮອງປະທານ ສູນກາງອົງການພຸດທະສາສະຫນາສຳພັນລາວ, ຜູ້ຊີ້ນໍາລວມວຽກງານເຜີຍແຜ່ສີລະທໍາ ແລະ ປະຕິບັດກໍາມະຖານທົ່ວປະເທດ, ພຣະອາຈານສີທົນ ໄຊຍະວົງສອນ ຫົວຫນ້າກໍາມາທິການເຜີຍແຜ່ສີລະທໍາ ແລະ ປະຕິບັດກຳມະຖານສູນກາງ, ມີພຣະອາຈານ ອະທິປະໄຕ ໄມຕີຈິດ ຮອງຫົວຫນ້າກໍາມາທິການເຜີຍແຜ່ສີນລະທັມແລະ ປະຕິບັດກຳມະຖານ, ພຣະອາຈານ ພຸດທະສອນ ລະຄອນຄໍາ ຮອງຫົວຫນ້າກໍາມາທິການເຜີຍແຜ່ສີນລະທັມ ແລະ ປະຕິບັດກຳມະຖານ, ມີ ທ່ານ ສໍສອນພິດ ພານຸວົງ ຫົວຫນ້າກົມວຽກງານຊົນເຜົ່າແລະສາສະຫນາກະຊວງພາຍໃນ ແລະ ທ່ານ ສີສະໄໝ ແສງສະຫວ່າງ ຮອງຫົວຫນ້າກົມສາດສະຫນາ ສູນກາງແນວລາວສ້າງຊາດ, ແລະ ພຣະອາຈານໃຫຍ່ ສົມບູນ ສີຣິປັນໂຍ, ປະທານ ອພສ. ແຂວງສະຫວັນນະເຂດ ພ້ອມດ້ວຍຄະນະ, ແນວລາວສ້າງຊາດແຂວງ, ພະແນກພາຍໃນແຂວງ,ປກສແຂວງ, ສະຫະພັນແມ່ຍິງແຂວງ,ພະແນກສຶກສາແຂວງ, ພະແນກ ຖວທ ແຂວງ ແລະ ແຂກຜູ້ຊົງຄຸນວຸດທິ.
ກອງປະຊຸມຄັ້ງນີ້ ມີຈຸດປະສົງໃຫຍ່ 2 ຈຸດປະສົງ: ຫນຶ່ງ, ເພື່ອເປັນການຜັນຂະຫຍາຍຈາກກອງປະຊຸມໃຫຍ່ຜູ້ແທນພຣະສົງລາວທົ່ວປະເທດ ຄັ້ງທີ່ 7 ແລະສະເຫນີ ໂຄງສ້າງກໍາມາທິການເຜີຍແຜ່ ສີລະທັມ ແລະ ປະຕິບັດກຳມະຖານຂັ້ນສູນກາງ ພ້ອມສະຫລຸບຜົນສຳເລັດການເຄື່ອນໄຫວວຽກປີ 2017. ແລະ ສະເໜີແຜນວຽກ ປີ 2018 ຂອງກໍາມາທິການເຜີຍແຜ່ຂັ້ນສູນກາງ ແລະ ຂັ້ນແຂວງ, ສອງ. ເພື່ອປຶກສາຫາລື ແລະ ຄົ້ນຄົ້ວກ່ຽວກັບການສ້າງຕັ້ງສູນປະຕິບັດທັມຂື້ນ ປະຈຳແຂວງ
Editor: ກຳປານາດ ລັດຖະເຮົ້າ
