ເພື່ອຫັນເອົາວຽກງານການເງິນ ກາຍເປັນຂອງທົ່ວປວງຊົນ ສ້າງຄວາມເຂັ້ມແຂງ ແລະ ກຸ້ມຕົນເອງທາງດ້ານງົບປະມານ, ດັ່ງນັ້ນ, ຈິ່ງໄດ້ຫັນເອົາວຽກງານງົບປະມານ ໂດຍການແບ່ງປັນການຄຸ້ມຄອງ ທາງດ້ານລາຍຮັບ-ລາຍຈ່າຍ ລະຫວ່າງແຂວງ ກັບ ເມືອງ ແລະ ການຄຸ້ມຄອງຊັບສິນຂອງລັດ.
ທ່ານ ສຸວັນທອງ ບົວລັງສີ ກໍາມະການພັກແຂວງ, ຫົວຫນ້າພະແນກການເງີນ ແຂວງບໍ່ແກ້ວ ໄດ້ລາຍງານຕໍ່ກອງປະຊຸມຄົບຄະນະບໍລິຫານງານພັກແຂວງ ເປີດກວ້າງ ຄັ້ງທີ 7 ສະໄຫມທີ 5 ໃນ 6 ເດືອນຕົ້ນປີ 2018 ເຊີ່ງແຂວງບໍ່ແກ້ວ ສາມາດຈັດເກັບລາຍຮັບເຊົ້າງົບປະມານແຫ່ງລັດ ບັນລຸໄດ້ 143 ຕື້ 550 ລ້ານກວ່າກີບ, ທຽບໃສ່ໄລຍະດຽວກັນຂອງປີຜ່ານມາ ເພື່ອຂື້ນ 31 ສ່ວນຮ້ອຍ. ໃນນີ້ລາຍຮັບພູດ ຂອງສູນກາງປະຕິບັດໄດ້ 97 ຕື້ກີບ 795 ລ້ານກວ່າກີບ, ທຽບໃສ່ໄລຍະດ-ວກັນຂອງປີຜ່ານມາ ເພີ່ມຂື້ນ 21 ສ່ວນຮ້ອຍ.
ລາຍຮັບຈາກພາສີ ປະຕິບັດໄດ້ 74 ຕື້ 226 ລ້ານກວ່າກີບ
ລາຍຮັບຈາກດ່ານພາສີ ທ້ອງຖິ່ນ ປະຕິບັດໄດ້ 4 ຕື້ 220 ລ້ານກວ່າກີບ
ລາຍຮັບຈາກດ່ານປະເພນີ 1 ຕື້ 28 ລ້ານກວ່າກີບ
ລາຍຮັບຈາກກອງກວດກາພາສີ 1 ຕື້ 552 ລ້ານກີບ
ລາຍຮັບຈາກສວຍອາກອນ 16 ຕື້ 667 ລ້ານກວ່າກີບ
ລາຍຮັບຈາກການຄຸ້ມຄອງວິສາຫາກິດ 99 ຕື້ 823 ລ້ານກວ່າກີບ.
ໃນນີ້ລາຍຮັບຂອງທ້ອງຖິ່ນ ປະຕິບັດໄດ້ 45 ຕື້ 259 ລ້ານກວ່າກີບ, ທຽບໃສ່ໄລຍະດຽວກັນຂອງປີຜ່ານມາ ເພີ່ມຂື້ນ ເກືອບ 53 ສ່ວນຮ້ອຍ. ລາຍຮັບຈາກສວຍສາອາກອນ 29 ຕື້ 443 ລ້ານກວ່າກີບ, ພາສີທີ່ດິນ 1 ຕື້ 690 ລ້ານກີບ, ຄ່າທໍານຽມ 11 ຕື້ 426 ລ້ານກວ່າກີບ, ບໍລິການວິຊາການ 421 ຕື້ 789 ລ້ານກວ່າກີບ. ລາຍຮັບຈາກຊັບສິນຈອງລັດ ປະຕິບັດໄດ້ 2 ຕື້ກວ່າລ້ານກີບ.
ທ່ານ ສຸວັນທອງ ບົວລັງສີ ຫົວຫນ້າພະແນກການເງິນ ແຂວງ ໄດ້ກ່າວຕື່ມວ່າ: ສໍາລັບ 6 ເດືອນຕົ້ນປີ 2018 ນີ້, ພະແນກການເງິນແຂວງແມ່ນເອົາໃຈໃສ່ສູ້ຊົນ ຈັດເກັບລາຍຮັບໃຫ້ໄດ້ 56 ຕື້ 166 ລ້ານກວ່າກີບ, ລາຍຮັບດັ່ງກ່າວ ແມ່ນມາຈາກສວຍສາອາກອນ. ຄ່າທໍານຽມ, ວິຊາການທີ່ດິນ ແລະ ລາຍຮັບຄ່າຄຸ້ມຄອງຊັບສິນຂອງລັດ. ໄປຄຽງຄູ່ກັບລາຍຮັບແລ້ວ ການປະຕິບັດລາຍຈ່າຍ ທົ່ວແຂວງຈະໃຫ້ໄດ້ 188 ຕື້ 140 ລ້ານກວ່າກີບ, ລາຍຈ່າຍເງິນເດືອນ 110 ຕື້ 100 ລ້ານກວ່າກີບ, ຈ່າຍເງີນນະໂຍບາຍ-ອຸດຫນູນ 16 ຕື້ 975 ລ້ານກີບ, ຈ່າຍໃຊ້ໃນວຽກງານກົງຈັກບໍລິຫານລັດ 16 ຕື້ 607 ລ້ານກວ່າກີບ, ລາຍຈ່າຍດັດສົມສົ່ງເສີມ ຊ່ວຍຫນູນ 9 ຕື້ 525 ລ້ານກວ່າກີບ, ຈ່າຍເງິນແຮ ແລະ ອື່ນໆ 1 ຕື້ 255 ລ້ານກີບ, ຈ່າຍລົງທຶນຂອງລັດ 20 ຕື້ 500 ລ້ານກວ່າກີບ, ຈ່າຍຄ່າບໍລິການວິຊາການ 13 ຕື້ 168 ລ້ານກວ່າກີບ, ທັງນີ້ ເພື່ອຮັບປະກັນແກ່ການປະຕິບັດແຜນການຕໍ່ຫນ້າ ໃຫ້ບັນລຸຕາມຄາດຫມາຍ ເຮັດໃຫ້ສະພາບການເງິນ-ງົບປະມານ ໄດ້ມີການຫັນປ່ຽນດີຂື້ນ, ບັນດາພະແນກການອ້ອມຂ້າງແຂວງ ຕ້ອງໄດ້ຈັດຕັ້ງປະຕິບັດ ຄ່າທໍານຽມໃຫ້ຖືກຕ້ອງ ກັບລັດຖະບັນຍັດ 03 ວ່າດ້ວຍ ການເກັບຄ່າທໍານຽມ ແລະ ຄ່າບໍລິຫານລັດ ໃຫ້ມີຄວາມເຂັ້ມງວດ.
Editor: ກຳປານາດ ລັດຖະເຮົ້າ
