ກອງປະຊຸມເຜີຍແຜ່ ດໍາລັດ ເລກທີ 331 /ນຍ. ແລະ ຄໍາແນະນໍາກ່ຽວກັບ ການຈັດຕັ້ງປະຕິບັດ. ເນຶ້ອໃນບາງມາດຕາ ຂອງດໍາລັດວ່າດ້ວຍ ທຸລະກິດ ນໍ້າມັນເຊື້ອໄຟ. ໄດ້ຈັດຂຶ້ນ ຢູ່ທີຫ້ອງປະຊຸມຫ້ອງວ່າການປົກຄອງແຂວງວຽງຈັນ ພາຍໃຕ້ການເຂົ້າຮ່ວມເປັນປະທານຂອງ ທ່ານ ທອງມະນີ ໂຄດປັນຍາ ຮອງຫົວນ້າຫ້ອງວ່າການປົກຄອງແຂວງ, ທ່ານ ບຸນທຽງ ແກ້ວສີພາ ຫົວໜ້າກົມການຄ້າພາຍໃນ ກະຊວງ ອຸດສະຫະກໍາ ແລະ ການຄ້າ, ທ່ານ ແສງອາລຸນ ແສງອາພອນ ຫົວໜ້າພະແນກອຸດສະຫະກໍາ ແລະ ການຄ້າແຂວງວຽງຈັນ. ມີບັນດາ ຕ່າງໜ້າພະແນກການທີກ່ຽວຂອງ ຕະຫຼອດຮອດຜຸ້ປະກອບການ ທາງດ້ານທຸລະກິດນໍາມັນເຊື້ອໄຟ ທົ່ວແຂວງ ເຂົ້າຮ່ວມ.
ການຈັດກອງປະຊຸມຂຶ້ນໃນຄັ້ງນີ້ ຈຸດປະສົງກໍ່ເພຶ່ອເປັນການ ຜັນຂະຫຍາຍ - ເຜີຍແຜ່. ແນະນໍາການຈັດຕັ້ງປະຕິບັດ ເນຶ້ອໃນບາງມາດຕາຂອງດໍາລັດ ວ່າດ້ວຍທຸລະກິດນໍ້າມັນເຊື້ອໄຟ ສະບັບເລກທີ 331 /ນຍ ລົງວັນທີ 27 ຕຸລາ 2017. ເພຶ່ອເຮັດໃຫ້ບັນດາຜູ້ປະກອບການ ແລະ ພາກສ່ວນທີກ່ຽວຂ້ອງ ໄດ້ມີຄວາມຮັບຮູ້ເຂົ້າໃຈຢ່າງຈະແຈ້ງ ແລະ ມີຄວາມເປັນເອກະພາບກັນໃນຂອບເຂດທົ່ວປະເທດ ແນ່ໃສ່ປັບປຸງທຸລະກິດນໍ້າມັນເຊຶ້ອໄຟ ທີ່ມີໃນປະຈຸບັນ ໄດ້ເຄື່ອນໄຫວທຸລະກິດ ຖືກຕ້ອງຕາມເງືອນໄຂທີ່ໄດ້ກໍານົດໄວ້ໃນດໍາລັດ. ຂໍ້ກໍານົດ - ກົດລະບຽບຫຼັກການ ແລະ ມາດຕະການ ທີກ່ຽວຂ້ອງ. ໃນການຄຸ້ມຄອງ ແລະ ຕິດຕາມກວດກາ ການດໍາເນີນທຸລະກິດນໍ້າມັນເຊື້ອໄຟ ຢູ່ ສປປ ລາວ, ໃຫ້ມີຄວາມຖືກຕ້ອງສອດຄ່ອງກັບກົດໝາຍ ແນ່ໃສ່ປົກປ້ອງສິດຜົນປະໂຫຍດຂອງລັດ ຜູ້ດໍາເນີນທຸລະກິດ ແລະ ຜູ້ຊົມໃຊ້. ເພຶ່ອເປັນທ່າແຮງອັນສໍາຄັນໃນການ ປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງຊາດ ຕາມແຕ່ລະໄລຍະ
Editor: ກຳປານາດ ລັດຖະເຮົ້າ
