ກອງປະຊຸມປຶກສາຫາລື ຄຸ້ມຄອງການຊື້ - ຂາຍ ຢາງພາລາ ຢູ່ແຂວງບໍລິຄໍາໄຊ ໄດ້ຈັດຂຶ້ນ ໃນເມື່ອບໍ່ດົນນີ້ ຢູ່ທີຫ້ອງປະຊຸມ ພະແນກກະສິກໍາ ແລະ ປ່າໄມ້ ແຂວງບໍລິຄໍາໄຊ ພາຍໃຕ້ການເຂົ້າຮ່ວມເປັນປະທານຂອງ ທ່ານ ຊາຍຄໍາ ກຸນນາວົງ ຮອງຫົວໜ້າພະແນກ ກະສິກໍາ - ປ່າໄມ້ແຂວງ. ທ່ານ ພັກສົມດີ ວົງສາວັນດີ ຮອງຫົວໜ້າ ພະແນກອຸດສະຫະກໍາການຄ້າ ແຂວງ ມີບັນດາຫົວໜ້າຫ້ອງການກະສິກໍາ - ປ່າໄມ້ເມືອງ ພ້ອມດ້ວຍບັນດາຕ່າງໜ້າພະແນກການ ຂະແໜ່ງການທີກ່ຽວຂ້ອງ ຕະຫຼອດຮອດບັນດາຫົວໜ່ວຍການຜະລິດ ແລະ ປະທານກຸມການຊື່ - ຂາຍເຂົ້າຮ່ວມ.

ການຈັດກອງປະຊຸມປຶກສາຫາລືໃນຄັ້ງນີ້ຂຶ້ນ ຈຸດປະສົງກໍ່ເພຶ່ອເປັນການຜັນຂະຫຍາຍ ແລະ ຈັດຕັ້ງປະຕິບັດວຽກງານພັດທະນາ ສົ່ງເສີມການຜະລິດເປັນສິ້ນຄ້າ ຕາມມະຕິຄໍາສັງ - ແນວທງນະໂຍບາຍຂອງພັກ - ລັດວາງອອກ. ແລະ ເພຶ່ອເປັນການປະກອບສ່ວນ ເຂົ້າໃນວຽກງານຄໍ້າປະກັນ ທາງດ້ານການຄ້າ - ສະບຽງອາຫານ ແລະ ເປົ້າໝາຍສົ່ງເສີມການຜະລິດເປັນສິ້ນຄ້າຂອງແຂວງ ໂດຍສະເພາະແມ່ນພຶດເສດຖະກິດຢາງພາລາ ແລະ ການຜະລິດກະສິກໍາອື່ນໆ. ເຊິ່ງເປັນປັດໃຈຫຼັກທີ່ສໍາຄັນ ໃນການສ້າງລາຍຮັບຕົ້ນຕໍ່ ໃຫ້ແກ່ຊາວກະຊິກອນ. ເປັນບາດກ້າວໜຶ່ງທີເຮັດໃຫ້ເສດຖະກິດຂອງເມືອງ -ແຂວງ ແລະ ປະເທດຊາດ ມີການຂະຫຍາຍຕົວຢ່າງຕໍ່ເນື່ອງ. ເພຶ່ອເຮັດໃຫ້ການຈັດຕັ້ງປະຕິບັດ ວຽກງານດັງກ່າວ ໃນຕໍ່ໜ້າ ສຶບຕໍ່ມີຄວາມເຂັ້ມແຂງ ສາມາດຄຸມຄອງການຊື່ - ຂາຍ ສົ່ງອອກສິ້ນຄ້າຢາງພາລາ ຂອງຊາວກະສິກອນ ໄດ້ຢ່າງມີປະສິດຕິພາບ ປະສິດທີຜົນ ພ້ອມທັງສາມາດສ້າງມູນຄ່າເພີ່ມໃຫ້ແກ່ການຜະລິດ, ການຈໍາໜ່າຍທາງດ້ານການຕະຫຼາດ.

ການເຂົ້າຫາແຫຼ່ງທຶນ ແລະ ປັດໃຈດ້າານອື່ນໆທີກ່ຽວຂ້ອງ. ເພຶ່ອຈະໄດ້ມີການປັບປຸງ ຫຼື ສ້າງຕັ້ງເປັນກຸມການເພຶ່ອເຮັດໃຫ້ບັນດາຫົວໜ່ວຍທຸລະກິ ວາງມາດຕະການແກ້ໄຂ້ ປັບປຸງວຽກງານດັ່ງກ່າວ ໃຫ້ມີຄວາມເປັນເອກະພາບ ແລະ ຖືກຕ້ອງສອດຄອງຕາມລະບຽບການໃນທຸກໆດ້ານ ພ້ອມນີ້ໃນກອງປະຊຸມຜູ້ເຂົ້າຮ່ວມ. ຍັງໄດ້ພ້ອມກັນປຶກສາຫາລື ປະກອບຄໍາຄິດ - ຄໍາເຫັນ. ຮ່ວມກັນຢ່າງກົງໄປ - ກົງມາ ພ້ອມທັງຍົກບັນຫາ - ສາເຫດທີພາໃຫ້ເກີດມີຈຸດດີ - ຈຸດອ່ອນ ແລະ ມາດຕະການທີຈະຕ້ອງໄດ້ປັບປຸງແກ່ໄຂໃນຕໍ່ໜ້າ ຂອງວຽກງານດັ່ງກ່າວຕື່ມອີກ

Editor: ກຳປານາດ ລັດຖະເຮົ້າ