ເມື່ອບໍ່ດົນມານີ້ ກອງບັນຊາການ ປກສ ແຂວງບໍລິຄໍາໄຊ ໄດ້ຈັດພິທີມອບ-ຮັບເງິນອຸດຫນູນ ແກ່ຄອບຄົວພະນັກງານນັກຮົບ ຜູ້ເສຍຊີວິດ ແລະ ຄອບຄົວຜູ້ທີ່ອອກສ້າງເສດຖະກິດຄອບຄົວ ຂື້ນ, ເຊີ່ງໃນພິທີ ໂດຍການເຂົ້າຮ່ວມເປັນປະທານ ຂອງ ທ່ານ ພັນໂທ ບຸນມີໄຊ ຈັນທະວົງ ຮອງຫົວຫນ້າ ຫ້ອງການເມືອງ ກອງບັນຊາການ ປກສ ແຂວງບໍລິຄໍາໄຊ, ມີ ທ່ານ ພັນໂທ ຄໍາແພງ ໄຊຍະວົງ ຫົວຫນ້າພະແນກນະໂຍບາຍ ແລະ ປະກັນສັງຄົມ ປກສ ແຂວງບໍລິຄໍາໄຊ, ພ້ອມນີ້ມີການຈັດຕັ້ງພະນັກງານທີ່ກ່ຽວຂ້ອງ ແລະ ຄອບຄົວຜູ້ເສຍຊີວິດ ແລະ ຄອບຄົວຜູ້ສ້າງເສດຖະກິດ ຈໍານວນ 45 ຄອບຄົວ ເຂົ້າຮ່ວມ.
ໃນພິທີ ທ່ານ ພັນໂທ ບຸນມີໄຊ ຈັນທະວົງ ຮອງຫົວຫນ້າຫ້ອງການເມືອງ ປກສ ແຂວງບໍລິຄໍາໄຊ ໄດ້ຜ່ານຂໍ້ຕົກລົງຂອງກອງບັນຊາການ ປກສ ແຂວງ ສະບັບເລກທີ 3188/ ປກສ ແຂວງ ແລະ ຂໍ້ຕົກລົງ ສະບັບເລກທີ 3179/ ປກສ ແຂວງ ລົງວັນທີ 6 ມີຖຸນາ 2018 ວ່າດ້ວຍການປະຕິບັດນະໂຍບາຍເງີນອຸດຫນູນ ແກ່ພະນັກງານນັກຮົບຜູ້ເສຍຊີວິດ ແລະ ອອກສ້າງເສດຖະກິດຄອບຄົວ ຈໍານວນ 4 ຄອບຄົວ ລວມເປັນເງິນທັງໝົດ 276 ລ້ານ 9 ແສນກວ່າກີບ.
ເປັນກຽດມອບໂດຍ ທ່ານ ພັນໂທ ບຸນມີໄຊ ຈັນທະວົງ ຮອງຫົວຫນ້າຫ້ອງການເມືອງ ກອງບັນຊາການ ປກສ ແຂວງບໍລິຄໍາໄຊ ແລະ ຕາງຫນ້າຂື້ນຮັບ ຈໍານວນ 4 ຄອບຄົວ, ໂດຍຊ້ອງຫນ້າການຈັດຕັ້ງທີ່ກ່ຽວຂ້ອງ.
Editor: ກຳປານາດ ລັດຖະເຮົ້າ
