ທີ່ບ້ານແສນພົນ ເມືອງປາກລາຍ ແຂວງໄຊຍະບູລີ ທາງຫ້ອງການຊັບພະຍອນທໍາມະຊາດ ແລະ ສິ່ງແວດລ້ອມເມືອງ ຮວ່ມກັບ ຂະແໜງການທີ່ກຽ່ວຂອ້ງ ເຊິ່ງນໍາພາໂດຍທ່ານ ທ່າລີ ສີປະເສີດ ກໍາມະການພັກເມືອງ ຫົວໜ້າຫ້ອງການຊັບພະຍາກອນທໍາມະຊາດ ແລະ ສິງແວດລ້ອມເມືອງປາກລາຍ ໄດ້ລົງເຜີຍແຜ່ເຊື່ອມຊືມວຽກງານພິສູດຫຼັກຖານອອກໃບຕາດິນຢ່າງເປັນລະບົບ ໂດຍການເຂົ້າຮວ່ມເຊືອມຊືມມີອໍານາດການປົກຄອງບ້ານແສນພົນ ພໍ່ແມ່ປະຊາຊົນ ພ້ອມດວ້ຍຂະແໜງການທີ່ກຽ່ວຂ້ອງຂອງເມືອງເຂົ້າຮ່ວມ.
ທ່ານ ອຸດົມ ຈັນສະຫວ່າງ ນາຍບ້ານແສນພົນ ກໍ່ໄດ້ລາຍງານສະພາບການຄຸ້ມຄອງນໍາໃຊ້ທີ່ດິນຂອງປະຊາຊົນພາຍໃນບ້ານໃນໄລຍະຜ່ານມາ ບ້ານແສນພົນປະກອບມີ 11 ໜ່ວຍຜະລິດ, ມີພົນລະເມືອງທັງໝົດ 753ຄົນ, ຍິງ 378 ຄົນ, ໃນນີ້ເຜົ່າລາວ 748 ຄົນ, ຍິງ378 ຄົນ ພາຍໃນບ້ານມີເນື້ອທີ່ດິນທັງໝົດ 2.078 ເຮັກຕາ, ມີທັງໝົດ 470 ຕອນ, ເນື້ອທີ່ 1.820 ເຮັກຕາ ໃນນີ້ ມີດິນປຸກສ້າງ 168 ຕອນ ເນື້ອທີ່ 132.350 ຕາເເມັດ, ດິນສວນ 170 ຕອນ ເນື້ອທີ່ 578,88 ເຮັກຕາ, ດິນນາ 138 ຕອນ ເນື້ອທີ່ 68,89 ເຮັກຕາ ສະພາບການນໍາໃຊ້ທີ່ດິນພາຍໃນບ້ານແສນພົນ ໃນໄລຍະຫຼາຍປີຜ່ານມາ ແມ່ນໄດ້ຄຸ້ມຄອງນໍາໃຊ ແລະ ເສຍພາສີທີ່ດິນປະຈໍາປີ ແບບມອບ ເໝົາເປັນປີ ຕາມຖານຂໍ້ມູນສັນຍາມອບເໝົາກັບຄອບຄົວ ເພື່ອເສຍພັນທະໃຫ້ລັດ ຕົກມາຮອດປີ 2011-2012 ທາງອົງການຄຸ້ມຄອງທີ່ດິນ ສົບທົບ ກັບຫ້ອງການກະສິກໍາ ແລະ ປ່າໄມ້ເມືອງໄດ້ລົງກວດກາດິນ 5 ປະເພດ ແລະ ໄດ້ອອກເອກະສານໃບແຈ້ງທີ່ດິນໃນການຄຸ້ມຄອງນໍາໃຊ້ ຮອດໄລຍະນີ້ເຫັນວ່າການຄຸ້ມຄອງນໍາໃຊ້ທີ່ດິນຢູ່ພາຍໃນບ້ານເລີ່ມເປັນຮູບເປັນຮ່າງ ແລະ ມີຖານຂໍ້ມູນທີ່ມີຄວາມຊັດເຈນຫຼາຍຂື້ນ ແຕ່ມາເຖິງປະຈຸບັນນີ້ ດ້ວຍຄວາມຮຽກຮ້ອງຕ້ອງການໃນໄລຍະໃໝ່ໃນການຄຸ້ມຄອງນໍາໃຊ້ທີ່ດິນ ໃຫ້ໄປຕາມລະບົບ ແລະ ໃຫ້ມີຄວາມສະດວກສະບາຍຫຼາຍຂື້ນ ດັ່ງນັ້ນ ທາງຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງປາກລາຍ ຮວ່ມກັບຂະແໜງການທີ່ກຽ່ວຂ້ອງ ປະກອບມີ ຫ້ອງການກະສິກຳ ແລະ ປ່າໄມ້ເມືອງ, ຫ້ອງການສະຫະພັນແມ່ຍິງເມືອງ ແລະ ຫ້ອງການໂຍທາທິການ ແລະ ຂົນສົ່ງເມືອງ ໄດ້ນຳເອົາກົດໝາຍ ແລະ ນິຕິກໍາຕ່າງໆຂອງຂະແໜງການຕົນກຽ່ວກັບການຄຸ້ມຄອງນໍາໃຊ້ທີ່ດິນ ລົງເຜີຍແຜ່ເຊື່ອມຊືມໃຫ້ພໍ່ແມ່ປະຊາຊົນພາຍໃນບ້ານແສນພົນໄດ້ຮັບຮູ້ ແລະ ເຂົ້າໃຈໃຫ້ຫຼາຍຂື້້ນ ເພື່ອນໍາໄປຈັດຕັ້ງປະຕິບັດໃຫ້ຖືກຕ້ອງຕາມລະບຽບກົດໝາຍ.
ສໍາລັບ ເອກະສານທີ່ນໍາມາເຜີຍແຜ່ໃນຄັ້ງນີ້ປະກອບມີ ກົດໝາຍຂອງວຽກງານກະສິກໍາ ແລະ ປ່າໄມ້ ກຽ່ວກັບວຽກອອກໃບຕາດິນ, ອະທິບາຍຕໍ່ກັບບົດບາດຍິງ-ຊາຍຕໍ່ວຽກງານອອກໃບຕາດິນ, ອະທິບາຍກຽ່ວກັບດິນຢູ່ແຄມທາງ, ຫ້ວຍ, ຮ່ອງນໍ້າ ຫຼື ຈະປຸກສ້າງອາຄານຕ່າງໆ, ຜ່ານກົດໝາຍທີ່ດິນອະທິບາຍຄວາມເປັນມາຂອງວຽກງານອອກໃບຕາດິນເປັນລະບົບ ແລະ ຜົນປະໂຫຍດຂອງໃບຕາດິນ ພາຍຫຼັງທີ່ໄດ້ເຊື່ອມຊືມເອກະສານດັ່ງກ່າວສໍາເລັດແລ້ວແມ່ນຈະໄດ້ລົງກວດກາວັດແທກຕອນດິນ ເພື່ອອອກເອກະສານນໍາໃຊ້ທີ່ດິນແບບຖາວອນໃຫ້ກັບເຈົ້າຂອງສິດ
ນໍາໃຊ້ທີດິນ.
Editor: ເມືອງໂພນທອງ
