ເພື່ອເປັນການປົກປ້ອງຜູ້ບໍລິໂພກ ຈາກສີນຄ້າ ທີ່ບໍ່ມີຄຸນນະພາບ ເຊື່ອມຄຸນ ເຊີ່ງອາດຈະສົ່ງຜົນສະທ້ອນຕໍ່ສຸຂະພາບໃນໄລຍະສັ້ນ ກໍ່ຄືໄລຍະຍາວ ດັ່ງນັ້ນ ທາງຫ້ອງການອຸດສາຫະກຳ ແລະ ການຄ້າເມືອງປາກລາຍ ແຂວງໄຊຍະບູລີ ພ້ອມດ້ວຍຂະແໜງການທີ່ກຽ່ວຂ້ອງຂອງເມືອງ ໄດ້ລົງກວດກາບັນດາຮ້ານຂາຍເຄື່ອງຍ່ອຍ ແລະ ຂາຍສົ່ງພາຍໃນເທດສະບານເມືອງ ໃນທ້າຍເດືອນທີ່ຜ່ານມາ ມີທັງໝົດ 6 ບ້ານເທດສະບານເມືອງ ຄື: ບ້ານນາສະຫວ່າງ,ບ້ານສີສະຫວ່າງ, ບ້ານແສງລາຍ, ບ້ານສີສະອາດຊົມພູ, ບ້ານຫ້ວຍຊາຍຄໍາ, ບ້ານໄຊຍະມຸງຄຸນ ແລະ ນັກທຸລະກິດ ຜູ້ປະກອບການຈໍານວນໜື່ງ ມີທັງໝົດ 55 ຮ້ານ ພົບສີນຄ້າໝົດອາຍຸເຊື່ອມຄຸນ-ເສຍຄຸນ ຈໍານວນ 41 ຮ້ານມີ 19ລາຍການ ລວມມູນຄ່າທັັງໝົດ 16.981.000 ກີບ ສິນຄ້າດັງກ່າວທາງເຈົ້າໜ້າທີ່ແມ່ນໄດ້ຍືດ ແລະ ມາທຳລາຍຖີ້ມ. ສໍາລັບ ຜູ້ລະເມີດການນໍາເຂົ້າສີນຄ້າ ແລະ ການຂາຍສີນຄ້າໝົດອາຍຸ-ເຊື່ອມຄຸນ ທາງເຈົ້າໜ້າທີ່ແມ່ນ ໄດ້ສືກສາອົບຮົມ ແລະ ເຮັດບົດບັນທືກກ່າວເຕືອນ ຖ້າມີຄັ້ງຕໍ່ໄປແມ່ນຈະໄດ້ປະຕິບັດຕາມ ລະບຽບກົດໝາຍ.
ພິທີທໍາລາຍສີນຄ່າດັ່ງກ່າວຖີ້ມ ແມ່ນໄດຈັດຂື້ນໃນວັນທີ່ 3 ກໍລະກົດ 2018 ທີ່ຜ່ານມານີ້ ທີ່ຫ້ອງການອຸດສາຫະກໍາ ແລະ ການຄ້າເມືອງ ໂດຍການເຂົ້າຮ່ວມຂອງ ທ່ານ ສົມດີ ຄົງສະຫວັນ, ຮອງເລຂາພັກເມືອງຮອງເຈົ້າເມືອງໆປາກລາຍ ມີບັນດາຫົວໜ້າຮອງຫົວໜ້າຫ້ອງການ ພະນັກງານລັດຖະກອນ ຫ້ອງການອຸດສາຫະກຳ ແລະ ການຄ້າເມືອງ ອໍານາດການປົກຄອງບ້ານເທດສະບານ ພ້ອມດ້ວຍຂະແໜງການທີ່ກ່ຽວຂອງເຂົ້າຮ່ວມເປັນສັກຄີພິຍານ ການທໍາລາຍສິນຄ້າດັ່ງກ່າວໃນຄັ້ງນີ້ແມ່ານໄດ້ນໍາໃຊ້ລົດແມັກໂຄຂຸດຂຸມແລ້ວຝັງຖິມ.
Editor: ນັກຂ່າວເມືອງປາກລາຍ
