ວັນທີ 29 ມິຖຸນາ 2018 ນີ້ ຢູ່ທີ່ຫ້ອງປະຊຸມຂອງຫ້ອງການສາທາລະນະສຸກ ເມືອງຊະນະຄາມ ແຂວງວຽງຈັນ ໄດ້ຈັດພິທີ ມອບ - ຮັບໜ້າທີ່ໃໝ່ ໂດຍໃຫ້ກຽດຂື້ນເປັນປະທານຂອງທ່ານ ປະເສີດ ວັນສີ ຮອງເລຂາພັກເມືອງ ປະທານແນວລາວສ້າງຊາດເມືອງ ສະມາຊິກສະພາປະຊາຊົນ ແຂວງວຽງຈັນ ແລະ ພິທີຍັງໄດ້ຕ້ອນຮັບ ທ່ານ ດຣ ອິນປອນ ມະນີແສງ ຫົວໜ້າພະແນກ ສາທາລະນະສຸກ ແຂວງວຽງຈັນ ມີຄະນະປະຈໍາພັກເມືອງ ກໍາມະການພັກເມືອງ ຫົວໜ້າຫ້ອງການ ແລະ ພະນັກງານຫ້ອງການສາທາລະນະສຸກເມືອງ ກໍ່ເປັນກຽດເຂົ້າຮ່ວມເປັນກຽດເຂົ້າຮ່ວມ.
ໃນພິທີດັ່ງກ່າວນີ້ ທ່ານ ຍອດ ບຸດສະບູນ ກຳມະການພັກເມືອງ ຫົວໜ້າຄະນະຈັດຕັ້ງເມືອງຊະນະຄາມ ໄດ້ຜ່ານຂໍ້ຕົກລົງ ຂອງທ່ານເຈົ້າເມືອງ ເມືອງຊະນະຄາມ ສະບັບເລກທີ 71/ຈມ ຊຄ ລົງວັນທີ 23 /02 / 2018 ວ່າດ້ວຍການແຕ່ງຕັ້ງ ຫົວໜ້າ ແລະ ຮອງຫົວໜ້າ ຫ້ອງການສາທາລະນະສຸກ ເມືອງຊະນະຄາມ ເຈົ້າເມືອງໆຊະນະຄາມຕົກລົງ ມາດຕາ 1 ຕົກລົງເຫັນດີແຕ່ງຕັ້ງ ດຣ ດາວແກ້ວ ສີຫາລາດ ຮອງຫົວໜ້າຫ້ອງການສາທາລະນະສຸກ ເມືອງຊະນະຄາມ ຂື້ນເປັນຫົວໜ້າ ຫ້ອງການສາທາລະນະສຸກເມືອງຊະນະຄາມ, ທ່ານ ໂພຄຳ ແສງລະດີ ຫົວໜ້າ ສຸກສາລາແສນຈະເລີນ ຂື້ນເປັນ ຮອງຫົວໜ້າຫ້ອງການສາທາລະນະສຸກເມືອງຊະນະຄາມ, ທ່ານ ນາງກົງໃຈ ທໍາມະວົງ ຫົວໜ້າໜ່ວຍງານບໍລິຫານ ຂື້ນເປັນ ຮອງຫົວໜ້າຫ້ອງການສາທາລະນະສຸກເມືອງຊະນະຄາມ ທັ່ງນີ້ ເພື່ອເຮັດໃຫ້ລະບົບກົງຈັກການຈັດຕັ້ງ ຂອງຫ້ອງການສາທາລະນະສຸກເມືອງຊະນະຄາມ ໄດ້ມີບຸກຄະລາກອນໄດ້ຄົບຕາມຕໍາແໜ່ງບໍລິຫານ ພ້ອມກັນຈັດຕັ້ງຜັນຂະຫຍາຍວຽກງານຢ່າງຖືກຕ້ອງສອດຄ່ອງ ແລະ ທັນຕາມກຳນົດເວລາໃຫ້ດີຂື້ນກ່ວາເກົ່າ.
ຕອນທ້າຍຂອງພິທີ ບັນດາສະຫາຍທີ່ຖືກແຕ່ງຕັ້ງກໍ່ໄດ້ກ່າວຕໍ່ພິທີວ່າ: ຈະພ້ອມກັນເອົາໃຈໃສ່ຊີ້ນໍາ-ນໍາພາສະມາຊິກພະນັກງານເຂົ້າຮ່ວມຂະບວນການຕ່າງໆປະຕິບັດຕາມແນວທາງນະໂຍບາຍຂອງພັກລະບຽບກົດໝາຍຂອງລັດວາງອອກ, ເອົາໃຈໃສ່ສຶກສາອົບຮົມຈັນຍາບັນ,ຈັນຍາທຳໃຫ້ແພດໝໍຢ່າງຕໍ່ເນື່ອງແນໃສ່ຮັບປະກັນການຮັບໃຊ້ບໍລິການດ້ານສຸກຂະພາບໃຫ້ມີຄຸນນະພາບ ຊ່ອຍເຫຼືອປະຊາຊົນບັນດາເຜົ່າທີ່ຢູ່ຫ່າງໄກສອກຫຼີກ ເຮັດໃຫ້ກຸ່ມຄົນທຸກອາຍຸໄດ້ຮັບບໍລິການປິ່ນປົວສຸຂະພາບຢ່າງທົ່ວເຖິງ.

Editor: ນັກຂ່າວເມືອງຊະນະຄາມ