ໃນທ້າຍເດືອນມິຖຸນາ 2018 ຢູ່ທີ່ຫໍປະຊຸມໃຫຍ່ຫ້ອງວ່າການປົກຄອງເມືອງ ປາກລາຍ, ແຂວງ ໄຊຍະບູລີ. ຫ້ອງການອຸດສາຫະກຳ ແລະ ການຄ້າເມືອງ ປາກລາຍ ໄດ້ເປີດກອງປະຊຸມສະມາຄົມນ້ຳມັນເຊື້ອໄຟຂື້ນ. ໂດຍພາຍໃຕ້ການເປັນປະທານຂອງທ່ານ ບຸນເພັງ ແສນພົມ ປະທານສະມາຄົມນ້ຳມັນເຊື້ອໄຟເມືອງ ເປັນກຽດເຂົ້າຮ່ວມຂອງທ່ານ ບຸນລັບ ແສງອາພອນ ກຳມະການພັກແຂວງ ເລຂາພັກເມືອງເຈົ້າເມືອງໆ ປາກລາຍ, ມີກຳມະການພັກເມືອງ, ຮອງຫົວໜ້າຫ້ອງການ, ສະມາຊິກສະມາຄົມນໍ້າມັນເຊື້ອໄຟ ພາຍໃນເມືອງພ້ອມດ້ວຍພະນັກງານເຂົ້າຮ່ວມ.
ໃນກອງປະຊຸມຜູ້ເຂົ້າຮ່ວມໄດ້ຮັບຟັງການຜ່ານບົດສະຫຼຸບການຈັດຕັ້ງປະຕິບັດວຽກງານຂອງສະມາຄົມໃນ 1 ປີຜ່ານມາ ແລະ ວາງທິດທາງແຜນການປີ 2018 ຢູ່ພາຍໃນເມືອງ ປາກລາຍ ມີບໍລິສັດນໍາເຂົ້ານໍ້າມັນເຊື້ອໄຟຈາກຕ່າງປະເທດມີ 5 ບໍລິສັດ, ມີປ້ຳນ້ຳມັນຫຍ່ອຍທັງໝົດ 47 ປ້ຳ. ການຈັດຕັ້ງຂອງສະມາຄົມແມ່ນຂື້ນກັບການຊີ້ນຳໂດຍກົງຈາກຫ້ອງການອຸດສາຫະກຳ ແລະ ການຄ້າເມືອງປາກລາຍ ໃນ 1 ປີຜ່ານມາສະມາຄົມແມ່ນໄດ້ເຮັດໜ້າທີ່ບໍລິການຕາມພາລະບົດບາດບົນພື້ນຖານຕາມລະບຽບກົດໝາຍ ແລະ ໃຫ້ຄວາມເປັນທຳແກ່ສັງຄົມ ສະໜອງນ້ຳມັນເຊື້ອໄຟໃຫ້ເມືອງປາກລາຍ ໄດ້ຢ່າງພຽງພໍຮັບປະກັນບໍ່ໃຫ້ມີສິ່ງເຈຶອປົນ, ຫົວຈ່າຍນ້ໍາມັນໄດ້ມາດຖານ ແລະ ໄດ້ຜ່ານການກວດກາຈາກຫ້ອງການວິທະຍາສາດ ແລະ ເຕັກໂນໂລຊີຂອງເມືອງຢ່າງເປັນປົກກະຕິ ພ້ອມກັນນັ້ນກໍເປັນການຊຸກດັນໃຫ້ເສດຖະກິດພາຍໃນເມືອງ ປາກລາຍ ມີການຂະຫຍາຍຕົວ ສະໜອງນໍ້າມັນໃຫ້ຜູ້ປະກອບການດ້ານການຜະລິດກະຊິກຳ, ການຂົ້ນສົ່ງສິນຄ້າ, ໂດຍສານ ແລະ ອື່ນໆໄດ້ຢ່າງພຽງພໍ.
ໃນປີ 2017 ຜ່ານມາສາມາດຂາຍຍົກນໍ້າມັນເຊື້ອໄຟໄດ້ທັງໝົດ 24.840.000 ລິດ, ມູນຄ່າ 213,079 ຕື້ກວ່າກີບ ໃນນັ້ນສົ່ງອອກຕ່າງແຂວງ 16.812.000 ລີດ, ມູນຄ່າ 114,618 ຕື້ກວ່າ ກີບ ແລະ ຊົມໃຊ້ພາຍໃນເມືອງຂາຍຫຍ່ອຍນໍ້າມັນເຊື້ອໄຟທັງໝົດ 8.028.000 ລີດ, ມູນຄ່າ 68,460 ຕື້ກວ່າກີບ. ໃນນັ້ນຂາຍຫຍ່ອຍນ້ຳມັນແອດຊັງ 1.026.000 ລີດ, ກາຊວນ 7,002 ຕື້ກວ່າກີບ, ມອບພັນທະອາກອນໃຫ້ລັດໄດ້ທັງໝົດ 68.188.000ກີບ. ໃນກອງປະຊຸມຜູ້ເຂົ້າຮ່ວມຍັງໄດ້ຄົ້ນຄົ້ວ ປະກອບຄໍາຄິດຄໍາເຫັນໃສ່ບົດສະຫຼຸບ, ກອງປະຊຸມຄັ້ງນີ້ໄດ້ເປັນເອກະພາບກັນບົ່ງຕົວແຕ່ງຕັ້ງປະທານສະມາຄົມຊຸດໃໝ່ຈຳນວນ 5 ທ່ານຄື:
1. ທ່ານ ບຸນເພັງ ແສນພົມ ເປັນປະທານ. 2 ທ່ານ ທອງ ຈັນທາ ເປັນຮອງປະທານ. 3 ທ່ານ ນາງ ວິໄລພອນ ດາລາ ເປັນຄະນະ. 4 ທ່ານ ເພັດສະຫວັນ ບຸນຍາສິດ ເປັນຄະນະ. 5 ທ່ານ ໜູຮັກ ແສງມະນີວົງ ເປັນຄະນະ.
Editor: ນັກຂ່າວເມືອງປາກລາຍ
