ໃນຕອນເຊົ້າວັນທີ 4 ກໍລະກົດ 2018 ຢູ່ທີ່ສະໂມສອນເມືອງທຸລະຄົມ ແຂວງວຽງຈັນ ໄດ້ຮັບຮອງໜ່ວຍຊາວໜຸ່ມ 27 ໜ່ວຍເປັນໜ່ວຍຊາວໜຸ່ມ 4 ບຸກ ໃຫ້ກຽດເຂົ້າຮ່ວມໂດຍແມ່ນທ່ານນາງ ວົງເດືອນ ວັດຕະໂສ ຮອງເລຂາພັກເມືອງຮອງເຈົ້າເມືອງໆທຸລະຄົມ, ມີທ່ານ ນາງ ອິນມະສອນ ສຸທຳມະວົງ ຄະນະພັກ ຮອງເລຂາຄະນະບໍລິຫານງານຊາວໝຸ່ມແຂວງວຽງຈັນ, ມີຮອງເລຂາຊາວໜຸ່ມເມືອງ, ໜ່ວຍຊາວໜຸ່ມ 27 ໜ່ວຍ, ມີຫົວໜ້າຮອງຫົວໜ້າຫ້ອງການພ້ອມທັງແຂກຖືກເຊີນ ແລະ ສະມາຊິກຊາວໝຸ່ມເຂົ້າຮ່ວມ.
ໃນພິທີ ທ່ານ ສຸດາວອນ ສົມທິເດດ ຮອງເລຂາຊາວໝຸ່ມເມືອງທຸລະຄົມ ໄດ້ຜ່ານບົດປະເມີນວ່າດ້ວຍການສ້າງໜ່ວຍຊາວໜຸ່ມຕົວແບບຕາມຂໍ້ແຂ່ງຂັນ 4 ບຸກຂອງໜ່ວຍຊາວໜຸ່ມ ບ້ານ 39 ບ້ານ ແລະ ໜ່ວຍພະນັກງານ 13 ໜ່ວຍ ຂອງເມືຶອງທຸລະຄົມ ໜ່ວຍຊາວໜຸ່ມ 27 ໜ່ວຍ ຄື : ຫ້ອງການສາທາ, ສຶກສາ-ກິລາ, ກອງບັນຊາການທະຫານເມືອງ, ກອງບັນຊາການ ປ ກ ສ ເມືອງ, ຫ້ອງການໆຄ້າ, ຫ້ອງການ ການ-ເງີນເມືອງ, ໂຮງຮຽນ ມ ສ ບ້ານເກີນ, ມ ສ ຖິ່ນຄໍາ, ມສ ປາກຫາງ, ມ ຕົ້ນ ນານົກຂຸ້ມ, ມ ສ ວັງເຮືອ, ມ ຕົ້ນ ບຸ່ງພ້າວ, ມ ຕົ້ນ ຕານປ່ຽວ, ມ ຕົ້ນ ສຸກສາລາ, ມ ຕົ້ນ ອານຸສິນ, ມ ຕົ້ນ ນາໂພນງາມຝ້າຍ, ມ ຕົ້ນ ນາແພງ , ໜ່ວຍຊາວໜຸ່ມກຸ່ມປະຖົມ-ອານຸບານກຸ່ມ 1, ໜ່ວຍຊາວໜຸ່ມປະຖົມ-ອານຸບານ ກຸ່ມ2, ໜ່ວຍຊາວໜຸ່ມປະຖົມ-ອານຸບານ ກຸ່ມ3, ໜ່ວຍຊາວໜຸ່ມປະຖົມ-ອານຸບານ ກຸ່ມ4, ໜ່ວຍຊາວໜຸ່ມປະຖົມ-ອານຸບານ ກຸ່ມ5, ຊາວໜຸ່ມ ເຂື່ອນໄຟ້ານໍ້າມັງ3, ຫ້ອງການກະສິກຳເມືອງ,ມ ຕົ້ນ ໂພນຄໍາ ແລະ ມຕົ້ນ ບ້ານບໍ່ ເຊີ່ງ 27 ໜ່ວຍຊາວໜຸ່ມດັ່ງກ່າວແມ່ນຂື້ນກັບຄະນະບໍລິຫານຊາວໜຸ່ມເມືອງທຸລະຄົມ ພາຍຫລັງໄດ້ກະກຽມເປົ້າໝາຍໃນການສ້າງເປັນໜ່ວຍຊາວໜຸ່ມຕົວແບບ ທາງຄະນະຊາວໜຸ່ມປະຊາຊົນປະຕິວັດລາວເມືອງທຸລະຄົມ ກໍ່ໄດ້ລົງສົມທົບຄະນະຊາວໜຸ່ມໂຮງຮຽນ ແລະ ຫ້ອງການ ເພື່ອຊອກຮູ້ຈຸດພິເສດທ່າແຮງລວມ ຂອງສະມາຊິກໃນດ້ານຕ່າງໆຕາມແຜນການສ້າງໜ່ວຍຊາວໜຸ່ມຕົວແບບແມ່ນເຫັນໄດ້ວ່າມີເງື່ອນໄຂທີ່ສາມາດສ້າງເປັນໜ່ວຍຊາວໜຸ່ມຕົວແບບຈິ່ງໄດ້ຍົກໃຫ້ເປັນໜ່ວຍຊາວໜຸ່ມ 4 ບຸກເຊິ່ງມີຈຳນວນ 27 ໜ່ວຍ ດັ່ງກ່າວ.
ຕອນທ້າຍພິທີຍັງໄດ້ຮັບຟັງຄຳໂອ້ລົມຂອງທ່ານນາງ ວົງເດືອນ ວັດຕະໂສ ຮອງເລຂາພັກເມືອງໆທຸລະຄົມ ກ່ອນອື່ນທ່ານໄດ້ ຍ້ອງຍໍຊົມເຊີຍຜົນງານທີ່ໜ່ວຍຊາວໜຸ່ມ 27 ໜ່ວຍທີ່ຍາດມາໄດ້ພ້ອມທັງຊຸກຍູ້ໃຫ້ໜ່ວຍຊາວ ໜຸ່ມທັງໝົດຂອງເມືອງເວົ້າລວມເວົ້າສະເພາະໜ່ວຍຊາວໜຸ່ມ 4 ບຸກ ແມ່ນໃຫ້ເພີ່ມທະວີຄວາມເອົາໃຈໃສ່ຊອກຮູ້ຮ່ຳຮຽນທາງດ້ານການເມືອງແນວຄິດ ເພື່ອເຂົ້າໃຈເລິກເຊີ່ງຕໍ່ແນວທາງນະໂຍບາຍຂອງພັກ, ລະບຽບກົດໝາຍຂອງລັດ ຮັກສາມູມເຊື້ອປະວັດສາດສ້າງໃຫ້ຄົນລຸ້ນໃໝ່ໃຫ້ມີນ້ຳໃຈຮັກຊາດ, ຮັກບ້ານເກີດເມືອງນອນ ເພີ່ມທະວີຄວາມສາມັກຄີເປັນຈິດໜຶ່ງໃຈດຽວລະຫວ່າງຊາວໜຸ່ມ ແລະ ສະມາຊິກຊາວໜຸ່ມ ໃຫ້ເປັນປຶກແຜ່ນແໜ້ນໜາຮັບປະກັນເຖີງຄວາມເປັນເອກະພາບຂອງວຽກງານ, ສ້າງແບບແຜນດຳລົງຊີວິດປອດໃສ ມີທັດສະນະຫລັກໝັ້ນ, ມີຫົວຄິດປະດິດສ້າງ ໂດຍມີຈິດໃຈເຜີ່ງຕົນເອງສ້າງຄວາມເຂັມແຂງດ້ວຍຕົນເອງ ສຶບຕໍ່ເຂົ້າຮ່ວມດຳເນີນຊີວິດການເມືອງ, ປັບປຸງການຈັດຕັ້ງໃຫ້ເຄື່ອນໄຫວຕາມພາລະບົດບາດ ແລະ ຖືກຕ້ອງຕາມກົດລະບຽບກົດໜາຍຂອງຄະນະຊາວໜຸ່ມປະຊາຊົນປະຕິວັດລາວກຳນົດໄວ້ ພ້ອມດຽວກັນນັ້ນ ກໍ່ໄດ້ມີການມອບໃບຢັ້ງຢືນໃຫ້ກັບໜ່ວຍຊາວໜຸ່ມ 4 ບຸກໃຫ້ແກ່ໜ່ວຍຊາວໜຸ່ມ 27 ໜ່ວຍ ໃຫ້ກຽດຂື້ນມອບໂດຍແມ່ນທ່ານ ນາງ ອິນມະສອນ ສຸທຳມະວົງ ຄະນະພັກ ຮອງເລຂາຄະນະບໍລິຫານງານຊາວໝຸ່ມແຂວງວຽງຈັນ ກ່າວຮັບໂດຍແມ່ນຕາງໜ້າຈາກໜ່ວຍຊາວໜຸ່ມ 27 ໜ່ວຍຂື້ນຮັບຕາມລຳດັບ.
Editor: ນັກຂ່າວເມືອງທຸລະຄົມ
