ໂດຍປະຕິບັດຕາມແຜນວຽກງານ ຂອງ ພະແນກຄຸ້ມຄອງສໍາມະໂນຄົວ ແລະ ກໍ່ສ້າງຮາກຖານ ກອງບັນຊາການ ປກສ ເມືອງປາກລາຍ ສະນັ້ນ, ຈຶ່ງໄດ້ເປີດກອງປະຊຸມ ບັ້ນຝຶກອົບຮົມບໍາລຸງສິດໜ້າທີ່ ວິຊາສະເພາະໃຫ້ແກ່ ປກສ ບ້ານ ປະຈຳປີ 2018 ໂດຍເປັນກຽດເຂົ້າຮ່ວມ ຂອງທ່ານ ພັນໂທ ສູນທອນ ພູມມາລີ ຄະນະພັກຮາກຖານ ຮອງຫົວ ໜ້າ ກອງບັນຊາການ ປກສ ເມືອງປາກລາຍ, ມີບັນດາ ສະຫາຍ, ຫົວໜ້າ ແລະ ຮອງ ປກສ ບໍລິການປະຊາຊົນ,ເລຂາໜ່ວຍພັກບ້ານ, ນາຍບ້ານ, ປກສ ກອງກອງຫຼອນ ຕະຫຼອດຮອດ ຫົວໜ້າໜ່ວຍ ຄຸ້ມຄອງພົນລະເມືອງ ພາຍໃນບ້ານ ແສງລາຍ ເຂົ້າຮ່ວມ.
ເອກະສານທີ່ນໍາມາຝຶກອົບຮົມໃນຄັ້ງນີ້ ປະກອບມີ: ເອກະສານ ເພີ່ມທະວີສະຕິລະວັງຕົວ ຕໍ່ເລລ່ຽມກົນອຸບາຍ ຫັນປ່ຽນໂດຍສັນຕິຂອງສັດຕູ, ເອກະສານວ່າດ້ວຍປະເທດລາວແມ່ນຄົນລາວເປັນເຈົ້າຂອງ, ເອກະ
ສານພາລະບົດບາດສິດໜ້າທີ່ ແລະ ແບບແຜນວິທີເຮັດວຽກຂອງ ປກສ ບ້ານ, ຂໍ້ຕົກລົງຂອງລັດທະມົນຕີ ກະຊວງ ປ້ອງກັນຄວາມສະຫງົບ ເລກທີ່ 655/ ປກສ ລົງວັນທີ່ 8 ພຶດສະພາ 2012 ວ່າດ້ວຍ ການຈົດທະບຽນ ຄຸ້ມຄອງສຳມະໂນຄົວຄົນລາວ ແລະ ຊາວຕ່າງປະເທດ ແລະ ຂໍ້ຕົກລົງເລກທີ່ 818/ ປກສ ລົງວັນທີ່15 ມິຖຸນາ 2012 ວ່າດ້ວຍການສ້າງຄອບຄົວ ບ້ານປ້ອງກັນຄວາມສະຫງົບດີ, ອະທິບາຍເອກະສານ 5 ແບບຕາຕະລາງຂອງ ປກສ ບ້ານ,ເອກະສານກ່ຽວກັບການຈັບກວດຄົ້ນກໍລະນີເຊິ່ງໜ້າ, ເອກະສານວຽກງານກວດກາ ແລະ ປ້ອງກັນສະຖານທີ່ເກີດເຫດ, ເອກະສານວຽກງານເອົາຄຳໃຫ້ການຂອງຜູ່ເປັນພະຍານ, ການຄຸ່ມຄອງ ແລະ ຮັກສາເຄື່ອງວັດຖຸຂອງກາງ,ເອກະສານ ວຽກງານສືບສວນ-ສອບສວນ ຂັ້ນພື້ນຖານ ແລະ ເອກະສານ ວ່າດ້ວຍການຄຸ້ມຄອງຄົນ ຕ່າງປະເທດ,ດຳລັດເລກທີ່ 136.ນຍ ລົງວັນທີ່ 25 ພຶດສະພາ 2009 ວ່າດ້ວຍການເຂົ້າອອກເມືອງຂອງຄົນຕ່າງປະເທດ, ຄໍາສັ່ງແນະນຳຂອງກອງບັນຊາການ ປກສ ແຂວງໄຊຍະບູລີ ເລກທີ່ 038.ປຊຍ ລົງວັນທີ່ 30 ມີຖຸນາ 2003 ວ່າດ້ວຍ ການແກ້ໄຂຄົນລາວໄປອອກແຮງງານບໍ່ຖຶກຕ້ອງກັບມາລາວ.
ທັງນີ້ ກໍ່ເພື່ອເປັນການຝຶກອົບຮົມ ໃຫ້ແກ່ການຈັດຕັ້ງຂັ້ນບ້ານ ປກສ ກອງຫຼອນບ້ານ ໄດ້ຮຽນຮູ້ ແລະ ເຂົ້າໃຈ ປູກຈິດສໍານຶກໃຫ້ແກ່ການຈັດຕັ້ງຂັ້ນບ້ານ, ໃນການປະຕິບັດໜ້າທີ່ ຢູ່ຂັ້ນພື້ນຖານ ອຳນາດ ການປົກຄອງ ຂອງບ້ານ ເພື່ອເປັນເສນາທິການ ໃຫ້ແກ່ ປກສ ບໍລິການປະຊາຊົນ ພາຍໃນເມືອງປາກລາຍ ທັງຮັກສາໄດ້ຄວາມສະຫງົບ ແລະ ຄວາມເປັນລະບຽບຮ້ອຍ ຢູ່ຂັ້ນບ້ານ ໂດຍພື້ນຖານ.
Editor: ປກສ ເມືອງປາກລາຍ
