ໃນເມື່ອບໍ່ດົນນີ້ ຢູ່ທີ່ຫ້ອງການແຮງງານ ແລະ ສະຫວັດດີການສັງຄົມເມືອງຈໍາພອນ ແຂວງສະຫວັນນະເຂດ ໄດ້ຈັດພິທີມອບເຄື່ອງຊ່ວຍເຫຼືອໃຫ້ຄອບຄົວ ຜູ້ທີ່ຖືກຜົນກະທົບຈາກລົມພະຍຸ ພັດຜ່ານ ໂດຍການເປັນປະທານຂອງທ່ານ ນາງເຮືອງ ເພັດຊົມພູ ຮອງເຈົ້າເມືອງໆຈໍາພອນ ປະທານກອງທຶນຕ້ານໄພພິບັດ ເຊິ່ງມີຜູ້ເຂົ້າຮ່ວມເປັນສັກຂີພິຍານ 14 ທ່ານ, ຍິງ 4 ທ່ານ.
ເນື່ອງໃນໂອກາດດັ່ງກ່າວ ຄະນະຕ້ານໄພພິບັດຂັ້ນເມືອງກໍ່ໄດ້ມອບເຄື່ອງຊ່ວຍເຫຼືອໃຫ້ຄອບຄົວ ທ່ານ ສິນໄຊ ຊະນະເລີດ ບ້ານພາຍຂອງ ເມືອງຈໍາພອນ ແຂວງສະຫວັນນະເຂດ ອຸປະກອນທີ່ນໍາມາມອບໃນຄັ້ງນີ້ ປະກອບມີສັງກະສີ ແລະ ເຫຼັກຕະປູ ລວມມູນຄ່າເປັນເງິນ 1,045,000 (ໜຶ່ງລ້ານສີ່ສິບຫ້າພັນກີບ) ເຊິ່ງມອບໂດຍທ່ານ ນາງເຮືອງ ເພັດຊົມພູ ຮອງເຈົ້າເມືອງໆຈໍາພອນ ຮັບໂດຍທ່ານ ສິນໄຊ ຊະນະເລີດ ຄອບຄົວຜູ້ທີ່ຖືກຜົນກະທົບຈາກໄພພິບັດທາງທຳມະຊາດພັດຜ່ານ.
Editor: ນັກຂ່າວເມືອງຈໍາພອນ
