ເມື່ອບໍ່ດົນມານີ້, ພະແນກສາທາລະນະສຸກ ແຂວງຊຽງຂວາງ ໄດ້ສະເຫຼີມສະຫຼອງ ສັບປະດາສັກຢາກັນພະຍາດສາກົນຂື້ນ ທີ່ໂຮງຮຽນ ມໍຕົ້ນຈອມທອງ ເມືອງຄຳ, ແຂວງຊຽງຂວາງ.
ໂດຍພາຍໃຕ້ການເປັນປະເທານຂອງ ທ່ານ ດຣ ແກ່ນຄຳ ຟ້າສະອື້ນ ຫົວໜ້າຂະແໜງອະນາໄມ-ສົ່ງເສີມສຸຂະພາບ ພະແນກສາທາລະນະສຸກແຂວງຊຽງຂວາງ ໃນນັ້ນຍັງມີ ທ່ານາງ ວຽງເພັດ ເທບອຸດົມ ຮອງຫົວໜ້າ ຂະແໜງມັດທະຍົມສຶກສາທິການ ແລະ ກິລາແຂວງ, ມີ ທ່ານ ຄຳພີ ບຸນທະສີນ ຮອງອຳນວຍການໂຮງຮຽນມໍຕົ້ນ ຈອມທອງ, ມີຂະແໜງການທີ່ກ່ຽວຂ້ອງຂອງເມືອງ, ຄູອາຈານພ້ອມດ້ວຍນັກ ຮຽນເຂົ້ານ່ວມ.
ທ່ານ ດຣ ແກ່ນຄຳ ຟ້າສະອື້ນ ຫົວໜ້າຂະແໜງອະນາໄມສົ່ງເສີມສຸຂະພາບພະແນກສາທາລະນະ ສຸກແຂວງ ຊຽງຂວາງ ກໍ່ໄດ້ຂື້ນກ່າວຄຳປາໃສໄດ້ກ່າວວ່າ: ເພື່ອປະຕິບັດຕາມມະຕິກອງປະຊຸມໃຫຍ່ຄັ້ງທີ່ 10 ຂອງພັກ ແລະ ມະຕິກອງປະຊຸມໃຫຍ່ຄັ້ງທີ 7 ຂອງອົງຄະນະພັກແຂວງໄດ້ຖືເອົາວຽກງານແມ່ ແລະ ເດັກ-ຊັກຢາກັນພະຍາດ ເປັນວຽກງານໜຶ່ງທີ່ສຳຄັນ ທີ່ໄດ້ກຳນົດເຂົ້າໃນແຜນພັດທະນາເສດຖະກິດ-ສັງຄົມ 5 ປີ, ຄັ້ງທີ 8 ແລະ ຄາດໝາຍທີ 9 ກ່ຽວກັບການເພີ່ມອາຍຸຢືນສະເລ່ຍຂອງຊາວນະຄອນຫຼວງ ແລະ ບັນດາແຂວງໃຫ້ໄດ້ 75 ປີຂື້ນໄປໃນປີ 2020 ເພື່ອເຮັດໃຫ້ບັນລຸເປົ້າໝາຍສະຫັດສະຫວັດ ດ້ານການພັດທະນາແບບຍືນຍົງ (SDGS 2030) ຫຼຸດຜ່ອນອັດຕາການຕາຍຂອງແມ່ຫຼຸດລົງ 30 ສ່ວນແສນ ແລະ ອັດຕາການຕາຍຂອງເດັກລຸ່ມ 5 ປີຫຼຸດລົງ 25 ສ່ວນພັນ ແລະ ຍົກສູງອັດຕາການສັກຢາກັນ ພະຍາດເດັກລຸ່ມ 1 ປີ ໃຫ້ໄດ້ກວມເອົາ 95 ສ່ວນຮ້ອຍ, ພ້ອມນັ້ນກໍ່ຍັງໄດ້ຍົກສູງດ້ານການສົ່ງເສີມສຸຂະພາບ, ກັນພະຍາດ, ການປະຕິບັດສິດ-ອິດສະຫຼະພາບ, ການປົກປ້ອງສິດຜົນປະໂຫຍດອັນຊອບທຳຂອງແມ່ຍິງ ແລະ ເດັດນ້ອຍ, ປະຕິບັດສົນທິສັນຍາວ່າດ້ວຍສິດທິເດັກ, ສົນທິສັນຍາວ່າດ້ວຍການລົບລ້າງທຸກຮູບການ ຈຳແນກຕໍ່ແມ່ຍີງ, ດ້ານການຄ້າ ແລະ ການຂູດຮີດແຮງງານເດັກ, ຈາກນັ້ນກໍ່ຍັງໃຫ້ຮູ້ເຖິງຄວາມເປັນມາ ຂອງວັນເດັກນ້ອຍສາກົນຕື່ມອີກ, ທັ້ງນີ້ ກໍໍເພື່ອເປັນການສັກຢາກັນພະຍາດທີ່ມີວັກຊີນປ້ອງກັນພະຍາດໄດ້ 11 ຊະນິດ ເຊັ່ນ: ໂປລີໂອ, ວັນນະໂລກ, ອັກເສບຕັບ D, ຄໍຕີບ, ໄອໄກ່, ບາດທະຍັກ, ອັກເສບປອດຮຸນແຮງ, ອັກຫເສບປອດ, ໝາກແດງໃຫຍ່, ໝາກແດງນ້ອຍ ແລະ ອັກເສບເຫຍື່ອຫຸ່ມສະ ໝອງ ແລະ ກໍ່ເປັນ ການປ້ອງກັນການລະບາດ ທີ່ສາມາດກັນໄດ້ດ້ວຍວັກຊີນຕາມສະຖານທີ່ບໍລິການສາທາລະນະສຸກທຸກແຫ່ງ ແລະ ໜ່ວຍແຜດທີ່ເຄື່ອນທີ່ຢູ່ຕາມກຸ່ມບ້ານໂຮງຮຽນໃຫ້ໄດ້ທົ່ວເຖິງພ້ອມທັງກ່າວເປີດພິທີຢ່າງເປັນທາງການ.
ເນື້ອງໃນໂອກາດດັ່ງກ່າວ ທ່ານນາງ ວຽງເພັດ ເທບອຸດົມ ຮອງຫົວໜ້າຂະແໜງມັດທະຍົມສຶກສາທິການ ແລະ ກິລາແຂວງ ໄດ້ໂອ້ລົມໃຫ້ຄຳຄິດຄຳເຫັນກ່ອນອື່ນໝົດທ່ານຍັງກ່າວຍ້ອງຍໍຊົມເຊີຍຕໍ່ກັບຜົນງານໃນຄັ້ງນີ້, ພ້ອມທັງຍົກໃຫ້ເຫັນເຖິງຄວາມໝາຍຄວາມສຳຄັນ ຂອງການສະເຫຼີມສະຫຼອງວັນສັບປະດາສັກຢາກັນພະຍາດເດັກນ້ອຍສາກົນ ເປັນວັນໜຶ່ງທີ່ສຳຄັນໃນການສັກຢາປ້ອງກັນພະຍາດ ແລະ ຮັກ ສາສຸກຂະພາບຂອງພໍ່ແມ່ປະຊາຊົນບັນດາເຜົ່າພາຍໃນໂຮງຮຽນເວົ້າລວມເວົ້າສະເພາະກໍ່ຄືປະຊາຊົນລາວບັນດາເຜົ່າ ໃນທົ່ວປະເທດເປັນຕົ້ນແມ່ນເດັກນ້ອຍລຸ່ມ 1 ປີ, ເດັກນ້ອຍລຸ່ມ 5 ປີ ແລະ ແມ່ຍີງໄວຈະເລີນພັນ 15-45 ປີ, ເຊີ່ງແມ່ນກຸ່ມທີ່ມີຄວາມສ່ຽງຕໍ່ກັບການຕິດພະຍາດຢູ່ທຸກຂົງເຂດໃຫ້ໄດ້ຮັບການສັກຢາ ຢອດຢາໃຫ້ໄດ້ເປັນປົກກະຕິ ແລະ ທົ່ວເຖີງເພື່ອປ້ອງກັນພະຍາດລະບາດຂອງພະຍາດຕ່າງໆ, ຫຼັງຈາກນັ້ນ ກໍ່ໄດ້ສ້າງກິດຈະກຳ ເຊັ່ນ: ສ້າງກິດຈະກຳການຮຽນຮູ້ກັບພະຍາດ ແລະ ການປ້ອງກັນພະຍາດ, ສ້າງກິດຈະກຳຕອບ-ຖາມໃຫ້ແກ່ນ້ອງນ້ອຍນັກຮຽນ ແລະ ສັກຢາໃຫ້ແກ່ໄວຈະເລີນພັນ, ເດັກນ້ອຍໃນເກນອາຍຸ 15 ປີຂື້ນໄປ
Editor: ກຳປານາດ ລັດຖະເຮົ້າ
