ທ່ານ ຄໍາຜາຍ ແກ້ວລາວັນ ຮອງເລຂາຄະນະບໍລິຫານງານພັກເມືອງໂພນທອງ ຕ່າງໜ້າໃຫ້ກັບຄະນະນໍາຂອງເມືອງ ໂພນທອງ ໄດ້ນໍາເອົາເຄື່ອງຊ່ວຍ ເຫຼືອທີ່ໄດ້ຈາກການລະດົມນຳກຸ່ມບໍລິສັດ ນັກທຸລະກິດ, ຫ້າງຮ້ານ ຈໍານວນໝຶ່ງ ຊຶ່ງປະກອບ ມີ: ຜ້າຮົມ 4 ຜືນ, ເຄື່ອງນຸ່ງ ແລະ ເຄື່ອງຄົວ, ຄິດເປັນມູນຄ່າ 600.000 ກີບ, ໄປມອບໃຫ້ປະຊາຊົນ ບ້ານທອງເໝືອ ກຸ່ມທອສີ ເມືອງໂພນທອງ ແຊວງຫລວງພະບາງ ທີ່ປະສົບເຄາະຮ້າຍຈາກໄຟໄໝ້ ເຮືອນ 1 ຫຼັງຄາ ແລະຮ້ານສ້ອມແປງລົດຈັກ. ພິທີມອບ-ຮັບໄດ້ຈັດຂຶ້ນໃນວັນທີ 6 ກັນຍາ 2018 ຜ່ານມາ, ສະຖານທີເຮືອນຂອງປະຊາຊົນບ້ານທອງເໝືອ ໂດຍມີພາກສ່ວນທີກ່ຽວຂ້ອງເຂົ້າຮວ່ມເປັນສັກຂີພິຍານ
Editor: ກຳປານາດ ລັດຖະເຮົ້າ
