ໃນຕອນແລງຂອງວັນທີ 12 ເດືອນ ກັນຍາ ປີ 2018 ນີ້, ທີ່ຫ້ອງປະຊຸມຕຶກການເງິນເມືອງໂພນທອງ ໄດ້ຈັດພິທີ ມອບໃບຢັ້ງຢືນເປັນໝ່ວຍພັກເຂັ້ມແຂງ-ຮູ້ນຳພາຮອບດ້ານປະຈໍາປີ 2017 ຂອງສອງໜ່ວຍພັກຮາກຖານໝ່ວຍພັກການເງິນ ແລະ ໜ່ວຍພັກ ໂຍທາທິການແລະຂົນສົ່ງ,ເມືອງໂພນທອງ ແຂວງຫຼວງພະບາງ ໂດຍການເປັນປະທານ ຂອງ ສະຫາຍ ຄໍາໝັ້ນ ອໍລະສິນ ເລຂາໝ່ວຍພັກການເງິນ, ສະຫາຍ ທອງພັນ ຫົງທອງ ເລຂາ ໝ່ວຍພັກໂຍທາທິການ ແລະ ຂົນສົ່ງ, ເປັນກຽດເຂົ້າຮ່ວມ ຂອງ ສະຫາຍ ນາງ ວັນເພັງ ພະຫົງຈັນ ຄະນະປະຈໍາພັກເມືອງ,ສະຫາຍ ວົງຈັນ ອະໄພວັນ ປະທານກວດກາພັກ-ລັດເມືອງ,ສະຫາຍ ຄໍາຜຸຍ ສຸລິໄຕ ຮອງຄະນະຈັດຕັ້ງເມືອງ, ມີບັນດາເລຂາຮອງເລຂາໜ່ວຍພັກຮາກຖານອ້ອມຂ້າງ, ສະມາຊິກພັກສົມບູນພາຍໃນໜ່ວຍ ແລະ ແຂກຖືກເຊີນເຂົ້າຮ່ວມ.

ໃນວາລະພິທີ ກໍ່ຮັບຟັງການຜ່ານບົດປະເມີນໜ່ວຍພັກເຂັ້ມແຂງ-ຮູ້ນໍາພາຮອບດ້ານການຈັດຕັ້ງປະຕິບັດແຜນການກໍ່ສ້າງໜ່ວຍພັກເຂັ້ມແຂງ-ຮູ້ນຳພາຮອບດ້ານ ສົກປີ 2017 ແລະ ວາງທິດທາງແຜນການປີ 2018 ທັງສອງໝ່ວຍ ໂດຍຍົກໃຫ້ເຫັນຜົນງານອັນພົ້ນເດັ່ນຫຼາຍດ້ານແລະຂໍ້ຄົງຄ້າງບາງບັນຫາ, ສອງໜ່ວຍພັກຮາກຖານເມືອງໂພນທອງ ແມ່ນໜ່ວຍພັກໜຶ່ງທີ່ຂຶ້ນກັບການຊີນໍາ-ນໍາພາຂອງຄະນະປະຈໍາພັກເມືອງໂພນທອງທົ່ວໝ່ວຍພັກການເງິນ ມີສະມາຊິກພັກທັງໝົດ 13ສະຫາຍ,ຍິງ 1 ສະຫາຍ, ປະກອບມີສອງ ຫ້ອງການຂຶ້ນກັບ ຫ້ອງການແຜນການແລະການລົງທຶນ,ຫ້ອງການ ການເງິນເມືອງ, ໝ່ວຍພັກໂຍທາທິການແລະຂົນສົ່ງ ມີສະມາຊິກພັກທັງໝົດ 12 ສະຫາຍ ຍິງ 1 ສະຫາຍ, ປະກອບມີ ສາມ ຫ້ອງການຂຶ້ນກັບ ຫ້ອງການ ໂຍທາທິການແລະຂົນສົ່ງ,ຫ້ອງການ ອຸດສາຫະກຳແລະການຄ້າ,ຫ້ອງການວິທະຍາສາດແລະເຕັກໂນໂລຊີ.ຕະຫຼອດໄລຍະ 1 ປີຜ່ານມາສະມາຊິກພັກທຸກສະຫາຍ ໄດ້ຖືເອົາວຽກງານການເມືອງ-ແນວຄິດເປັນກົກ, ຍາມໃດກໍ່ເຊື່ອໝັ້ນຕໍ່ການນຳພາຂອງພັກ,ຍຶດໝັ້ນອຸດົມການສັງຄົມນິຍົມ,ຕັ້ງໜ້າປະຕິບັດມະຕິ, ຄຳສັ່ງ, ຂໍ້ກຳນົດ, ກົດລະບຽບຂອງພັກ,ກົດໝາຍຂອງລັດດ້ວຍຄວາມຮັບຜິດຊອບສູງ ແລະ ຖືເອົາວຽກງານວິຊາສະເພາະຂອງຕົນ ສຸ່ມໃສ່ໃນການ ປະຕິບັດ ພາລະບົດບາດ,ສິດແລະໜ້າທີ່ຢ່າງເຂັ້ມແຂງ ໂດຍຍົກໃຫ້ເຫັນຜົນງານທີ່ພົ້ນເດັ່ນ ທາງດ້ານເສດຖະກິດການຂະຫຍາຍຕົວພັດທະນາຂອງເມືອງໂພນທອງເທືອລະກ້າວໆ

ຈາກນັ້ນ ສະຫາຍ ນາງ ວັນພັງ ພະຫົງຈັນ ຄະນະປະຈໍາພັກເມືອງ ກໍ່ໄດ້ເປັນກຽດຂຶ້ນມອບໃບຢັ້ງຢືນໜ່ວຍພັກເຂັມແຂງຮູ້ນໍາພາຮອບດ້ານປະຈໍາປີ 2017 ໃຫ້ກັບສອງໜ່ວຍພັກຮາກຖານ ໝ່ວຍພັກການເງິນ ແລະ ໜ່ວຍພັກ ໂຍທາທິການ ແລະ ຂົນສົ່ງ ເປັນກຽດຂຶ້ນຮັບ ຂອງສອງສະຫາຍເລຂາຂອງໜ່ວຍພັກຢ່າງສົມກຽດ.

ທ້າຍພິທີກໍ່ໄດ້ຮັບການໂອ້ລົມຂອງ ສະຫາຍ ນາງ ວັນເພັງ ພະຫົງຈັນ ຄະນະປະຈໍາພັກເມືອງ ໄດ້ກ່ວາສະແດງຄວາມຍ້ອງຍໍຊົມເຊີຍຕໍ່ຜົນງານທີ່ຍາດມາໄດ້, ພ້ອມທັງເນັ້ນໜັກຫຼາຍບັນຫາທີ່ສຳຄັນ ເປັນຕົ້ນແມ່ນ ໃຫ້ສະມາຊິກພັກທຸກສະຫາຍເອົາໃຈໃສ່ເປັນເຈົ້າການເພີ້ມທະວີຄວາມສາມັກຄີພາຍໃນໜ່ວຍພັກໃຫ້ມີຄວາມໜັກແໜ້ນເຂັ້ມແຂງ, ເອົາໃຈໃສ່ປະຕິບັດສິດພາລະບົດບາດຂອງຕົນໃຫ້ ມີຄວາມເຂັ້ມແຂງ ແລະ ເຊື່ອມຊືມແນວທາງໂຍບາຍຂອງພັກ,ລະບຽບກົດໝາຍຂອງລັດ,ແບ່ງຄວາມຮັບຜິດຊອບຂອງແຕ່ລະສະຫາຍເຮັດວຽກລວມສູນປະຊາທິປະໄຕ ພ້ອມທັງຍຶດຖືເອົາການເມືອງ-ແນວຄິດເປັນກົກ ໃນການຊີ້ນຳ-ນຳພາ ແລະ ສືບຕໍ່ຮັກສາມູນເຊື້ອໜ່ວຍພັກເຂັ້ມແຂງ-ຮູ້ນຳພາຮອບດ້ານໄວ້ໃຫ້ໝັ້ນຄົງ

Editor: ກຳປານາດ ລັດຖະເຮົ້າ