ໃນວັນທີ 13 ກັນຍາ 2018 ທີ່ວັດໂພໄຊໂຊຕິກາຣາມ ເມືອງປາກຊັນ, ແຂວງບໍລິຄຳໄຊ ກຳມາທິການເຜີຍແຜ່ສີລະທຳ ແລະ ປະຕິບັດກຳມະຖານ ສູນກາງ ອພສ., ໄດ້ເປີດ ກອງປະຊຸມ ແລະ ລົງເຄື່ອນໄຫວຊຸກຍູ້ວຽກງານໃຫ້ແກ່ ອພສ. ຂັ້ນແຂວງ ທີ່ວັດໂພໄຊໂຊຕິກາຣາມ ເມືອງປາກຊັນ ແຂວງບໍລິຄຳໄຊ, ກອງປະຊຸມຄັ້ງນີ້ ໄດ້ຮັບຄວາມເມດຕາເປັນປະທານຂອງ ພຣະອາຈານໃຫຍ່ ປອ. ມະຫາເຫວດ ມະເສໄນ ຮອງປະທານ ສູນກາງ ອພສ., ຜູ້ຊີ້ນຳລວມວຽກງານເຜີຍແຜ່ສີລະທຳ ແລະ ປະຕິບັດກຳມະຖານທົ່ວປະເທດ, ມີ ພຣະອາຈານ ອະທິປະໄຕ ໄມຕີຈິດ ຮອງຫົວຫນ້າກຳມາທິການເຜີຍແຜ່ສີນລະທັມ ແລະ ປະຕິບັດກຳມະຖານ, ພຣະອາຈານ ພຸດທະສອນ ລະຄອນຄຳ ຮອງຫົວຫນ້າກຳມາທິການເຜີຍແຜ່ສີນລະທັມ ແລະ ປະຕິບັດກຳມະຖານ, ທ່ານ ສົມບູນ ຄຳພູແສງ ຮອງຫົວຫນ້າກົມວຽກງານຊົນເຜົ່າ ແລະ ສາສະຫນາກະຊວງພາຍໃນ, ພຣະອາຈານໃຫຍ່ ຄໍາປານ ອິນທະວົງ, ຄະນະກຳມະການສູນກາງ ອພສ. ປະທານ ອພສ. ແຂວງບໍລິຄຳໄຊ, ພ້ອມດ້ວຍຄະນະສົງ 6 ຕົວເມືອງ, ແນວລາວສ້າງຊາດແຂວງ, ພະແນກພາຍໃນແຂວງ, ປກສ ແຂວງ, ສະຫະພັນແມ່ຍິງແຂວງ, ພະແນກສຶກສາແຂວງ, ພະແນກວັດທະນະທຳແຂວງ ແລະ ແຂກຜູ້ຊົງຄຸນວຸດທິເຊົ້າຮ່ວມ.
ກອງປະຊຸມຄັ້ງນີ້ ມີ ຈຸດປະສົງ:
1/. ເພື່ອເປັນການຜັນຂະຫຍາຍຈາກກອງປະຊຸມໃຫຍ່ຜູ້ແທນພຣະສົງລາວທົ່ວປະເທດ ຄັ້ງທີ່ 7 ແລະ ສະເຫນີ ໂຄງສ້າງກຳມາທິການເຜີຍແຜ່ສີລະທັມ ແລະ ປະຕິບັດກຳມະຖານຂັ້ນສູນກາງ ພ້ອມສະຫລຸບຜົນສຳເລັດການເຄື່ອນໄຫວວຽກປີ 2017. ແລະ ສະເໜີແຜນວຽກ ປີ 2018 ຂອງກຳມາທິການເຜີຍແຜ່ຂັ້ນສູນກາງ ແລະ ຂັ້ນແຂວງ,
2/. ເພື່ອປຶກສາຫາລື ແລະ ຄົ້ນຄົ້ວກ່ຽວກັບການສ້າງຕັ້ງສູນປະຕິບັດທັມຂື້ນ ປະຈຳແຂວງ
ແຂວງບໍລິຄຳໄຊ ແມ່ນຕັ້ງຢູ່ພາກກາງຂອງປະເທດ ທົ່ວແຂວງບໍລິຄຳໄຊ ມີວັດທັງໝົດ 217 ວັດ, ໃນນີ້ມີວັດຮ້າງ 182 ວັດ, ມີພຣະສົງ-ສາມະເນນ 701 ອົງ ໃນນີ້ສາມະເນນ 453 ອົງ. ຄະນະກຳມາທິການເຜີຍແຜ່ສີລະທັມ ແລະ ປະຕິບັດກຳມະຖານ ຕະຫຼອດໄລຍະ 1 ປີ ຜ່ານມາ ກຳມາທິການເຜີຍແຜ່ສີລະທຳໄດ້ຈັດຕັ້ງກິດຈະກຳ ດັ່ງນີ້
- ລົງເຜີຍແຜ່ບັນລະຍາຍທັມໃນ 4 ຕົວເມືອງ ມີຜູ້ເຂົ້າຮ່ວມ 1,730 ຄົນ
- ຈັດງານຝຶກອົບຮົມທັມມະວິນັບໃຫ້ພຣະສົງ 1 ຄັ້ງ, ມີພຣະສົງເຂົ້າຮ່ວມ 50 ອົງ
-ປະກອບສ່ວນລະດົມທຶນຊ່ວຍເຫຼືອຜູ້ປະສົບອຸທົກກະໄພຈາກນໍ້າຖ້ວມຫຼາຍກວ່າ 131 ລ້ານ 960,000 ກີບ
Editor: ກຳປານາດ ລັດຖະເຮົ້າ
