ເມື່ອບໍ່ດົນມານີ້ ຢູ່ທີ່ຫ້ອງວ່າການປົກຄອງ ແຂວງຄຳມ່ວນ. ທ່ານ ໂອໄດ ສຸດາພອນ ຄະນະກໍາມະການສູນກາງພັກ ເລຂາພັກແຂວງ ເຈົ້າແຂວງຄຳມ່ວນ, ໃຫ້ກຽດຕ້ອນຮັບ ຄະນະຂອງພຣະອາຈານໃຫຍ່ ປອ. ມະຫາເຫວດ ມະເສໄນ ຮອງປະທານ ສູນກາງ ອົງການພຸດທະສາດສະຫນາສຳພັນລາວ, ອົງຊີ້ນໍາວຽກງານ ກໍາມາທິການເຜີຍແຜ່ສີນລະທັມ ແລະ ປະຕິບັດກຳມະຖານ ສູນກາງ, ມີພຣະອາຈານໃຫຍ່ ອະທິປະໄຕ ໄມຕີຈິດ.ພຣະອາຈານໃຫຍ່ ພຸດທະສອນ ລະຄອນຄໍາ ຮອງຫົວຫນ້າກຳມາທິການເຜີຍແຜ່ສີນລະທັມ ແລະປະຕິບັດກຳມະຖານ ສູນກາງ ຮ່ວມກັບ ທ່ານ ສົມບູນ ຄໍາພູນແສງ ຮອງຫົວຫນ້າກົມຊົນເຜົ່າ ແລະ ສາສະຫນາ ກະຊວງພາຍໃນ, ທ່ານ ຄະນອງລິດ ສີສົມບູນ ຫົວຫນ້າກົມສາດສະຫນາ ສູນກາງແນວລາວສ້າງຊາດ, ໃນໂອກາດທີ່ຄະນະກັມມາທິການເຜີຍແຜ່ສີລະທຳ ແລະ ປະຕິບັດກັມມະຖານ ສູນກາງອົງການພຸດທະສາສະນາສໍາພັນລາວ ໄດ້ລົງປະຊຸມຊຸກຍູ້ວຽກງານແກ່ ອພສ ແຂວງຄຳມ່ວນ

ທ່ານເຈົ້າແຂວງຄໍາມ່ວນ ໄດ້ໃຫ້ຮູ້ວ່າ: ທາງອໍານາດການປົກຄອງແຂວງ ມີຄວາມພ້ອມໃນການອຸປະຖຳ ແລະ ອຳນວຍຄວາມສະດວກໃຫ້ກັບວຽກງານເຜີຍແຜ່ສີນລະທັມ ພ້ອມໃຫ້ການຊຸກຍູ້ ສົ່ງເສີມວຽກງານເຜີຍແຜ່ສີນລະທໍາ ເຊີ່ງໃນປະຈຸບັນ ແຂວງຄຳມ່ວນພວມກຳລັງດຳເນີນການກໍ່ສ້າງໂຮງຫມໍສົງ ເພື່ອອຳນວຍຄວາມສະດວກໃຫ້ແກ່ການປິ່ນປົວພະຍາດ ຂອງພຣະສົງ-ສາມະເນນ ແລະ ຍັງມີອີກຫລາຍຫນ້າວຽກທີ່ທາງ ພັກ-ລັດ ຈະດຳເນີນສືບຕໍ່ໃຫ້ການອຸປະຖຳ ວຽກງານຂອງອົງການພຸດທະສາດສະໜາສຳພັນລາວແຂວງຄຳມ່ວນ ກໍ່ຄືກັນກັບສູນກາງອົງການພຸດທະສາດສະໜາສຳພັນລາວ ໃນການປະຕິບັດໜ້າທີ່ວຽກງານເຜີຍແຜ່ສີນລະທັມ ແລະ ປະຕິບັດກຳສະຖານ ໃຫ້ປະສົບຜົນສຳເລັດ.

ອຳນາດການປົກຄອງແຂວງຄໍາມ່ວນ ດີໃຈທີ່ທາງຄະນະກໍາມາທິການເຜີຍແຜ່ສີນລະທັມ ແລະ ປະຕິບັດກຳມະຖານ ສູນກາງ ລົງມາເຮັດວຽກຕິດຕາມ ການເຄື່ອນໄຫວວຽກງານຂອງ ອພສ ແຂວງ ແລະ ອົງການຈັດຕັ້ງພາຄີກ່ຽວຂ້ອງ ພາຍໃນແຂວງຄຳມ່ວນ ໃນຄັ້ງນີິ້

Editor: ກຳປານາດ ລັດຖະເຮົ້າ