ພາບບັນຍາກາດງານເປີດໂຕໂທລະສັບມືຖື vivo v11 ແລະ v11i ໃນປະເທດລາວຢ່າງເປັນທາງການ ໃນມື້ນີ້ ວັນທີ 16 ກັນຍາ 2018 ທີ່ສູນການຄ້າ ວຽງຈັນເຊັນເຕີ. ພາຍໃນງານຄຶກຄື້ນໄປດ້ວຍສື່ມ່ວນຊົນ ແລະ ລູກຄ້າທີ່ເຂົ້າມາຮ່ວມສຳພັດຕົວຈິງກັບໂທລະສັບມືຖື vivo v11 ແລະ v11i ທີ່ມາພ້ອມກັບ ຄວາມລຳສະໄໝ, ຈໍຕິດຂອບ, ພ້ອມລະບົບສະແກນນິ້ວມືໃນຈໍ ແລະ ລະບົບຟັງຊັ້ນພິເສດອີກຫລາກຫລາຍ. ນອກນັ້ນ, ພາຍໃນງານຍັງມີການເປີດໂຕລາຄາຂາຍໃນປະເທດຢ່າງເປັນທາງການທັງສອງລຸ້ນ.
ນອກຈາກພິທີເປີດໂຕໂທລະສັບແລ້ວ. ພາຍໃນງານຍັງມີສິນລະປິນຮັບເຊີນ ກະຕ່າຍ ແລະ ເມ ລະອອງ ທີ່ມາໂຊສຽງຮ້ອງ ເພງມ່ວນໆ, ພ້ອມນັ້ນຍັງມີການເດີນແບບແຟຼຊັນໂຊ ແລະ ການສະແດງເຕັ້ນຈາກ ນັກສະແດງຊື່ດັງອີກດ້ວຍ.
Editor: ກຳປານາດ ລັດຖະເຮົ້າ
