ຜ່ານມາອ້າຍນ້ອງນາຍ ແລະ ພົນທະຫານກະຊວງປ້ອງກັນປະເທດ ສົມທົບກັບກອງພົນນ້ອຍທີ 5 ກອງບັນຊາການທະຫານ4ແຂວງພາກໃຕ້ ແລະ ອໍານາດການປົກຄອງທ້ອງຖີ່ນແຂວງອັດຕະປື ທີ່ໄດ້ໄປປະຕິບັດໜ້າທີ່ ພາລະກິດກອບກູ້ ແລະ ຊ່ວຍເຫຼືອຜູ້ປະສົບໄພພິບັດນໍ້າຖ້ວມ, ຈາກເຫດການສັນເຂື່ອນເກັບນໍ້າສໍາຮອງເຊປຽນ-ເຊນໍ້ານ້ອຍແຕກ. ເຊິ່ງເລີມມາແຕ່ວັນທີ 24 ກໍລະກົດ ມາຮອດປະຈຸບັນ ມີຫຼາຍສະຫາຍປະຕິບັດໜ້າທີ່ດ້ວຍຄວາມຮັບຜິດຊອບສູງ. ສະນັ້ນ, ກະຊວງປ້ອງກັນປະເທດ ຈຶ່ງໄດ້ຄົ້ນຄ້ວາປະຕິບັດນະໂຍບາຍຕໍ່ບຸກຄົນ ແລະ ກົມກອງລວມໜູ່ທີ່ມີຜົນດີເດັ່ນໃນພາລະກິດກອບກູ້ໄພພິບັດຄັ້ງນີ້ ໂດຍໄດ້ມີການຈັດພິທີມອບຫຼຽນໄຊ ພິລະອາດຫານ, ໃບຍ້ອງຍໍ ແລະ ເລື່ອນຊັ້ນໃຫ້ອ້າຍນ້ອງນາຍແລະ ພົນທະຫານຢ່າງສົມກຽດຢູ່ພາກສະໜາມ ກອງບັນຊາການທະຫານ ເມືອງສະໜາມໄຊ ແຂວງອັດຕະປື. ໂດຍການເຂົ້າຮ່ວມພິທີຂອງ ທ່ານ ພົນໂທ ຈັນສະໜອນ ຈັນຍາລາດ ກົມການເມືອງສູນການພັກ, ລັດຖະມົນຕີກະຊວງປອ້ງກັນປະປະເທດ

ໃນພິທີໄດ້ຜ່ານຂໍ້ຕົກລົງຂອງ ກະຊວງປ້ອງກັນປະເທດວ່າດ້ວຍການມອບຫຼຽນໄຊພິລະອາດຫານຊັ້ນ 2 ໃຫ້ 4 ກົມກອງ ແລະ ບຸກຄົນ 90 ສະຫາຍ, ຫຼຽນໄຊຊັ້ນ 3 ໃຫ້ 8 ກົມກອງ ແລະ ບຸກ 113 ສະຫາຍ, ໃບຍ້ອງຍໍຂອງກະຊວງປ້ອງກັນປະເທດໃຫ້ 1 ກົມກອງ ແລະ ບຸກຄົນ 179 ສະຫາຍ, ໃບຍ້ອງຍໍກົມໃຫຍ່ການເມືອງກອງທັບໃຫ້ບຸກ ຄົບ 213 ສະຫາຍ. ພ້ອມດຽວກັນນີ້ ກໍ່ໄດ້ເລື່ອນຊັ້ນໃຫ້ອ້າຍນ້ອງນາຍ ແລະ ພົນທະຫານຄື: ເລື່ອນຊັ້ນ1ຂື້ນສີບຕີ 25 ສະຫາຍ, ຊັ້ນສີບຕີ ຂື້ນສີບໂທ 27 ສະຫາຍ, ຊັ້ນສິບໂທຂື້ນສີບເອກ 15 ສະຫາຍ, ຊັ້ນສີບເອກ ຂື້ນວາທີ 23 ສະຫາຍ, ຊັ້ນວາທີຂື້ນຮ້ອຍຕີ 65 ສະຫາຍ, ຊັ້ນຮ້ອຍຕີຂື້ນຮ້ອຍໂທ 40 ສະຫາຍ, ຊັ້ນຮ້ອຍໂທຂື້ນຮ້ອຍເອກ 27 ສະຫາຍ.ທັງນີ້ກໍ່ເພື່ອເອກອ້າງຄຸນງາມຄວາມດີທີ່ອ້າຍນ້ອງນາຍແລະພົນທະຫານທີ່ປະຕິບັດພາລະກິດກອບກູ້ ແລະ ຊ່ວຍເຫຼືອປະຊາຊົນທີ່ຖືກອຸກທົກກະໄພນໍ້າຖວ້ມໃນໄລຍະທີ1

Editor: ກຳປານາດ ລັດຖະເຮົ້າ