ອຳນາການປົກຄອງ ພ້ອມດ້ວຍພໍ່ແມ່ປະຊາຊົນບ້ານໃຫ່ຍສິງສຳພັນ ຕົວເມືອງນ້ອຍ ເມືອງຊະນະສົມບູນ ແຂວງຈຳປາສັກ. ໄດ້ເປີດກອງປະຊຸມໃຫ່ຍເລືອກຕັ້ງຄະນະນາຍບ້ານຊຸດໃໝ່ຂື້ນຢ່າງເປັນທາງການ. ໂດຍຮັບກຽດເຂົ້າຮ່ວມຂອງ ທ່ານ ພັນໂທ ບຸນຖອງ ຈິນດາວົງ ຫົວໜ້າກອງບັນຊາການທະຫານເມືອງ, ມີພະນັກງານການນຳຫຼັກແຫຼ່ງ, ວິຊາການມາຈາກຫ້ອງການທີ່ກ່ຽວຂ້ອງຂອງເມືອງ ພ້ອມດ້ວຍພະນັກງານທີ່ຫັນລົງກໍ່ສ້າງຮາກຖານການເມືອງຈາກແຂວງ. ຕະຫຼອດຮອດເລຂາຄະນະພັກຮາກຖານຊີ້ນຳກຸ່ມ ລວມທັງອົງການຈັດຈັ້ງທຸກພາກສ່ວນ ແລະ ພໍ່ແມ່ປະຊາຊົນພາຍໃນບ້ານແຫ່ງດັ່ງກ່າວເຂົ້າຮ່ວມຢ່າງຫຼວງຫຼາຍ.
ກອງປະຊຸມຄັ້ງນີ້ ທ່ານ ບຸນທຳ ຊາຕະກຸນ ເລຂາໜ່ວຍພັກບ້ານ ນາຍບ້ານໃຫ່ຍສິງສຳພັນຕົວເມືອງນ້ອຍ ກ່າວວ່າ: ຍ້ອນໄດ້ຮັບການຊີ້ນຳ-ນຳພາ ຢ່າງໃກ້ຊິດຕິດແທດຈາກຄະນະພັກຂັ້ນເທີງ ບວກກັບຄວາມເປັນເຈົ້າການຂອງອຳນາດການປົກຄອງບ້ານ ພ້ອມດ້ວຍພໍ່ແມ່ປະຊາຊົນ ຕະຫຼອດໄລຍະ 3 ປີຜ່ານມາ ໄດ້ພ້ອມກັນສຸມໃສ່ຈັດຕັ້ງຜັນຂະຫຍາຍມະຕິ 10 ຂອງສູນກາງພັກ, ມະຕິ 7 ຂອງອົງຄະນະບໍລິຫານງານພັກແຂວງຈຳປາສັກ ແລະ ມະຕິ 7 ຂອງຄະນະບໍລິຫານງານພັກເມືອງຊະນະສົມບູນ. ຈົນເຮັດໃຫ້ສະຖຽນນະພາບທາງດ້ານການເມືອງ ພາຍໃນບ້ານມີຄວາມສະງົບ, ສັງຄົມເປັນລະບຽບຮຽບຮ້ອຍ,ວັດທະນະທຳ, ຮີດຄອງປະເພນີໄດ້ຮັບການອະນະລັກຮັກສາ ແລະ ຊຸກຍູ້ສົ່ງເສີມໄວ້ຢ່າງໝັນຄົງ, ປະຊາຊົນມີຊີວິດການເປັນຢູ່ດີຂື້ນເທື່ອລະກ້າວ, ຍ້ອນສາເຫດຄືແນວນັ້ນຈຶ່ງເຮັດໃຫ້ບ້ານພັດທະນາບ້ານໃໝ່ສິງສຳພັນ ໄດ້ຮັບນາມມະຍຸດກາຍເປັນຕົວເປັນຕົວເມືອງນ້ອຍໃນຊົນນະບົດຢ່າງເປັນທາງການ ໃນວັນທີ 28 ກຸມພາ 2018 ຜ່ານມາຈົນເຖີງປັດຈຸບັນ, ເພື່ອສຶບຕໍ່ແຜນພັດທະນາເສດຖະກິດ - ສັງຄົມໃນໄລຍະ 5 ປີຕໍ່ໜ້າ
ຈາກນັ້ນພໍ່ແມ່ປະຊາຊົນທີ່ເຂົ້າຮ່ວມກໍ່ຍັງໄດ້ພ້ອມກັນໃຊ້ສິດປະຊາທິປະໄຕປ່ອນບັດຄັດເລືອກເອົາຄະນະນາຍບ້ານຊຸດໃໝ່ ເຊີ່ງປະກອບມີຜູ້ສະໝັກ 5 ທ່ານ ແລະ ເລືອກໄດ້ ທ່ານ ບຸນທຳ ຊາຕະກຸນ ເປັນນາຍບ້ານ, ທ່ານ ອຸງຄຳ ພົມມະຈັນ ແລະ ທ່ານ ຄຳໂກ້ ພີມພາລັກ ເປັນຮອງ.
ແຫລ່ງຂ່າວຍັງໃຫ້ຕື່ມອິກວ່າ: ໃນຕ່ອນບ່າຍຂອງວັນດຽວກັນນີ້: ຄະນະໜ່ວຍພັກບ້ານໃຫ່ຍສິງສຳພັນຕົວເມືອງນ້ອຍ ຍັງໄດ້ເປີດກອງປະຊຸມໃຫ່ຍຄັ້ງທີ 6 ຂອງຕົນ. ເພື່ອສະຫຼຸບຕີລາຄາການນຳພາວຽກງານຂອງໜ່ວຍພັກໄລຍະ 3 ປີຜ່ານມາ ແລະ ແຜນການ 5 ປີຕໍ່ໜ້າ, ເຊີ່ງຮັບກຽດເຂົ້າຮ່ວມເປັນປະທານມີຄຳເຫັນໂອ້ຂອງ ສະຫາຍ ພັນໂທ ບຸນຖອງ ຈິນດາວົງ ຄະນະປະຈຳພັກເມືອງ ຫົວໜ້າກອງບັນຊາການທະຫານເມືອງ, ມີພະນັກງານການນຳຫຼັກແຫຼ່ງວິຊາການທີ່ກ່ຽວຂອງຂອງເມືອງ ພ້ອມດ້ວຍພະນັກງານທີ່ຫັນລົງກໍ່ສ້າງຮາກຖານການເມືອງຈາກແຂວງ ແລະ ໃນວາລະຕອນທ້າຍທີ່ປະຊຸມບັນດາສະຫາຍສະມາຊິກພັກທີ່ຂື້ນກັບໜ່ວຍພັກບ້ານໃຫ່ຍສິງສຳພັນຕົວເມືອງນ້ອຍ ໃນຊົນນະບົດ ທີ່ເຂົ້າຮ່ວມຍັງໄດ້ປ່ອນບັດເລືອກເອົາຄະນະໜ່ວຍພັກຊຸດໃໝ່ ໂດຍມີຜູ້ຮັບສະໝັກເລືອກຕັ້ງ 5 ສະຫາຍ, ຍິງ 0 ສະຫາຍ. ສາມາດເລືອກໄດ້ສະຫາຍ ບຸນທຳ ຊາຕະກຸນ ເປັນເລຂາໜ່ວຍພັກ, ສະຫາຍ ອຸງຄຳ ພົມມະຈັນ ແລະ ສະຫາຍ ພູຄີ ຄຳມະນີທອງ ເປັນຮອງ.
Editor: ກຳປານາດ ລັດຖະເຮົ້າ
