ເພື່ອເປັນການຕ້ອນຮັບວັນສຳຄັນຕ່າງໆຂອງຊາດທີ່ຈະມາຮອດມາເຖິງນີ້ໂດຍສະເພາະກະກຽມຂໍ່ານັບຮັບຕ້ອນກອງປະຊຸມໃຫຍ່ສາມຂັ້ນຂອງພັກ,ດັ່ງນັ້ນມາໃນຕອນເຊົ້າຂອງວັນທີ 11 ກັນຍາ2018ທີ່ຜ່ານມາ, ທ່ານ ສຸລິຍາ ມາຜາງວົງ ຮອງເຈົ້າເມືອງເຊໂປນທັງເປັນຜູ້ຊີ້ນໍາບ້ານໃຫ່ຍບ້ານຫ້ວຍຈັງພ້ອມຄະນະທີມງານໄດ້ລົງເຄື່ອນໄຫວຕິດຕາມຊີ້ນໍາການສ້າງຂະບວນການອອກແຮງງານອານາໄມລວມຂອງພໍ່ແມ່ປະຊາຊົນບ້ານໃຫຍ່ຫ້ວຍຈັງເມືອງເຊໂປນໄລຍະເສັ້ນທາງໃນການອານາໄມຄັ້ງນີ້ແຕ່ເສັ້ນທາງເລກ 9 ເຂົ້າໄປຫາບ້ານປະມານ 3ກິໂລແມັດ,ເຊິ່ງພໍ່ແມ່ປະຊາຊົນ ແລະ ນ້ອງນັກຮຽນໄດ້ພ້ອມກັນຖາງປ່າຫຍ້າບ່ອນທີ່ຮົກເຮື້ອລຽບຕາມເສັ້ນທາງເຂົ້າບ້ານທັງສອງຝາກທາງ ແລະ ໄດ້ພ້ອມກັນສ້ອມແປງທາງຊະຂີ້ດິນຖົມທາງບ່ອນທີ່ເປ້ເພ,ເປັນບວກ,ເປັນໜອງຊື່ງໃນໄລຍະຜ່ານມາຝົນຕົກຕິດຕໍ່ກັນຈຶ່ງເຮັດໃຫ້ເສັ້ນທາງເຂົ້າບ້ານນໍ້າຖ້ວມຂັງ,ເສັ້ນທາງເປ້ເພ,ເປັນຂຸມ,ບວກ,ໜອງ,ໂຄນຕົມ,ທຸລະກັນດານ,ມີແຮງງານທັງໝົດປະມານ100ກວ່າຄົນ,ນອກຈາກນີ້ແລ້ວຍັງນຳໃຊ້ພາຫະນະລະດົມນຳນັກທຸລະກິດຊ່ວຍທາງດ້ານກົນຈັກສ້ອມແປງເສັ້ນທາງເຂົ້າບ້ານໃຫ້ການສັນຈອນມີຄວາມສະດວກສະບາຍນຳໃຊ້ໄດ້ຕະຫຼອດປີອີກດ້ວຍ.
Editor: ກຳປານາດ ລັດຖະເຮົ້າ
