ມື້ນີ້ທີມຂ່າວຂອງພວກເຮົາ ໄດ້ນໍາເອົາ ຕົວຢ່າງ ຄອບຄົວ ທ່ານ. ສີນໂພທອງ ສີນທິປັນຢາ ຫຼື ( ອ້າຍຫມິງ ) ອາຊີບພະນັກງານ ເອກກະຊົນ ຢູ່ທີ່ບ້ານໝອງແວງ ເມືອງຫາດຊາຍຟອງນະຄອນຫຼວງວຽງຈັນ ທີ່ຖືເອົາການລ້ຽງປາຝາ ເປັນອາຊີບເສີມໃນຄອບຄົວ ທ່ານ ສີນໂພທອງ   ໄດ້ເລົ່າວ່າ: ການຕັດສີນໃຈ ລ້ຽງປາຝາ ແມ່ນເລີ່ມຈາກຄວາມມັກຂອງລູກ ຕົນເອງເລີຍເລີ່ມ ສຶກສາ ລອງຜິດລອງຖືກ ແລະ ເຫັນວ່າ: ປາຝາ ເປັນສັດ ທີ່ລ້ຽງງ່າຍ, ເບິ່ງແຍງຮັກສາງ່າຍ, ເປັນທີ່ຕອງການຂອງຮ້ານອາຫານ ໂຮງແຮມ, ລາຄາດີ ປັດຈຸບັນລາຄາ ປາຝາໂຕໃຫຍ່ ລາຄາ 150.000 ກີບຕໍ່ກິໂລ, ແລະ ໂຕນ້ອຍ ສໍາລັບລູກຄາທີ່ຢາກຊື້ ໄປລ້ຽງ ມີຕັ້ງແຕ່ລາຄາເລີ່ມຕົ້ນ 5.000   ກີບ, 10.000 ກີບ, 15.000 ກີບຕໍ່ໂຕ/ຕາມຂະໜາດ

ສໍາລັບເຕັກນິກການລ້ຽງປາຝາ ແມ່ນບໍ່ໄດ້ຍາກເລີຍພຽງແຕ່ ຕ້ອງມີອ່າງ ຫຼື ໜອງສໍາລັບລ້ຽງ, ບ່ອນສໍາລັບໃສ່ດີນຊາຍໃຫ້ປາຝາໄດ້ວາງໄຂ່, ໃສ່ຜັກຕົບ ຫຼື ພືດນໍ້າ ກໍ່ໄດ້ ແລະ ຍັງສາມາດລ້ຽງປາປະເພດ ປາດຸກ, ປານີນ ແລະ ປາເຂັງ ໃນອ່າງ ຫຼື ໜອງດຽວກັນໄດ້ອີກດ້ວຍ, ອາຫານຂອງປາຝາ ແມ່ນລ້ຽງດ້ວຍຫົວອາຫານປາດຸກເປັນຫຼັກ ນອກນັ້ນຍັງມີ ປາຊິວ, ກຸ້ງ, ຫ້ອຍ ໃຫ້ເປັນອາຫານເສີມຕາມຄວາມສະດວກ, ການລ້ຽງປາຝາຂອງ ທ່ານ. ສີນໂພທອງ ໃນປັດຈຸບັນແມ່ນ ສາມາດ ຈໍາໝ່າຍໃຫ້ແກ່ລູກຄ້າໄດ້ 250-300 ກິໂລຕໍ່ປີ ສໍາລັບໂຕໃຫຍ່, ໂຕນ້ອຍ 5 ຫາ 6 ພັນໂຕຕໍ່ປີ ສ້າງລາຍຮັບໃຫ້ແກ່ຄອບຄົວຫລາຍ ລ້ານກີບຕໍ່ເດືອນ.  

ທ່ານໃດສົນໃຈ ສາມາດສອບຖາມພົວພັນໄດ້ທີ່ເບີ 020  55958863, 55400852

ບົດ: ສີງຫາ ເລືອງວັນ, ພາບ: ວິໄລສັກ ຫມື່ນນະລາດ