ໃນວັນທີ 4 ກັນຍາ 2019 ທີ່ສະຖານີໂທລະພາບລາວສະຕາຣ ບໍລິສັດ ສວນວັດທະນະທຳ ຊຽງຄວນ ໄດ້ນຳເອົາເງິນ ຈຳນວນ 5 ລ້ານກີບ ມາມອບຊ່ວຍເຫລືອຜູ້ປະສົບໄພນ້ຳຖ້ວມ ພາກໃຕ້ຂອງລາວ ຜ່ານໂທລະພາບລາວສະຕາຣ ເພື່ອນຳໄປມອບຕໍ່ໃຫ້ຄະນະກຳມະການຮັບຜິດຂອບໄພພິບັດ ໃນພາກໃຕ້ຂອງລາວ, ສາລະວັນ, ເຊກອງ ແລະ ອັດຕະປື.
ມອບໂດຍ ທ່ານນາງ ສ້ອຍສຸດາ ອິນເມືອງໄຊ ປະທານ ບໍລິສັດ ວັດທະນະທຳຊຽງຄວນ ແລະ ຕາງຫນ້າຮັບໂດຍ ທີມງານພິທິກອນ ລາຍການສະບາຍດີເມືອງລາວ, ໂທລະພາບລາວສະຕາຣ.
ຕໍ່ກັບການມອບເງິນຊ່ວຍເຫລືອ ຜູ້ປະສົບໄພນ້ຳຖ້ວມ ໃນພາກໃຕ້ ຂອງລາວ ຄັ້ງນີ້, ທ່ານນາງ ສ້ອຍສຸດາ ອິນເມືອງໄຊ ປະທານ ບໍລິສັດ ສວນວັດທະນະທຳຊຽງຄວນ ໄດ້ສະແດງຄວາມເປັນຫ່ວງເປັນໄຍ ພ້ອມທັງເປັນກຳລັງໃຈ ໃຫ້ປະຊາຊົນພໍ່ແມ່ພີ່ນ້ອງ ທີ່ຢູ່ພາກໃຕ້ ເຂັ້ມແຂງ ຜ່ານຜ່າ ອຸປະສັກຄັ້ງນີ້ ການປະກອບສ່ວນດັ່ງກ່າວ ຍັງເປັນການສະແດງຄວາມເອື້ອເພື້ອອາລີ ເຊີ່ງກັນ ແລະ ກັນ.
ເຮົາຄວນລາວ ບໍ່ຖີ້ມປະກັນ ພ້ອມທັງເປັນກຳລັງໃຈ ແລະ ຝາກເຖິງທຸກພາກສ່ວນ ຜູ້ທີ່ມີເງື່ອນໄຂ ຍາກປະກອບສ່ວນຊ່ວຍເຫລືອ ຜູ້ປະສົບໄພ ພາກໃຕ້ ສາມາດປະກອບສ່ວນ ຕາມເງື່ອນໄຂ ແລະ ກຳລັງສັດທາ ທີ່ມີ. ເຊື່ອແນ່ວ່າ: ເຮົາຄົນລາວ ທຸກຫົນແຫ່ງ ຍ່ອມບໍ່ປະຖີ່ມກັນ, ແບ່ງປັນບີແບ່ງ ນ້ຳໃຈ ສົ່ງເຖິງປະຊາຊົນຜູ້ປະສົບໄພ ຜ່ານຜ່າອຸທົກກະໄພໃນຄັ້ງນີ້ໂດຍໄວ.
ບກ: ກຳປານາດ ລັດຖະເຮົ້າ, Kampanath Latthahao
