ເພື່ອໃຫ້ການຊ່ວຍເຫລືອແກ່ປະຊາຊົນຜູ້ປະສົບໄພນ້ຳຖ້ວມ ໃນ ພາກໃຕ້ ຂອງລາວ ດັ່ງນັ້ນ ໃນວັນທີ 10 ກັນຍາ ນີ້ ສະພາການຄ້າ ແຂວງຫູຫນານ ປະຈຳ ສປປ ລາວ ໄດ້ຈັດພິທີມອບເຄື່ອງຊ່ວຍເຫລືອຜູ້ປະສົບໄພນ້ຳຖ້ວມ ໂດຍຕາງຫນ້າຮັບໂດຍ ທ່ານ ສີຄູນ ບູນວິໄລ ເລຂາທິການ ສະມາຄົມມິດຕະພາບ ລາວ-ຈີນ. ແລະ ກ່າວມອບໂດຍ ທ່ານ ຫລີ ເວີນເຄີ ປະທານສະພາການຄ້າ ຫູຫນານ ປະຈຳ ສປປ ລາວ ພ້ອມດ້ວຍຄະນະ
ເຄື່ອງທີ່ມອບຊ່ວຍເຫລຶອໃນຄັ້ງນີ້ ປະກອບດ້ວຍ ເຂົ້າສານຈ້າວ, ຫມີ່ສຳເລັດຮູບ, ເຄື່ອງນຸງຮົມ, ແລະ ນ້ຳດື່ມ ລວມມູນຄ່າທັງຫມົດ ຫລາຍກວ່າ 500 ລ້ານກີບ. ໃນນີ້ ແມ່ນຈະໄດ້ຈັດສົ່ງລົງໄປຍັງແຂວງສາລະວັນກ່ອນ ຫລັງຈາກນັ້ນ ກໍ່ຍັງຈະມີເຄື່ອງອື່ນໆ ຈັດສົ່ງໄປຍັງບັນດາແຂວງທີ່ຖືກໄພນ້ຳຖ້ວມ.
ສຳລັບການຂົນສົ່ງຄາດວ່າ ຮອດແຂວງສາລະວັນ ໃນເຊົ້າວັນທີ 11 ກັນຍາ ນີ້. ແລະ ນີ້ຖືເປັນອີກພາກສ່ວນຫນື່ງ ທີ່ເຫັນໄດ້ເຖິງຄວາມສຳຄັນ ຕໍ່ການຊ່ວຍເຫລືອຜູ້ປະສົບໄພ ແລະ ເຄື່ອງທັງໝົດ ແມ່ນໄດ້ຈາກການລະດົມທຶນຂອງນັກທຸລະກິດ ຊາວຈີນ ປະຈຳແຂວງຫູຫນານ ທີ່ມາດຳເນີນທຸລະກິດໃນ ສປປ ລາວ.
