ພິທີມອບ-ຮັບ ເຄື່ອງຊ່ວຍເຫລືອ ຈາກສະມາຄົມຊາວຄ້າ-ຂາຍ ຕະຫລາດເຊົ້າ ໄດ້ຈັດຂື້ນໃນວັນທີ 13 ກັນຍາ ຜ່ານມາ ທີ່ສູນກາງແນວລາວສ້າງຊາດ ນະຄອນຫລວງວຽງຈັນ ເຊີ່ງນຳພາ ຄະນະ ມີ ທ່ານ ພູວົງ ພະມີສິດ ປະທານສະມາຄົມຊາວຄ້າ-ຂາຍ ເຄື່ອງປະດັບ ແລະ ອັນຍະມິນີລາວ, ປະທານຮ້ານຄຳພູວົງ, ປະທານສວນພຶກສາ ສຳລັບເຄື່ອງທີ່ນຳມາມອບໃນຄັ້ງນີ້ ປະກອບດ້ວຍເງິນສົດ 30 ກວ່າລ້ານກີບ. ເຄື່ອງບໍລິໂພກຕ່າງໆ ລວມມູນຄ່າ ເກືອບ 70 ລ້ານກີບ ໃນນັ້ນປະກອບມີ: ນ້ຳດື່ມ. ຫມີສຳເລັດຮູບ ແລະ ອື່ນໆ.
ສຳລັບເຄື່ອງທີ່ນຳມາມອບ ຊ່ວຍເຫລືອຜູ້ປະສົບໄພນ້ຳຖ້ວມ ຄັ້ງນີ້ ແມ່ນໄດ້ມາຈາກການລະດົມທຶນ ຈາກນັກທຸລະກິດຊາວຄ້າ-ຂາຍ ໃນຕະຫລາດເຊົ້າ, ຮ່ວມກັບ ຮ້ານຄຳພູວົງ. ສວນພຶກສາ, ນາງສາວນະຄອນຫລວງ. ນາງສາວເຜົ່າມົ້ງ ນະຄອນຫລວງ. ແລະ ມູນນິທິຮ່ວມໃຈພັດທະນາ ແລະ ພາກສ່ວນອື່ນໆ ລວມທັງເງິນສົດ ແລະ ເຄື່ອງ ເກືອບ 100 ລ້ານກີບ. ເພື່ອຈະໄດ້ນຳໄປມອບແກ່ປະຊາຊົນ ທີ່ປະສົບໄພນ້ຳຖ້ວມ ໃນ 4 ແຂວງພາກໃຕ້ ຄື: ແຂວງຈຳປາສັກ. ແຂວງສາລະວັນ. ແຂວງເຊກອງ ແລະ ອັດຕະປື.
ທ່ານ ພູວົງ ພະມີສິດ ປະທານຮ້ານຄຳພຸວົງ, ປະທານສວນພຶກສາ ກ່າວວ່າ: ນອກຈາກເຄື່ອງທີ່ມອບຊ່ວຍເຫລືອຜູ້ປະສົບໄພນ້ຳຖ້ວມ ພາກໃຕ້ ຜ່ານສູນກາງແນວລາວສ້າງຊາດ ໃນມື້ນີ້ແລ້ວ. ນອກນັ້ນ ທາງຮ້ານຄຳພູວົງ ແລະ ສວນພຶກສາ ຍັງໄດ້ມີເຄື່ອງອີກຈຳນວນຫນຶ່ງ ເດີນທາງໄປມອບຊ່ວຍເຫລືອ ຜູ້ປະສົບໄພນ້ຳຖ້ວມ ທີ່ແກ່ງກອກ, ເມືອງຈຳພອນ, ແຂວງສະຫວັນນະເຂດ ໃນລະຫວ່າງວັນທີ 14-15 ກັນຍາ 2019 ນີ້ ເພື່ອເປັນຂວັນກຳລັງໃຈ ແກ່ຜູ້ປະສົບໄພ ຕາມຄວາມຮຽກຮ້ອງຕ້ອງການ ໃນຍາມພົບຄວາມຫຍຸ້ງຍາກ ຄົນລາວ ຕ້ອງໄດ້ຊ່ວຍເຫລືອ ເຊີ່ງກັນ ແລະ ກັນ ບໍ່ປະຖີ່ມກັນ. ແບ່ງປັນນ້ຳໃຈ ແກ່ຜູ້ປະສົບ
