ຫຼັງຈາກທີ່ໄດ້ມີການເປີດຮັບສະໝັກ ບັນດານາງສາວ ທີ່ ມີເງື່ອນໄຂ ແລະ ຄວາມພ້ອມຕ່າງໆ ບໍ່ວ່າຈະເປັນ ສ່ວນສູງ, ອາຍຸ ແລະ ບຸກຄະລິກກະພາບ ເຊິງໄດ້ເປີດຮັບສະໝັກຕັ້ງແຕ່ ເດືອນ ເມສາ ຈົນເຖິງວັນທີ 27 ພຶດສະພາ 2017 ທີ່ຜ່ານມາ ທີ່ສູນການຄ້າລາວ - ໄອເຕັກ ແລະ ໄດ້ມີການຄັດເລືອກເອົາ 20 ຄົນສຸດທ້າຍ ເພື່ອເຮັດກິດຈະກໍາຕ່າງໆ ກ່ອນທີ່ຈະຮອດວັນປະກວດຮອບຕັດສີນ ໃນວັນທີ 15 ກໍລະກົດ 2017 ທີ່ຈະມາເຖິງນີ້, ສະນັ້ນ ມືວານນີ້ ທີ່ສູນການຄ້າ ວຽງຈັນເຊັ່ນເຕີ້ ຈຶ່ງໄດ້ມີການຈັດ ງານເປີດຕົວຜູ້ເຂົ້າປະກວດ ມິສແກຣນລາວ 2017 ຂື້ນ. ໂດຍການເຂົ້າຮ່ວມຈາກຫຼາຍພາກສ່ວນ, ໂຄງການປະກວດ ມິສແກຣນລາວ 2017 ນີ້ ເປັນປີທໍາອິດ ທີ່ປະເທດລາວໄດ້ຈັດສົ່ງຕົວແທນ ນາງສາວ ຈາກປະເທດລາວ ໄປປະກວດເທິງເວທີ Miss Grand Internatioanl ຊຶ່ງເປັນເວທີລະດັບໂລກ ຢ່າງເປັນທາງການ ໂດຍການເຫັນດີຈາກ ສູນກາງຊາວໜຸ່ມປະຊາຊົນປະຕິຫວັດລາວ, ນອກນັ້ນ ໃນພິທີ ຍັງໄດ້ມີການ ມອບ - ຮັບ ມຸງກຸດເພັດ ອັນລໍ້າຄ່າ ພ້ອມທັງຊົມການ ຍ່າງແບບ ຂອງຜູ້ເຂົ້າປະກວດ ໃນຮອບ 20 ຄົນສຸດທ້າຍ ຕື່ມອີກ. ສໍາລັບ ທ່ານຜູ້ຊົມທີ່ມັກໝາຍເລກໃດ ສາມາດໂຫວດໃຫ້ນາງສາວທີ່ທ່ານມັກ ໄດ້ໂດຍການພີມ MG ຕາມດ້ວຍໝາຍເລກທີ່ທ່ານມັກ - ໝາຍດາວ ແລະ ຄະແນນ ສົ່ງໄປທີ່ໝາຍເລກ 1481 ( ບໍ່ເກີນ 100 ຄະແນນຕໍ່ຄັ້ງ) ຄະແນນລະ 1000 ກີບ, ສະເພາະເຄືອຄ່າຍ ETL ແລະ Lao Telecom ເລີ່ມໂຫວດໄດ້ແລ້ວມື້ນີ້ຈົນເຖິງ ປະກາດຜົນ Miss Popular Vote .ໃນວັນທີ 15 ກໍລະກົດ 2017 ທີ່ ສູນການຄ້າລາວ - ໄອເຕັກ ຊັ້ນ 7.
Editor: ສິງຫາ ເລືອງວັນ
