ສຳເລັດລົງດ້ວຍຄວາມປະທັບໃຈ ສຳລັບກິດຈະກຳ “Kpop Fan Party” ຊຶ່ງຈັດຂຶ້ນຢູ່ທີ່ສູນການຄ້າທາດຫຼວງ ພລາຊ່າ ນະຄອນຫຼວງວຽງຈັນ ໃນວັນທີ 11 ສິງຫາ ຜ່ານມາ ໂດຍໃຫ້ກຽດເປັນປະທານເປີດງານໂດຍ ທ່ານ ສົມບັດ ສິຣິພອນວິທະຍາ ຜູ້ບໍລິຫານສູນການຄ້າ ທາດຫຼວງ ພລາຊ່າ, ທ່ານນາງ ສິນປະເສີດ ຈຸນລະມະນີ ຜູ້ບໍລິຫານສູນຄວາມງາມ ພີ-ວັນ, ທ່ານ ສຸລິຍະ ຕານຸວັນ ຫຼື ຕ້ອມ ວົງແມັຊ ມີແຂກຖືກເຊີນ ແລະ ບັນດາຜູ້ສະໜັບສະໜູນ ແລະ ແຟນຄັບທີມເຕັ້ນ ເຂົ້າຮ່ວມ.
ກິດຈະກຳໃນຄັ້ງນີ້ ແມ່ນໄດ້ລວບລວມບັນດາ ນັກເຕັ້ນ ລຸ້ນໃຫມ່ທີ່ນິຍົມເຄປ໋ອບ (Kpop) ທັງເປັນການສ້າງໂອກາດໃຫ້ກັບນ້ອງໆ ໄດ້ມີເວທີສະແດງອອກເຖິງຄວາມສາມາດ ແລະ ທັກສະ ໂດຍສະເພາະແມ່ນການສະແດງ, ການເຕັ້ນ ແລະ ການ Cover ເພງ ຂອງບັນດາສິລະປິນຊື່ດັງຈາກ ສ.ເກົາຫຼີ ພ້ອມນີ້ ກໍໄດ້ເຊີນເອົາກຸ່ມນັກ Cover ຊື່ດັງທັງພາຍໃນ ແລະ ຈາກປະເທດເພື່ອນບ້ານມາຮ່ວມສ້າງສີສັນຢ່າງມ່ວນຊື່ນ.
ໂອກາດດັ່ງກ່າວ ທ່ານນາງ ສິນປະເສີດ ຈຸນລະມະນີ ຜູ້ບໍລິຫານສູນຄວາມງາມ ພີ-ວັນ ກໍໄດ້ນຳເອົາຜະລິດຕະພັນຄຸນນະພາບດີ (ລາຄາຖືກ) ມາຫຼຸດແລກແຈກມາແຖມຫຼາກຫຼາຍລາຍການ.
