ງານເປີດໂຕ ນາຍແບບຫມຸ່ມລາວ ມິດສເຕີ ອິນເຕີເນຊັນແນວ 2019 ຈຳນວນ 20 ຫນຸ່ມ ພ້ອມທັງມອບສາຍສະພາຍ ແກ່ 20 ຫນຸ່ມ ເຊີ້ງ ໄດ້ຈັດຂື້ນທີ່ສູນການຄ້າສາກົນ ວຽງຈັນເຊັນເຕີ ໃນວັນທີ 10 ສິງຫາ ຜ່ານມາ ໂດຍໃຫ້ກຽດ ເຂົ້າຮ່ວມ ເປັນປະທານມອບສາຍສະພາຍ ແກ່ຫນຸ່ມໆ ໂດຍມີ ທ່ານ ນວນທອງ ສຸວັນມີໄຊ ເລຂາທິການ ເລຂາຫນ່ວຍພັກ ຫ້ອງການສູນກາງຊາວຫນຸ່ມ ປະຊາຊົນ ປະຕິວັດລາວ, ມີ ທ່ານ ສົມສະຫນຸກ ມີໄຊ ຮອງປະທານສະມາຄົມນັກຂ່າວ ແຫ່ງປະເທດລາວ, ທັງເປັນທີ່ປຶກສາ ກອງປະກວດ ມິດສເຕີ ອິນເຕີເນຊັນແນວ 2019 ພ້ອມນີ້ ພາຍໃນງານມີພາກສ່ວນທີ່ກ່ຽວຂ້ອງ, ຜູ້ໃຫ້ການສະຫນັບສະຫນູນ ເຂົ້າຮ່ວມ
ໃນງານມີການສະແດງໂຕເທິງເວທີ ຂອງ 20 ຫມາຍເລກ ພ້ອມທັງແນະນຳຊື່ ໃຫ່ແຂກ ແລະ ຄະນະກຳມະການ ຮູ້ພາຍໃນງານ . ຫລັງຈາກນັ້ນ ຫນຸ່ມທີ່ເປັນຕົວແທນ ເຂົ້າປະກວດ 20 ຫມາຍເລກ ຈະໄດ້ກັບໂຕ ເພື່ອເຂົ້າຮ່ວມການປະກວດໃນຮອບຊີງຂະນະເລີດ, ເຊິ່ງຮອບຕັດສິນ ( ຮອບສຸດທ້າຍ ) ແມ່ນຈະໄດ້ຈັດຂື້ນ ໃນວັນທີ 12 ຕຸລາ 2019 ທີ່ໂຮງແຮມ ຄຣາວພາຊາ.
