"ເມືອງວັງວຽງ ແຂວງວຽງຈັນ, ໄດ້ມີກອງປະຊຸມສະຫຼຸບວຽກງານຈັດຕັ້ງເມືອງວັງວຽງ ໄລຍະ 5 ປີ 2012-2016 ແລະ ທິດທາງແຜນການ 2017-2021 ຂຶ້ນຢ່າງເປັນທາງການ"

ວັນທີ່ 20 ພຶດສະພາ 2017 ຜ່ານມານີ້, ຢູ່ທີ່ສະໂມສອນຂອງເມືອງວັງວຽງ ແຂວງວຽງຈັນ, ໄດ້ມີກອງປະຊຸມສະຫຼຸບວຽກງານຈັດຕັ້ງເມືອງວັງວຽງ ໄລຍະ 5 ປີ 2012-2016 ແລະ ທິດທາງແຜນການ 2017-2021 ຂຶ້ນຢ່າງເປັນທາງການ.   ໂດຍການເຂົ້າຮ່ວມຂອງ ທ່ານ  ຄຳຜອງ  ດວງວິໄລ ກຳມະການພັກແຂວງ, ເລຂາພັກເມືອງເຈົ້າເມືອງໆວັງວຽງ, ມີທ່ານ        ຄຳປ້ອງ ຄຳສີດາ  ຮອງຫົວຫນ້າຈັດຕັ້ງ ແຂວງວຽງຈັນ, ມີບັນດາທ່ານຄະນະປະຈຳ, ກຳມະການພັກເມືອງ, ຫົວໜ້າຫ້ອງການ, ພະນັກງານອາວຸໂສ້ບຳນານ ແລະ ສະມາຊິກພັກເຂົ້າຮ່ວມ.     ໃນພິທີ ທ່ານ ຄຳຜອງ ດວງວິໄລ ກຳມະການພັກແຂວງເລຂາພັກເມືອງເຈົ້າເມືອງໆວັງວຽງ ຍັງໄດ້ໃຫ້ກຽດກ່າວເປີດກອງປະຊຸມໃນຄັ້ງນີ້ຢ່າງເປັນທາງການ. ຫລັງຈາກນັ້ນ ທ່ານ  ບຸນສີ  ລັດດາວັນ  ກໍາມະການພັກເມືອງ    ຫົວໜ້າຫ້ອງການຈັດຕັ້ງເມືອງວັງວຽງ ໄດ້ຂຶ້ນຜ່ານສະຫຼຸບວຽກງານຈັດຕັ້ງເມືອງວັງວຽງ ໄລຍະ 5 ປີ 2012-2016 ແລະ ທິດທາງແຜນການ 2017-2021 ວ່າ: ໃນໄລຍະ 5 ປີຜ່ານມາໄດ້ເອົາໃຈໃສ່ໃນການດຳເນີນກໍ່ສ້າງພັກທາງດ້ານການຈັດຕັ້ງຢ່າງເປັນປົກກະຕິ ແລະ ຕໍ່ເນື່ອງ ເພື່ອເຮັດໃຫ້ການຈັດຕັ້ງພັກ ແລະ ສະມາຊິກພັກມີຄວາມເຂັ້ມແຂງ ພ້ອມທັງຂະຫຍາຍຕົວທາງດ້ານປະລິມານ ແລະ ຄຸນນະພາບ ສາມາດເປັນແກນນຳທີ່ດີໃນລະບົບການຈັດຕັ້ງ. ປະຈຸບັນ  ທົ່ວເມືອງມີຄະນະບໍລິຫານງານພັກ ຈຳນວນ 20 ສະຫາຍ, ຍິງ 2 ສະຫາຍ, ເພີ່ມຈາກປີ 2011 ຈຳນວນ 1 ສະຫາຍ, ມີຄະນະພັກຮາກຖານຈຳນວນ 56 ສະຫາຍ, ຍິງ 5 ສະຫາຍ, ຄະນະໜ່ວຍພັກ 312 ສະຫາຍ, ຍິງ 42 ສະຫາຍ.  ທົ່ວເມືອງມີໜ່ວຍພັກ     ທັງໝົດ 122 ໜ່ວຍພັກ,  ເປັນໜ່ວຍພັກເອກະລາດ 35 ໜ່ວຍພັກ ແລະ ໄດ້ຮັບໃບຢັ້ງຢືນໜ່ວຍພັກເຂັ້ມແຂງ -  ຮູ້ນຳພາຮອບດ້ານ 69 ໜ່ວຍພັກ.  ມີສະມາຊິກພັກທັງໝົດ 1,879 ສະຫາຍ, ຍິງ 528 ສະຫາຍ, ເພີ່ມຂຶ້ນຈາກປີ 2011 ຈຳນວນ 425 ສະຫາຍ ເທົ່າກັບ 29,22 ສ່ວນຮ້ອຍ, ສະມາຊິກພັກແຂງ ຈຳນວນ 1,539 ສະຫາຍ.  ແລະສະມາຊິກພັກສົມບູນທີ່ໄດ້ຮັບບັດ ທັງໝົດ 548 ສະຫາຍ,     ຍິງ 112 ສະຫາຍ ເທົ່າກັບ 29,16 ສ່ວນຮ້ອຍ,  ໄດ້ສະເໜີຂັ້ນເທິງອະນຸມັດ   ໃໝ່ ຈໍານວນ 680 ສະຫາຍ, ຍິງ 223 ສະຫາຍ.     ສ່ວນທິດທາງ ແລະ ຄາດໜາຍສູ້ຊົນ ແຕ່ປີ 2017 – 2021 ຄະນະພັກທຸກຂັ້ນຕ້ອງສຶບຕໍ່ຢຶດໝັ້ນຕາມ 5 ຫຼັກການ ແລະ 3 ທິດນຳຂອງພັກເຂົ້າໃນການປັບປຸງກໍ່ສ້າງພັກ, ຍົກສູງຄວາມສາມາດນຳພາກຳອຳນາດຂອງພັກໄວ້ໃຫ້ໝັ້ນຄົງ,ປັບປຸງກໍ່ສ້າງພັກໃຫ້ປອດໃສ, ເຂັ້ມແຂງ, ໜັກແໜ້ນ ທາງດ້ານການເມືອງ-ແນວຄິດ, ການຈັດຕັ້ງ ແລະ ແບບແຜນວິທີນຳພາ. ເປັນແກ່ນນຳທີ່ດີໃນລະບົບການເມືອງ ຢູ່ທ້ອງຖິ່ນຮາກຖານພັກ ແລະ ສ້າງສະມາຊິກພັກໃຫ້ມີຄຸນທາດການເມືອງຢ່າງໝັກແໜ້ນ, ມີຄຸນສົມບັດສິນທຳປະຕິວັດ, ມີຄວາມຮູ້ຄວາມສາມາດເປັນແບບຢ່າງທີ່ດີນຳໜ້າໃນທຸກດ້ານ.      ຕອນທ້າຍພິທີ  ທ່ານ ຄໍາປ້ອງ ຄໍາສີດາ ຮອງຫົວຫນ້າຈັດຕັ້ງແຂວງວຽງຈັນ ຍັງໄດ້ໃຫ້ກຽດໂອ້ລົມຕື່ມອີກ.